Assalaamu 'alaikum. Mak Ban,
Ambo di Sungai Buluah, Selangor, Malaysia. Jo suami mausaoan mambuek roti dan kek organik, juo produk-produk alami lain. Makanan di siko ko lah parah bana, tapaso sagalonyo dibuek dari asal, kalau indak ndak tajamin kandungannyo elok maupun halal. Minyak karambia yang samudah dan saelok tu kini ko susah dicari, urang India masih setia jo minyak karambia dan ado mambueknyo, tapi yang lain lah moderen bana. Yang baru timbua 'virgin coconut oil' banyak dari Filipina, untuak diminum terus tapi indak saharum yang kami buek :-) Sabanonyo kalau dikaji, hanyo minyak karambia jo minyak 'grape seed' sajo yang sasuai untuk menggoreng. yang lain indak stabil dan marusak-kan badan untuak jangko maso panjang. Kini ko panyakik darah tinggi dan kencing manis lah balaluaso bana. jadi kami juo mambuek minyak karambia sendiri, dan dari situ mambuek sabun mandi buku, sabun mandi cecair (liquid soap), samfo rambut, ubek gigi dll - bukan pabrik tapi buatan tangan (hand made). Kami pakai minyak karambia dalam mambuek roti dan kue lain - jadi begitu lembut rotinyo dan banyak juo urang Cino suko jo rasonyo. Usaha kecil-kecilan, tapi kalau ada sambutan ingin dipaluehkan lagi. kami indak manjanjikan babagai kaelokan produk kami, cumo kami mandasarkan praktis urang dulu-dulu yang sehat indak bapanyakik sarupo urang kini. Panjang carito, lupo pulo mancaritokan asa kampuang .. amak ambo dari Bukittinggi dan apak dari Payakumbuah. Ambo dan 3 dunsanak lagi lahia di Padang katiko apak mangaja di IKIP Padang, datang ka Malaysia pado tahun 1971. Ado juo pulang kampuang, tampek tujuan di rumah etek ambo di Aia Tawar Timur Padang dan kampuang amak di Ampek Angkek Canduang/Tanjuang Medan. Kakak amak ambo wakatu ketek datang manatap di Lenggeng Negeri Sembilan Malaysia sampai kiniko dan anak-anak baliau yang sadonyo lahia di siko (Malaysia) pun lah banyak kali juo pulang kampuang. Kami kalau buliah ingin pulang pensiun di Bukik Tinggi karano do situ masih dingin dan alami, karano kami indak suko tinggal di kota, dan kebetulan suami urang Inggeris, padonyo Padang dan Malaysia ko (di ma kami tingga) angek bana. Tapi itulah, untuak mamuloan usao di tampaik baru banyak pakai modal, yang kami indak punyo. Suami dulu mambuek macam-macam - oil survey, computer manufacturing, computer programming, project management, health & fitness/gym instructor kiniko suko mamasak dan berminat makanan organik pulo dan minat baru bercucuk tanam (adolah tampek mananam sakangkang kera :-) - inyo suko badagang, indak suko karajo jo urang. Banyak tahun juo inyo karajo di Indonesia - saluruah pantai Sumatera, Pulau Nias, Pulau Tikus, juo di Jawa Barat/Timur, Kalimantan dll. Ambo sendiri dulu karajo komputer di bank, tapi lah baranti dan kurang berminat, ingin maaja bahaso Inggeris tapi usio lah maningkek indak ado maso untuak mandapek qualification, jadi sampek mambuek terjemahan seketek-seketek bhsa Melayu ke/dari Inggeris, sampek juo manarjamah dari bahaso Indonesia ka Melayu seketek. Ambo manulih panjang lebar di ateh ko bukan apo, manalah tahu ado di palanta ko urang yg bisa sponsor proyek di Bukit Tinggi, kami sedia menjadi trainer dalam berbagai bidang :-) :-) Oh iyo, kakanda Des Netri yang di Moskow Rusia tu sapupu ambo dari Bukik Tinggi. Baa kaba Ni Des :-) Dan almarhum mamanda ambo M Duchri (pensiunan tentera) yang maningga baru beberapa tahun lalu berkeluarga dan tingga di Bogor pulo. Maaf, panjang amek carito ambo.. Hingga di lain kali.. mardia (43) malaysia www.bakerette-cafe.com --- In [EMAIL PROTECTED], "A Bandaro" <[EMAIL PROTECTED]> wrote: > > > > Wa'alaikum salam wr wb > > Tarimokasi komentnyo tantang Peran Laki-Laki Minang. > > Mungkin ambo indak mambaco parkanalan sanak Mardia di palanta > Rantaunet. > > Dimaa di Malaysia, dimaa kampuang asa dan apo usao kini di Msia. > Lah bekeluarga ??? > > Tarimokasi. > > 'mak Ban (56 thn) > kampuang Kubang Putih - Banuampu - B Tinggi. > Cucu ciek. > Tingga di Bogor > ~~~~~~~~~~~~~~~~ -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
