Kalau buliah ambo sato manyolang saketek, iko pandapek ambo: 1. Diskusi Mak Lembang iko rancak bana. Kalau buliah, ambo copy dan sadur sbg artikel menarik nantinya untuak mambantu promosi wisata Sumbar. 2. Sarupo nan alah acok ambo sampaikan, karano awak lahia, gadang dan digadangkan di lingkuangan Sumbar iko, "TERKADANG" indak sadar awak do kalau nagari awak ko RANCAK BANA. Diferensiasinyo tinggi sekali. Nan alah acok marantau dan mancaliek nagari2 urang, biasonyo satuju jo pandapek ambo iko. Tamasuak kawan2 di bbrp Komunitas Fotografi Indonesia yg juga memiliki website2 yg membernya tersebar diseluruh dunia, hampir semua setuju: Alam dan Budaya Sumbar sangat LUAR BIASA dan DAHSYAT kecek kawan2 tu... Oleh karena itu kito di website berani menuliskan : Minangkabau adl. the PHOTOGRAPHERS PARADISE. Dan insya allah sktr bln Agustus nanti, rencananya akan berkunjung sktr 40 org pehobby fotografi dr Jkt utk hunting foto ke Sumbar selama 3 hari...! 3. Baa carano agar obyek wisata awakko diminati urang, sebaiknya mari samo2 kito ajak dan serahkan ka nan ahlinyo. Jaan lah awak badebat lapau seh taruih, abih ari dek nyo... Salah satunya adl ka urang2 ahli Marketing seperti pernah ambo sampaikan di milis iko 2 minggu lalu. Bahkan Yogya dan Sulut yg sdh terkenal keseluruh dunia pun msh menggunakan jasa keahlian mereka. Agar Sumbar pun nantinya jg punya GRAND STRATEGY nya. Apo yg kito buek jo website WS.com, barulah sepetak keteknyo dr bentuk promosi pariwisata keseluruhan... 4. Kalau memang niat, aturan KERAS bisa dibuat kok. Singapura dan Malaysia adalah contoh yg cukup bagus. Pola kampanyenya hrs Top-Down. Tidak bisa floating begitu saja, apalagi bottom-up. Sebagian besar kalau pun tidak semua, top management Pemda Sumbar HARUS punya gambaran ANGKA...! Jika turis datang 10.000 org, 50.000 atau 100.000 org per tahun, BERAPA BESAR UANG yang akan masuk ke Sumbar...! Bbrp bulan lalu ambo pernah juo manyampaikan etong2an kasa ambo iko di milis iko sehubungan dg isu 200 org turis yg tapaso jalan kaki krn masalah taxi di BIM. Jiko 200 org turis indak jadi datang, setidaknya Sumbar akan kehilangan pamasuakan sktr Rp. 400 juta dlm 3 hari 2 mlm. Manuruik Encik Idris Talu, etongan ambo itu masih talalu randah utk ukuran urang Malaysia yg suko babalanjo... Wow, apalagi...!? Apakah uang segitu terlalu kecil buat Sumbar...?? Mungkin sagitu dulu. Mohon maap talabiah takurang. Salam, Nofrins Muhammad Dafiq Saib <[EMAIL PROTECTED]> wrote: Assalaamu'alaikum wa rahmatullaahi wa barakaatuhu
Dek ambo mangecek-an satuju jo pamikiran nak mangambangkan turisme di Minangkabau, samantaro ado dunsanak ambo manganggap nan bahaso turisme ko dakek jo kamaksiatan, mako tajadilah diskusi sarupo dibawahko. - Salamo urang Minang masih maraso dakek jo idiom Adaik Basandi Syarak, Syarak Basandi Kitabullah, indak kamungkin turisme ka dimajuan di nagari awak ko doh. Turisme tu akrab jo urang bajamua-jamua satangah sampai batalanjang bulek di tapi pantai, jo palacuran baiak tasalubuang atau batarang-tarang, jo minuman kareh, jo pajudian. Dima kamungkin karajo sarupo itu ka ditarimo masyarakaik di nagari awak. Pamikiran nak manuriskan nagari awak tu sangaik gadang resiko ka arah mudharatno. + Pamikiran bahaso turisme akrab jo hal nan disabuik-an taditu, indak saratuih persen salah tapi indak saratuih persen pulo batua. Urusan kamaksiatan, urusan urang ka batalanjang-talanjang, urusan urang ka minum