Bana tu Angku Taufiq, kalau amuah mampatali-talikan titiak-titiak nan
taserak, banyak nan tasirek nan dapek kito kunyah-kunyah dalam marancah
kancah sejarah. Kalau Angku Syaaruddin Bahar maambiak patokan sajak parang
Itam Putiah, sabananyo banyak labiah jauah ka dalam wakatu, kito dapek
maangan-angankannyo.
Bayangkanlah baa caronyo Cindua Mato manjalajah dari Tanjuang Bungo ka
Indopuro. Memang ado Kabau Si Binuang, tapi itu kan kiramaiknyo, tapi kalau
di jalajah tantu ado petanyo, jalan-jalan mancik nan dilaluinyo. Sayangnyo
dalam carito-carito tu indak dijalehkan jalan-jalan nan dilaluinyo. Misakan
sajo sabalun itu, wakatu Cindua Mato ka pai manjalang Imbang Jayo di bagian
timur. Sayangnyo dalam kaba tu, si panulih atau tukang kaba indak jaleh lai
deknyo latak-aalatak atau peta-peta nagari-nagari sasudah Talawi. Lapeh tu
dianggap sajo nagari "indak baurang" panuah jo panyamun di "Bukik Tambun
Tulang". Nah, "Bukik Tambun Tulang" ko sandiri sabananyo adolah namo
simbolik sabagai tampek sarang panyamunan. MakNgah alah manampuah salah
satu "Bukik Tambun Tulang" tu...
Kalau ingin mampalajari sabagian Sejarah Minang, sarancaknyo paralu
dipalajari daerah nan kini dinamokan Darmashraya. Dengan mancaliak daerah
tu, patalikan lah lereng-lereng Bukik Barisan Sabalah Timur sampai manjauah
ka pantai Timur Sumatera, sakali lai sabagai urek nadi padagangan
internasional di daerah nusantara ko. Bayangkan lereng-lereng timur Bukik
Barisan dari utara di daerah Tambusai sampai-sampai ka Rokan Hulu,
Indragiri Hulu, Dharmashraya lapeh jauah ka Selatan dengan batang-batang
aianyo nan muaro-muaronyo manjadi sarang-sarang lanun atau padagangan
lapeh-lapeh ka Palembang Bukik Siguntang.
Misanyo sajo, kalau MakNgah indak batanyo tantang surau Haji Mansur di
Panampuang ka angku Taufik, dima urang tahu adonyo pusek Suluak di situ dan
pantiangnyo strategi Ampek Angkek dalam pambahasan Adaik jo Sarak tu. Ciak
lai kalau indak Mak Ban jo MakNgah tanyo batanyo dan mancaritokan Tarempa
misanyo, sia di antaro kito nan tahu Pulau Tujuah tu. Padohal dalam
pangalaman paribadi MakNgah ado antaro famili di Payokumbuah jo Tarempa
alah ado karik barik sabalunnyo. Baa pantiang dan strategisnyo Pulau Tujuah
tu sabagai panjago gawang Lauik Cino Selatan sampai ka Pulau Natuna kini ko.
Sayangnyo pandangan kito tabateh di Kampuang nan Jauah di Mato tu hanyo
babateh jo "Gunuang Sansai Bakuliliang" dalam lagu Takana Kampuang. Kalau
diagak-agaki Alam Minang dan Daerah Pangaruahnyo sabananyo agak laweh
sakatek malampaui "Gunuang Sansai Bakuliliang" tu....
Kalau di Pantai Barat, carito-carito Nan Tongga Magek Jabang jo Siti
Gondoriah tambah jo Malin Kundang dapek dipatalitalikan dengan mancalaik
peta Pantai Barat Sumatera dengan tampek-tampek strategisnyo. Dimaa bana
Gunuang Ledang misanyo, dimaa bana mamak Nan Tongga dikuruang Lanun, dsbnyo
dapek diaka-akai dalam manaropong sejarah dan mampatalia-talikan
titiak-titiak kabua nan jarang dipikia kan urang. Carito Nan Tongga malahan
populer sampai ka nagari Bugih jo Makasa, bahkan ado buku Carito Nan Tongga
Magek Jabang dalam Bahaso Makasar.
Nah iko sakadar salah satu suduik pandangan sajo sakadar panggili-gili
kincia-kincia sajo nan dapek ditaruihkan dengan mancaliak posisi geografi
dan tradisi oral dipatauik-gtauiakan dengan pandangan mato mampalajari
sejarah nan agak tajam.
Sakitu lah dahulu sakadar pambukak salero.
Salam,
--MakNgah
Re: [EMAIL PROTECTED] Tugu dan musajik Kubang (RE: Kaum Paderi VS Kaum ...)
-----Original Message-----
From: [EMAIL PROTECTED]
[mailto:[EMAIL PROTECTED] On Behalf Of Sjamsir
Sjarif
Sent: Wednesday, August 23, 2006 4:52 AM
To: ET Hadi Saputra
Cc: 'Sjamsir Sjarif'; lapau
Subject: Re: [EMAIL PROTECTED] Tugu dan musajik Kubang (RE: Kaum Paderi VS
Kaum ...)
Assalamu alaikum ww Angku Katik Sati,
Nah, barangkali parahu-parahu ketek dapek sampai lalu ka Abai ko nan
marupokan pintu kaarah sungai Batang Hari. Tantunyo bayangkan jo
angan-angan badayuang-badayuang juo ilia sampa ka Sungai Dareh, nantinyo
taruih ka Jambi ka Lauik basa jalan padagangan internasional. ...
Salam,
--MakNgah
At 07:35 AM 8/22/2006 +0700, ET Hadi Saputra wrote:
Mungkin dek karano ado access ka Batanghari ko, sahinggo disiko ado pulo
bakeh kerajaan dan istananyo masih ado sampai kini nan talatak ditapi
jalan sabalah kida manuju Letter W /Bukik Barisan taruih ka Kurinci
dari Alahanpanjang.
Tue Aug 22, 2006 11:57 pm
#48923 of 48923
"Rasyid, Taufiq (taufiqr)" <[EMAIL PROTECTED]>
No virus found in this outgoing message.
Checked by AVG Free Edition.
Version: 7.1.405 / Virus Database: 268.11.5/425 - Release Date: 8/22/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
