Assalamualaikum w.w. Dunsanak Sjamsir Sjarif jo Ananda Hadi, Buliah ambo manyalo ? Gebu Minang punyo agenda mandorong wisata sejarah, nan tantu mamaralukan peta situs-situs sejarah dan rute-rute pajalanan peristiwa-peristiwa penting dalam sejarah Minangkabau. Lai bisa dibuekkan peta nan takaik jo sejarah ko, nan mancakup baiak zaman pra sejarah dan zaman sejarah, baiak sejarah kuno maupun sejarah modern. Untuak nan tarakhir ko, salain sejarah PDRI jan lupo pulo sejarah Parang Paderi 1803-1837, tamasuak rute masuaknyo urang Inggirih jo urang Ulando ka nagari awak. Sasuai jo buku 'Tuanku Rao', Parang Paderi itu indak sajo balangsuang di daerah Minangkabau, tapi juo ka Tanah Batak, sahinggo ado saluak baluak urang awak jo urang Batak. Baru-baru kito tahu bahaso Dr Anwar Nasution, Ketua Bepeka, tanyato ado hubungan darah jo Pagaruyuang. Kini takana jo ambo sawakatu ambo dinas di Dispen TNI AD ado Mayor bamarga Nasution, nan kudian baru ambo tahu bahaso nan basangkutan adolah kaluarga dari tipak Ayah ambo, nan lahia di Pasaman. Dahulu, Dunsanak Dr Mochtar Naim paranah mancaritokan bahaso di Jambak, dakek Lubuak Aluang, paranah ado migrasi lokal dari Tanah Batak, nan alah manarimo adat Minangkabau kacuali soal garis katurunan nan tatap manganuik patrilineal. Salain tu, jan lupo pulo mancatat hubuangan daerah Minangkabau jo daerah-lainnyo di Indonesia, saparati daerah-daerah di Riau, Sumatera Timur, Malaysia, Brunai Darussalam, nan sabagian rajo-rajonyo mangaku baasa dari Pagaruyuang, migrasi urang awak ka Aceh Selatan manjadi Anak Jameu; tantang duo datuak nan manyebarkan ugamo Islam ka Sulawesi Selatan. Wakatu ambo dines ka NTT ado daerah nan manganuik matrilineal nan mangaku baasa dari Minangkabau. Sabagai penasehat kito minta Ananda Datuak Endang, nan sabana santiang soal sejarah manyejarah ko. Tantu jan lupo pulo minta pabdapek ka Dunsanak kito para sejarawan Prof Dr Taudik Abdullah dan Dr Mestika Zed. Wassalam, Saafroedin bahar.
----- Original Message ---- From: Sjamsir Sjarif <[EMAIL PROTECTED]> To: ET Hadi Saputra <[EMAIL PROTECTED]> Cc: Sjamsir Sjarif <[EMAIL PROTECTED]>; lapau <[email protected]> Sent: Wednesday, August 23, 2006 4:51:43 AM Subject: Re: [EMAIL PROTECTED] Tugu dan musajik Kubang (RE: Kaum Paderi VS Kaum ...) Assalamu alaikum ww Angku Katik Sati, Abai Sangir talatak di Kabupaten Solok Selatan kini ko. Sabagai patokan/pedoman ambiak Muaro Labuah untuak titiak tolak. Dari Muraro Labuah telusur jalan ka arah Tenggara, sampai di Liki, maarah babelok malereng ka Timur dan Timur Laut sampai di Lubuak Gadang. Kalau indak salah Lubuak Gadang ko ibu kota Kecamatan Abai Sangir. Dari Lubuak Gadang maarah ka timur laut telusur ka ilia sungai nan banamo Batang Sangir sampai ka Bidar Alam. Dari Bidar Alam taruih lai ka Utara mangko tasirumbok jo Abai. Nah, barangkali parahu-parahu ketek dapek sampai lalu ka Abai ko nan marupokan pintu kaarah sungai Batang Hari. Tantunyo bayangkan jo angan-angan badayuang-badayuang juo ilia sampa ka Sungai Dareh, nantinyo taruih ka Jambi ka Lauik basa jalan padagangan internasional. ... Koordinat Abai pastinyo (manurut padangan MakNgah dari Google Earth 1 darajat 25 minik 50 datiak Selatan, 101 darajat 21 minik 28 datiak Timur. Caliak lah Google Earth, sakali-sakali tabang-tabang manyilau kampuang mancigok dari langik saroman MakNgah ...:) Untuak carito-carito dan tulisan-tulisan di daerah tu