minuman kareh atau ka bajudi dapek diatehi sabalun tajadi. Umumno turih dari maa sajo ingin mancaliak sasuatu nan alun panah dicaliakno di nagarino. Itulah tujuan no mulo-mulo. Tapi kok dibukak kasampatan untuak judi, untuak prostitusi, untuak hura-hura, untuak maisok madek, pasti ado sajo pulo urang nan kamanompang mandapek-anno. Jadi tagantuang di awak. Kalau sajak mulo awak alah mambuek aturan, apo-apo sajo nan buliah, apo-apo sajo nan indak buliah urang pun ka paham pulo. Contoh. Ambiaklah nagari Singapura. Perjudian indaklah populer di sinan, walau mungkin ado juo baketek-ketek. Palacuran indak populer disinan. Tapi baa mangko datang juo urang kian? Bajuta-juta tiok tauh. Sabab ado nan khas disinan. Sarupo babalanjo di tampek nan ditata sabagitu rupo. Atau pai mancaliak taman-taman buatan nan dibuek sabagitu rupo. - Batua juo. Tapi cubolah caliak sarupo Thailand. Dulu disabuik urang sabagai nagari tampek wisata seks. Apo itu indak mangarikan? Atau Malaysia nan mambuek tampek baampok sarupo Genting Highland? Itu nan ka ditiru? + Jaleh bukan itu nan kaditiru. Thailand pun nampak-nampakno baraja dari pangalaman. Kini indak saheboh sapuluah duo puluah tahun nan lapeh bana lai carito wisata seks disinan. Dan urang nan datang bukanlah urang nan ka bawisata seks sajo. Mungkin ado nan pai bajamua-jamua ka pantai Pattaya sarupo nan dikarajoan urang di Bali di nagari awak. Tapi itupun indak kasadoan turih musti mandatangi tampek untuak bajamua-jamua tu. Baitu juo di Malaysia. Bukanlah sakalian turih nan datang tu untuak pai baampok ka Genting Highland, kalau dietong sacaro statistik mungkin indak kasampai sapuluah persen dari turih nan datang manyingajoan pai ka Genting Highland tu. Ambo panah pai ikuik tour di Brussel saisuak, dibao urang mancaliak salah satu tampek dima ditunjuak-an urang tuo (urang asli Belgia) mambuek rendo Palembang jo alaik nan persis sarupo nan dipagunoan urang padusi awak mambuek rendo Palembang tu. Di ambo indaklah baitu manariak hal itu. Tapi antusiasme turih nan lain, mancaliak bara cekatan tangan tuo mamilin-milin banang rendo tu manimbua-an dacak kagum. Mareka ko manikmati nan mareka caliak. Bandianganlah jo urang batanun kain songket di Pandai Sikek. Kok iko nan dipatontonan, ditarangan pulo bara lamo proses manyalasaian ciek tanunan, baa caro maatur banang untuak manimbuaan motif atau gambar tanun. Pasti ka jauah labiah manariak. - Itu kan turih urang tuo pulo mungkin nan kaamuah tatariak jo hal-hal nan sarupo itu. + Kecek-an lah iyo. Tapi jumlah turih tuo ko justru labiah banyak. Urang-urang nan alah pansiun, nan indak taikek lai jo jadwal karajo. Jumlah mareka ko mawakili bagian cukuik gadang dari wisatawan dari nagari-nagari maju sarupo nagari Eropah atau Japang. Namun turih-turih nan masih mudo pun banyak juo nan punyo paratian ka hal-hal nan unik. Di Parancih, Sungai Seine nan mambalah kota Paris manjadi objek turih dek urang-urang nan datang. Naiak kapa mamudiak-i sungai tu sambia mancaliak pamandangan gaduang-gaduang tuo di tapi sungai. Indak mamakan wakatu lamo, ado sensasi tasandiri wakatu naiak kapa sarupo itu. Mako laku dijua. Baa mangko di awak indak di buek wisata jo kapa mangulilingi danau Maninjau, sambia mancaliak-caliak kampuang nan ado dipasakitaran danau. Mancaliak bukik nan manjulang tinggi. Buek ota, kabaan carito jo pasiah. Insya Allah pasti ka manariak pulo di urang. - Urang kan indak ka sapandia itu bana