Saafroedin BAHAR <[EMAIL PROTECTED]> wrote:
Tapi ado juo bukti lain nan bisa kito patimbangkan, Di Singapur -- misanyo --
dek karano padusi alah samo tinggi sikolanyo jo laki-laki, ado gejala bahaso
atau lupo kawin, atau alah sarik dapek jodoh, sahinggo untuak mampartahankan
jumlah populasi kabanyo Pamarentah Singapur manyadiokan samacam insentif untuak
padusi untuak kawin.
Assalamu'alikum wr. wb.
Pak Saaf dan dunsanak nan dimuliakan Allah.
Batua kecek Pak Saaf kini pamarintah Singapur sangaik dipusiangkan jo
banyakno urang mudo no nan indak amuah/alun manikah (bukan kawin, karano
walaupun indak manikah sabagian mereka tetap kawin dan anak2 belasan tahun
disiko alah banyak nan kawin...), tingket aborsi juo cukuik tinggi dan legal.
Kini mereka lagi sibuk untuak maagiah sex education ka anak2 sikola tapi sayang
no kurang diimbangi dengan pemahaman nilai2 keagamo-an.
Salah satu nan ambo liek karano tingkek materialisme disiko sangaik tinggi,
pola iduik nan konsumtif, gadang pasak dari tiang sahinggo mereka mati2an
mancari pitih. Akibaikno laki padusi, tuo mudo dari pagi patang, siang malam
basitungkin mancari kepeang sahinggo sabagian lupo/maleh barumah tanggo karano
sadono diituang jo untuang rugi. Banyak padusi ataupun laki2 nan mamiliah iduik
mambujang, ciek lai kecek no komah padusi siko sangaik demanding sahinggo ingin
mandapek an laki nan alah mapan dan bisa mamanuhi kabutuhan mereka dan harus
punyo 5C (Cash, Condo, Car, Country Club, Credit Card). Sahinggo sabagian laki2
siko mancari rang rumah ka negara lain saroman ka selatan, ka utara dsb.
Padusino ampia samo pulo jo rang awak ingin dapek laki bule mungkin untuak
mampabaiki keturunan.
Walaupun mereka alah banyak nan kawin dari umua belasan tapi kini pamarentah
dipusingkan lagi jo tingkek kalahiran nan randah tahun kapatang cuma diproduksi
35000 urang bayi disiko atau dengan tingkek kelahiran 1.24 sadangkan mereka
butuah 60000 bayi satahun untuak manggantikan populasino. Manuruik parkiro-an
tahun 2065 WNS cuman tingga 1.5 juta urang sadangkan mareka ingin 6,5 juta
urang. Kini pamerintah manggenjot warga no untuak maningkekan produksi dengan
mambarikan beberapo insentif bagi urang nan amuah baranak labiah dari duo. Tapi
kampanye KB sabalunno sangaik efektif dan indak banyak nan amuak mancatuih
carrot ko doh. Mungkin ditahun2 dimuko kalau program produksiko indak lancar
mereka akan memperbesar kran imigrasi dengan relaksasi bbrp peraturan
keimigrasian.
wassalam
Junaidi (40-1 hari), kandang singo
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
