Tanyo nan rancak Asnita. Kaduonyo adolah macam kayu nan dikenal elok dek Urang Awak dalam budaya bapantun. Tapi mungkin banyak pulo Urang Awak nan indak tahu atau alun panah mancaliaknyo.
MakNgah indak jaleh bana bantuak pohon "Karatau" ko. Tapi "Karatau" ko sabangso kayu ketek, daunnyo disukoi dek ulek suto, jadi digunokan untuak mahiduik ulek suto. Bahaso Indonesia jo Malayunyo "Kertau", Latinnyo "Morus indica". Sadangkan "Madang" pun adolah sabangso kayu nan acok dibuek untuak papan. Bahaso Indonesia jo Malayunyo "Medang", bahaso asiangnyo (antah bahaso aa tu, mungkin Latin) ditulih dalam kamuih, Phoebe. Jadi, pantun di bawah tu, "Karatau" jo "Madang" tu marupokan namo kayu, sabagai sampiaran dari pantun tu untuak manjapuik isi intinyo di barih katigo jo kaampek untuak sasuai jo rhyme atau irama bunyinyo. Carito sejarah paribadi MakNgah saketek. Akhia Agustus 1958 MakNgah sudah sumbayang luhua, hari sudah hujan-hujan, bajalan-jalan dalam rimbo gadang, maota jo Inyiak Pi'i (Mohammad Sjafei Kayutanam, tokoh pendidik kito, bekas Menteri PD&K wakatu Revolusi). Baliau wakatu tu, manarangkan baa pantiangyo baraja, misanyo mamparajai alam lingkungan kito. Baliau contohkan, Ilmu tumbuh-tumbuhan itu penting, tapi cubo tanyo ka Urang Awak sambia manunjuak-nunjuak kayu gadang nan rindak di rimbo gadang tu. Tanyo: "Kayu aa ko?" Jawab: "Madang". Ditanyo pulo kayu lain: "Kayu aa ko?" Jawab: "Madang". Jadi pangatahuan kayu ka kayu ko indak labiah dari Madang ka Madang sajonyo kecek baliau. Salam, --MakNgah At 09:35 AM 7/5/2006 +0800, Yulfitri, Asnita wrote: > >Dear Mak Ngah, > >Ambo iyo acok bana mandanga ataupun mambaco kato "karatau " jo kato >"madang" ko... >Tapi dek ambo iyo ndak ndak paham jo arti kaduo kato iko.... >Mohon pencerahnnyo Mak Ngah >Thanks > >Kind regards, >Asnita Yulfitri (31 th). > > >Sent: Wednesday, July 05, 2006 1:10 AM >To: Lapau >Subject: [EMAIL PROTECTED] Mancaliak sistem pamarentah di Nagari Urang >.... >Carito ko sakadar salah satu variasi dari Pantun ribuan kasus parasaian >Rang Rantau nanindak tabarito: > >Karatau disangko Madang, >kironyo biluluah padi >Marantau disangko sanang >kironyo barusuah hati .... > >Salam, >--MakNgah -- No virus found in this outgoing message. Checked by AVG Anti-Virus. Version: 7.1.394 / Virus Database: 268.9.9/382 - Release Date: 7/4/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