silakan caliak dan website Solok Selatan nan banyak informasinyo. Banyak nan kito parajai dalam website itu nan diolah Rang Dapuanyo sangat elok. Makngah acok mangunjuangi website tu. Mudah-mudahan nanti kok sempat ka Kampuang nanti disampaikan Tuhan juo niaik MakNgah ka Bidar Alam jo Abai Sangir tu untuak palapeh uweh-uweh. Yo kadang-kadang peta sumbar tu labiah jaleh deknyo Lubang Japang di tapi ngarai jo Jam Gadang (antah aa nan ka dipanggakan di lubang tu :) dari pado kampuang-kampuang penting strategis dalam sejarah. Kalau indak dek awak bacarito di Lapau ko sari sarato Angku Katik Sati mambuek petanyo, sia nan tahu lataknyo Alahan Anggang, Koto Alam, Kayu Pasak, Muaro Tontang, lapeh ka Malampah yo ndak? MakNgah tahu karano lah Mangkah rancah jo tapak sandiri ... Salam, --MakNgah At 07:35 AM 8/22/2006 +0700, ET Hadi Saputra wrote: >Assalaamu'alaikum wr wb >Dima persis nyo Abai Sangir ko, Mak Ngah. Alun basuo dek ambo lai. Lah ambo >cubo cari dipeta Sumbar nan ado. >Wassalam, >ET Hadi Saputra Katik Sati (33 tahun 8 bulan) >[EMAIL PROTECTED] >Jl Ratu Bidadari 2 No. 3 >Ciputat 15411 Jakarta >Indonesia >tel: +62-21-7401223 >fax: +62-21-7430638 >mobile: +62-81-8687001 >------------------------------------ >-----Original Message----- >From: Sjamsir Sjarif [mailto:[EMAIL PROTECTED] >Sent: 22 Agustus 2006 7:14 >To: A Bandaro >Cc: 'Syafrizal (FDB1.8)'; ET Hadi Saputra; Yulnofrins Napilus; Sjamsir >Sjarif; 'Febrita' >Subject: RE: [EMAIL PROTECTED] Tugu dan musajik Kubang (RE: Kaum Paderi VS Kaum >...) > >Tugu PDRI (Pemerintah Darurat Republik Indonesia) ko ado lo ciek lai di >Sumpur Kudus. Asayngyo wakatu ambo maulalang jajak awal tahun 2004 hari >alah agak patang, kurang jaleh untuak diambiak gambarnyo. Manganai >pantiangnyo Sumpur Kudus alah singkekkan dalam postiang ambo ambo >sabalunnyo. > >Ambo raso ado ciek lai Tugu PDRI ko, kalau urang indak lupo mambueknyo (kok >lupo harus didirikan di sinan), yaitu di Abai Sangir, salah satu tiga >"Tempat" di masa-masa Perjuangan. Surat-surat di Perjuangan didak >disebutkan nama kampung, negeri atau di mana surat-surat itu dikeluarkan. >Biasanya di tulis, Dikeluarkan di Tempat, dan ditandatangai oleh pejuang >bersama tanggal-tanggalnya. Jadi sebetulnya banyak "Tempat" yang >bersejarah di Masa Perjuangan. Namun, Koto Tinggi, Sumpur Kudus, dan Abai >Sangir adalah tTga "Tempat" -- Tungku Sajarangan, karano di sinan lah >banyak dikendalikan aba-aba dari Mr. Sjafroeddin Prawiranegara. > >Jadi, dalam asumsi ambo, seharusnya sudah ada tugu PDRRI itu di Abai Sangir >sepertui adanya di Koto Tinggi dan Sumpur Kudus. > >Koto Tinggi jo Sumpur Kudus dapek ambo rancah jo piciang mato di malam hari >karano alah panah ka sinan di maso-maso dahulu. Abai Sangir alun lai karano >arah Selatan dalam pengembaraan ambo jalan kaki dari Sorik Marapi >(Mandahiling) baru sampai ka kaki Gunuang Talang malerek dari Supayang jo >Sirukam malinteh taruih ka Batu Kuali baliak ka utara ka Gantuang Ciri and >beyond... > >Salam, >--MakNgah >At 06:47 AM 8/22/2006 +0700, A Bandaro wrote: > > > > >-- >No virus found in this incoming message. >Checked by AVG Free Edition. >Version: 7.1.405 / Virus Database: 268.11.5/425 - Release Date: 8/22/2006 -- No virus found in this outgoing message. Checked by AVG Free Edition. Version: 7.1.405 / Virus Database: 268.11.5/425 - Release Date: 8/22/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