doh. Antah iyo itu kamanariak lo di urang. + Iko persepsi nan jaleh salah. Tunjuak-an sasuatu nan lain. Nan alun panah dicaliak urang. Ide musti orisinil. Cubolah pikia. Baa mangko musium lilin Madame Tussaud di London bisa manjadi daya tariak. Amuah urang antri mambali kuricih untuak masuak mancaliak patuang lilin tu. Aa bana nan mangganjia jo patuang lilin tu? Tapi ide ko orisinil. Sudahtu ditambah jo publikasi. Jo buku panduan tantang objek turih nan ka dicaliak. Pasti urang jadi ingin tau. - Taroklah iyo. Dek publikasi urang tatariak. Tapi sasudah dicaliakno bana timbua kecewano. Maotano kaurang dinagarino, bahaso nagari ko adolah nagari banyak larangan. Babikini indak buliah, baampok indak buliah, minuman alkohol indak buliah. Sudahtu tantu indak kaado urang nan kaamuah datang lai. + Urusan sagalo indak buliah ko alah dijalehan sajak mulo. Bahkan jo sangsi nan jaleh. Singapura indak babaso-baso mahukum gantuang urang nan kadapek-an mambao narkotika kanagarino. Pulang maklum urang. Indak barani lai urang malangga nan alah ditantuan ko. Itu tiangno diawak. Lai konsekwen awak jo managak-an paraturan nan awak buek. Kalau lai urang pun ka maklum pulo. - Jadi cukuik jo tamasya sajo urang ka diundang kamari? + Nan nomor satu iyo itu. Sudahtu jo tampek babalanjo mambali balah. Iko basiansua. Dan target kan indak musti turih dari nagari Eropah sin do. Turih dari nagari nan dakek-dakek sarupo Singapura jo Malaysia, jo Brunai kan lai pulo. Kinipun alah muloi banyak mareka ko nan datang. Babalanjo kamari. Barang-barang nan khas dari nagari awak ko nan indak ado di tampaik mareka. Basiansua biko, sarupo nan dikarajoan Singapura. Manjadi kota dagang. Kan indak kasadoan barang nan dipadagangan di Singapura tu buatan urang Singapura. Pakaro manggaleh ko urang awak kan indak paralu bagai diajai lai doh. Undang urang datang kamari, jo sandirino insya Allah alah maju pardagangan tu biko. - Kecek-anlah iyo lai tampek tamasya nan kadicaliak urang. Tapi kalau sakadar mancaliak-caliak pamandangan itu sajo, sambuah lo tampaik atau nagari di tampaik no masiang-masiang nan labiah rancak. Rasono alun tantu lo urang kaamuah datang lai doh. + Itu pamikiran pesimis amek. Ambo ulang-ulang baliak. Aa bana nan kamanariak untuak di caliak di Singapura. Tapi bajuta-juta urang datang kian tiok taun. Nan manariak di urang sasuatu nan alun panah dicaliakno salamoko. Sarupo atraksi apo sajo. Atraksi nan mangganjia nan alun panah dicaliakno. Alah kajadi, pagantian pangawal istana di London, jo pangawal nan bapakaian sarupo abaik nan lapeh jadi atraksi nan manariak di urang. Amuah urang bakarumun mancaliak. Kalau diawak nan indak katuju, capek sin kalua kasimpulan, aa lo nan karancak ka ditonton du acara sarupo itu? Tapi di banyak urang itu manariak dino. Taruih sin ado urang nan manonton. Diawak ado atraksi arak-arak katam kaji misalno. Colah publikasian. Undang urang manonton. Pasti ado urang nan katatariak pulo mancaliak hal remeh temeh sarupo itu. Disampiang tantu sajo ado tari-tarian nan bisa dipatunjuakan. Silek nan bisa dipatunjuak-an. Insya Allah pasti manariak. -Antahlah. + Mangkono jaan talampau pesimis amek. Sainggo itulah diskusi kami. Baa lai nan ka manyolang pulo? Wassalamu'alaikum, Lembang Alam -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Do you Yahoo!? Get on board. You're invited to try the new Yahoo! Mail Beta. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
