Ass Wr Wb bapak Saafroedin Bahar yth
Jawekno basalekkan
Mungkin itu nan manyababkan Prof Dr Amri Marzali dari UI mangatokan ado duo
urang 'ayah' bagi anak Minang -- maso saisuak -- yaitu apo nan baliau namokan
'ayah biologis' yaitu ayah nan mangawini ibunyo, dan 'ayah sosiologis' yaitu
mamak dri pihak ibunyo. Kaduo macam 'ayah' ko jarang pulo basuo dan baiyo
batido satu sama lain.
Saat itu umumno laki-laki bapoligami. Padusipun banyak nan kawin carai
sahinggo ado kaluarga masiang-masiang anak dari saurang ibu kadang-kadang
bapakno babedo. Harato pusako tinggipun mungkin sangat banyak jo tuntutan hidup
nan indak sabanyak kini. Jadi kahadiran ayah dan mamak ndak bapangaruah bana,
mungkin nan bapangaruah adolah guru ngaji jo guru silat. Batua ndak pak? Atau
baa carito nan sabanano waktu itu sahinggo mamak labiah bapangaruah dari bapak
?
Hanifah indak punyo mamak kanduang , jadi indak tau peran dari mamak wakatu
itu doh. Papa hanifah yang hidup 1919 - 2000, labiah banyak baperan sabagai
ayah, nan akrab jo anak-anak. Peran sabagai mamak nan batangguang jawab
kakamanakan iyo indak dilakukan papa doh, sabab kaluarga adiak papa nan padusi
sangaik bakalapangan, merekapun hiduik di rantau.
Jadi kalau ambo ditanyo kini, ambo akan mangatokan bahaso saharuihnyo surang
bapak sato maurus anak, dari bayi sampai remaja.
Setuju. Itu nan dilakukan papa kami. Nan lucu, masiang-masiang anak maraso
jadi anak kasayangan papa. Pernah hanifah tanyo ka papa, sia nan paliang di
sayang papa, jawekno samo sen kasadono .
Taradok partanyaan apo iko indak malanggar adaik Minang, ambo jawab pulo jo
partanyaan: adaik nan mano ? Adat tu kan ado ampek macamnyo. Adat nan sabana
adat? Adaik nan Taradat ? Adat nan Diadatkan ? Adat Istiadat ?
Hanifah indak tau mambedokanno doh. Nan hanifah tau adaik = kabiasaan
Dek karano papa baperan sabagai ayah, kadang-kadang kami kanai bangih dek
urang kampuang, misalno katiko nan tingga di rumah hanyo papa, papa bantu
manyapu rumah, mangkon kato rang kampuang bapadiakan sen papa manyapu rumah,
laki-laki indak buliah sato maurus rumah doh . (Rumah itu lai rumah nan di
bangun papa noh.)
Dalam kaitan jo ABS SBK, rasonyo ado ciek pagangan kito : 'Adat babuhua
sentak, syara' babuhua mati'. Aratinyo sapanjang manganai adat, aturannyo bisa
diubah jo bakarilahan.
Dek karano jaman alah barubah, peranan ayah labiah dominan dari mamak, baa
aturan managanai peran ayah dan mamak dalam konsep ABS SBK dun kini pak? Apo
hal iko tamasuak bagian nan ka bapak bahas dalam diskusi ABS SBK ?
Dalam Islam. nasab itu diusut dari Ayah, jadi peranan Ayah amat sentral
dibandiangkan jo peranan mamak. Namun konsep iko bana nan susah mayakinkan
urang awak, walaupun dunsanak-dunsanak kito tu alah iduik dalam sistem keluarga
batih, namun 'mindset'nyo masih dalam alam 'surau' maso saisuak, walaupun dalam
kanyataannnyo indak ado lai.
Mungkin takaik jo harato pusako kali pak?
Kalau pusako tinggi alah barubah jadi pusako randah, tantu persoalan indak
sarumik kalau pusako masih babantuak pusako tinggi. Tantu peran mamak
untuakpusako tinggi sangaik gadang. Eh maaf tantu bapak nan labiah tau he he he.
Sampai disiko dulu Ananda.
Jadih pak.
Oh ya bapak, direntang wakatu sabulan gon alah tigo kali hanifah kanai bangih
karano ikua bajelo-jelo. Mohon bapak bisa mamotong tulisan hanifah sasudah
bapak baleh dih. Urang hanyo tau bara lamo mereka mambukak jo mambaco email,
tapi indak tau bara lamo wakatu nan kito abihkan untuak bapikia apo nan
kaditulih, jo lamo mangetikno. Kadang-kadang lai ditampek gratis, kadang2
mambaia pulo noh. Kasato mambacosen rasono rugi kahilangan paluang baraja
maungkapkan apo nan taraso / tapikiakan, ka urang sakaliber bapak. Rugi indak
bisa mamanciang ilmu dari bapak.
Talabiah takurang mohon maaf pak
Wass
Hanifah Damanhuri
---------------------------------
Stay in the know. Pulse on the new Yahoo.com. Check it out.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
