Waalaikumsalah w.w. Ambo haqqul yakin bahaso generasi mudo Minang sacaro pasaorangan indak kalah kualitasnyo dari generasi mudo Indonesia nan lain, Nan paralu diasah adalah apo nan dinamokan dek urang kini 'mindset'-nyo, caronyo bapikia dan macaliak sagalo sasuatu. Dalam hal ikolah ambo punyo harapan gadang ka doktrin ABS SBK, nan indak bosan-bosannyo ambo dorong supayo janiah, dan bisa dijadikan rujukan untuak manyusun etika dan moralitas Minangkabau. Sayangnyo iko bana nan masih tagaiang-gaiang sampai kini. Tantangan atasan jo bawahan, samo-samo baraja kito mah Ananda Hanifa, karano salamo kito bakarajo dalam organisasi, apolagi dalam organisasi gadang, pasti ado atasan dan pasti ado bawahan. Presiden pun ado 'atasan'nyo, yaitu rakyat badarai dalam pemilu. .Dalam hal iko, rasonyo ambo alun ado punyo atasan nan pangicuah jo pacundang. Kalau kawan-kawan nan sarupo nantun ado juo. . Nan manyolok dalam pangalaman ambo adolah atasan nan panakuik dan indak amuah batangguang jawab. Kalau hasia karajo anak buahnyo hebat, inyo maraso itu kinerjanyo. Tapi kalau kurang hebat atau katokanlah indak sasuai jo harapan, mako sagalo kasalahan inyo ampokkan kabakeh anak buahnyo tu, dan inyo cuci tangan. Atasan nan sarupo ko adolah atasan nan indak patuik dicontoh kalau kito sandiri jadi atasan. Jan panakuik dan jadilah atasan nan barani batangguang jawab, baik untuak apo nan kito karajokan atau nan dikarajokan dek anak buah. Iko nan kini dalam hukum dinamokan 'command responsibility'. Kok takuik juo, jan jadi atasan, jadilah anak buah sajo Salamo di Sekretariat Negara, atasan ambo sabana santiang. Ambo malakukan tugas ambo saabih-abih kamampuan ambo, dan kalau induak samang ambo tu alah satuju jo nan ambo karajokan, mako saluruah tangguang jawab inyo ambiak aliah. Prinsip iko kami bahas basamo dan kami sapakati basamo. Sabana bukak kartu, baliau sanang, ambo juo sanang. Syukurnyo, raso-rasonyo alun ado kasalahan atau kakaliruan nan ambo pabuek, paliang indak sacaro sadar. Walaupun baitu sabana sanang kiro-kiro punyo induak samang nan ksatria sarupo tu. Tapi ambo paranah -- bahkan acok -- mancaliak urang gadang di tentara kito, nan karajonyo cuci tangan sajo taradok sagalo nan bakalibuik nan tajadi sawakatu inyo jadi panglima. Pokoknyo nan salah urang lain, nan inyo indak salah. Bacolah riwayat iduik babarapo tokoh tentara kito nan mudo-mudo, mareka saling salah manyalahkan satu samo lain taradok banyak kagagalan masalah keamanan.. Reaksi ambo: manyabuik astagfirullah sambia mauruik dado, dan mandoa ka Allah swt jan sampai ambo jadi anak buah dari urang nan saroman nantun. Tantang anak buah nan paambiak muko, ambo dangakan sajo apo curitonyo, tapi indak ambo ambiak asi. Karano indak ado reaksi dari ambo, lambek laun inyo tahu bahaso ambo indak suko jo urang paambiak muko. Kok ambo bangihi langsuang, tantu langsuang pulo nan basangkutan ka jadi musuah nan bisa mandangkuang kito kudian. Jadi waspada sajo, indak paralu pulo inyo dimusuahi, baa juo inyo kan anak buah awak juo. Kito didik sajo, jo contoh nan labiah baiak. Ambo ado mangikuti saketek soal Banuhampu apo masuak Agam atau Kiktenggi tu. Nan sarancaknyo tantu masalah ko dibahas jo kapalo dingin, mamparituangkan mudharat jo manfaatnyo. Masalah dasarnyo barangkali adolah 1) baa caronyo supayo indentas Banuhampu sabagai masyarakat hukum adat bisa tapaliharo, baiak dalam Kabupaten Agam ataupun dalam Kota Kiktenggi, dan 2) baa caronyo supayo 'rasaki' pajak rang Agam indak sadonyo diambiak dek Kiktenggi..Kalau indak salah, dalam undang-undang ado klausul tantang karajo samo antaro daerah otonomi nan batatangga. Baa kok caro tu nan dicubo ? Wassalam, Saafroedin Bahar.
hanifah daman <[EMAIL PROTECTED]> wrote: Ass Wr Wb Bapak Saafroedin Bahar, dan dunsanak kasadono yth Bapak Saaf Alhamdulillah, sasudah mambaco tulisan bapak taraso sanang hati. Jadi walaupun indak ado jejaring Minang tapi kalau punyo kamampuan nan tantuno malabihi dari urang lain, kesempatan untuak malaju ka puncak karir masih terbuka lebar kalau awak Profesional. Nan ambo praktekkan adolah mambina dan mangambangkan kemampuan profesional ambo sacaro optimal, dan manjago reputasi sarato integritas pribadi ambo jan sampai baceno Persoalanno Sanggupkah Kita Para Generasi Muda Minang jadi yang TERBAIK di kancah Nasional? atau bagaimana caranya agar generasi muda Minang jadi yang TERBAIK? (kali ini yang mengilhami bapak untuak mamparatikan pandidikan anak-anak Minang?). Kalabahian punyo jejaring, mungkin indak harus jadi nan terbaik bana doh tapi jo konsep BERSAMA KITA BISA, kayak rang Jawa. Bapak Saaf Tadino hanifah kiro alah cukuik ilmu dari bapak du, eh ado juo baru nan taraso. Mudah-mudahan bapak indak keberatan pulo manjawekno. Baa bapak basikap katiko mahadok-i atasan nan pangicuah / pecundang ? Baa pulo katiko mahadok-i bawahan nan paambiak muko ? Eh ado juo baru nan takana pak, tapi iko soal politik (bapak kan ahlinya ) Apo bapak pernah mandanga persoalan Banuhampu masuak BKT VS masuak Agam? (Di SK Banuhampu alah masuak BKT, tapi indak kunjuang dilaksanakan). Baa manuruik bapak persoalanko, kok bisa mantun?. Itu sen dulu pak, talabiah takurang mohon maaf Wass Hanifah Damanhuri . --------------------------------- Talk is cheap. Use Yahoo! Messenger to make PC-to-Phone calls. Great rates starting at 1ยข/min. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
