Sabalun subuah wakatu parak siang ko MakNgah mangecek talipon sajam lamonyo jo saurang perwira polisi di Devon, UK. Ado saurang padusi, Cino Malaysia, tatangkok mancilok. Inyo diinterogasi, pareso galedah badan, dan ditahan sinan. Karano tatariak dimaa bana latak geografis Devon tu, MakNgah caliak di Websitenyo. Banyak pulo nan dapek katarangan manganai daerah tu. Tapi dalam rangka nan labiah gadang, MakNgah tampak sistem pamarentahan di UK. Kok ado nan ingin maengong-engong ka lua Lapau mancaliak baa pulo sistem pamarentahan di UK sacaro jaleh dan detail untuak panambah pangatahuan umum, tuncik di: http://www.answers.com/topic/departments-of-the-united-kingdom-government
Sakadar tambahan carito kisahnyata MakNgah dengan pangalaman macam-macam satiok ari, iko ado lo ciek nan ado hubuangannyo jo pangalaman Urang Awak di Rantau. Kapatang, dari Seattle, WA, ado Urang Awak, batigo baranak, anaknyo ketek, lalok di Musajik di Everette, WA. Tadinyo mareka lalok di trailer, tapi antah apo sababnyo mareka diusia (disuruah pindah) dari trailier tu; pai lalok ka Musajik. Ruponyo kini mareka diusia (disuruah pindah pulo kalua) dari Musajik tu dek nan punyo musajik (gaduang musajik tu milik pribadi, pitih paribadi pambalinyo), dengan alasan Urang Padusi indak buliah lalok di Musajik. Pamilik trailer jo musajik ko samo urangnyo. Carito ko sakadar salah satu variasi dari Pantun ribuan kasus parasaian Rang Rantau nanindak tabarito: Karatau disangko Madang, kironyo biluluah padi Marantau disangko sanang kironyo barusuah hati .... Salam, --MakNgah -- No virus found in this outgoing message. Checked by AVG Anti-Virus. Version: 7.1.394 / Virus Database: 268.9.9/382 - Release Date: 7/4/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
