Assalamualaikum w.w. Izinkan ambo manyalo. Nampaknyo iyo paralu bana masalah ko ditaliti sacaro serius, untuak mauji kasan-kasan nan kito dapek dari panglihatan kito surang-surang. Ambo tatarik bana maliek kanyataan bahaso hampia salalu ado duo kalompok nan muncul dalam kito mambahas babagai masalah Minangkabau. Kalompok paratamo adolah kalompok nan bana-bana risau jo kasan mundurnyo Minangkabau dibandiangkan jo posisi nan paranah dipaciknyo babarapo puluah tahun lalu. Kalompok nan kadua, indak kurang pulo risaunyo mancaliak urang nan risau tu, karano manuruik kalompok ko, indak ado masalah apo-apo jo Minangkabau. sagalonyo beres, saparati ditunjuakkan dek papatah jo patitih. Susahnyo, indak paranah masalah ko dituntaskan. Tiok kali masalah ko muncul lai, muncul lai, dan muncul lai. Mungkin solusinyo, ayo kito taliti bana, supayo 'tantu jantan batinonyo'. Wassalam, Saafroedin bahar (69th)
Z Chaniago <[EMAIL PROTECTED]> wrote: Assalamu'alaikum WW Kanda Arnoldison, postingan ambo memang bukan sebagai ukuran... karano ndak ado data statistik dan data ilmiah lain..., itu hanya satu data empiris nan ambo alami.... kalau nan di urang awak ado juo ,misalnyo nan pernah dicaritokan Kanda Junaidi Malin Basa @S'pore Tetapi ndak ado salahnyo awak mancontoh ka nan labiah elok Ciek lai... kok rasonyo ambo maliek lain jo panglietan Kanda soal anak urang manggaleh di rantau........ duo-tigo urang panggaleh nan ambo kenal dan manggaleh cukuik maju di Tanah Abang, malah baprinsip "untuak apo sikola tinggi-tinggi...beko ka Tanah Abang juo.....ka manggaleh juo"... mari kito samo samo crosscheck....Okay.... Hal nan babeda jo pemikiran Purdi E Chandra (pemilik franchise Primagama)....pendidikan tetap harus....walaupun telah jadi pengusaha....., dengan contoh....satamaik SMA anaknyo diagiah modal untuak bausao....tetapi kok lah sukses bausao...tetap harus sekolah.... Supayo ndak bias....sabananyo Nan manggalitiak di ambo adolah : apo filafat minang sejenis jo 'Anakkon Hi Do Hamoraon Diau' nan bisa mambuek passion, untuak manyubarangkan anak semaksimal mungkin......?? tentang 'Anakkon Hi Do Hamoraon Diau' bisa di search di google dengan keyword tsb... Wassalam Z Chaniago - Palai Rinuak - http://www.maninjau.com ====================================================================== Alam Takambang Jadi Guru ====================================================================== >From: Arnoldison > Wa'alaykumussalam wr.wb > > Rasonyo nan dipostingkan Angku Z Chaniago tentang carito salah satu dunsanak > kito urang batak alun bisa dikatokan sebagai ukuran untuak mambandingkan > kamajuan urang Batak dan urang Minang. > > Sabok nan sapanglihatan ambo, kok soal motivasi pendidikan urang Minang indak > kalah bagai do jo urang Batak, urang-urang Minang di parantauan nan bakarajo > dikaki limo, anak-anaknyo disakolahkan pulo, sabangsaik bangsaik urang Minang > di parantauan kok sakolah anaknyo pasti dibelanyo mati-matian. > > Nan sabananyo nan mambuek urang bapikiran maju soal pendidikan salah satunyo > iyo dek sabok marantau, marasai dinagari urang dek karano pendidikan randah, > maliek nagari lain maju, tabukak mato maliek paradaban urang nan maju, lalu > timbul kainginan anak dan keturanannyo supaya bisa > hiduik survive dimaso depan. > > Satiok urang nan marantau baik urang Minang, Batak, Aceh, Bugis dll. nyo nan > marantau nagari nan alah maju, pastilah marasokan pentingnya pendidikan. Jadi > kalau ado urang kampuang nan maleh-maleh sakolah, ajak sajo marantau biar > tabuka pangananyo, hinggonyo tau kagunaan sakolah tuak mamotivasinyo balajar. > > Kok disabuik ado papatah urang Batak 'Anakkon Hi Do Hamoraon Diau', nan > aratinyo kiro-kiro 'Anakku adalah Hartaku", apokah indak ado papatah minang > nan sarupo itu? Bahkan ambo raso, labieh dari pado itupun ado, nan > manunjukkan bahwa urang Minang concern terhadap perkembangan ilmu > pengetahuan. Saumpamo 'Alam takambang jadi guru', 'Iduik baraka, bauku jo > bajangko', penghargaan > dengan cara penyebutan khusus terhadap urang berilmu ('cadiak pandai), dll , > nan pamuko adek pasti tau. > > Bila dibandingkan dengan ungkapan 'Anak dipangku kamanakan dibimbing', maka > sabanyo urang minang alah jauh malangkah kedepan dalam pemikiran sosial , nan > indak mamikirkan anak > kandung sajo tapi juga kemenakan harus dipikirkan pulo. > > Wallahu 'alam bis showab > > Arnoldison --------------------------------- Do you Yahoo!? Next-gen email? Have it all with the all-new Yahoo! Mail Beta. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
