Assalaamu'alaikum wa rahmatullaahi wa barakaatuhu Iyo bak nantun Angku Datuak. Kito bausaho manjago budaya. Budaya tu kini alah takikie dek zaman, dek karano urang-urang kiniko labiah mamantiangkan materi daripado adat istiadat. Kalaulah awak mancontoh adek Jawa, baitu konsisten mereka manjago kelestarian adek. Sangek acok wayang samalam suntuak nan mereka adokan dima-dima. Tamasuak di TV jo radio. Sadangkan awak randai sajo ala samkin ilang, kalau indak dibuek festival. Jadi perhatian awak ka adat istiadat sendiri ala bakurang. Jan ka kesenian atau pepatah petitih, gala sajo balupo -lupo an. Syukur ambo masih ingek gala nan diagih mamak waktu kawin sulu : Sutan Alamsyah. Kalau indak tapaso mambantai kabau dulu untuak mancari gala nan lain. Syukur Mintuo ambo nan lain konsisten manyapo ambo indak jo namo, tapi jo gala... Sutan..... Baitu bana apresiasi mintuo ka ambo, dek ambo minantunyo. Jadi awak ingin gala tu semacam apresiasi, baso nan bagala tu lain urang minang. kalau nan mudo-mudo alah indak paduli, mungkin malah ala lupo jo galanyo surang waktu kawin, barati ala indak mamacik adek minang atau indak sudi disabuik urang minang lai. Kalau nan diagiah gala urang non-minang dek urang minang, tandonyo itu apresiasi urang minang secara nasional ka urang di lua minang. Jadi adek tu baiyo-iyo jo manghormati. Kasian kalau ado kamanakan nan indak diagiah gala dek mamaknyo waktu inyo kawin. Itu tandonyo maka nan ala lupo jo kamanakan atau kamanakan nan ala maraso inyo indak asli minang.
Wassalam Sutan Alamsyah Muhammad Dafiq Saib <[EMAIL PROTECTED]> wrote: Assalaamu'alaikum wa rahmatullaahi wa barakaatuhu Basuo baliak sabanta ko dari file lamo.... Wassalamu'alaikum, Lembang Alam [RantauNet] Ketek banamo gadang bagala Muhammad Dafiq Saib Mon, 29 Jul 2002 02:08:07 -0700 Assalamu'alaikum wr.wb., Ketek banamo gadang bagala Sia nan masih juo lai kini mamakai gala nan samparono gala salain mak Marah di Pakan Ladang? Di Padang Panjang mak Syukur nan manggaleh sate sajak taun 1941 indak tau urang sia gala baliau? Baitu juo mak Adjaik, antah sia pulo gala liau. Jaan an nan bagala biaso-biaso, pangulu atau labiah tapekno Datuak sin kini alah banyak nan maleh manyandang gala adaik. Pak Baharuddin Datuak Batungkek Ameh lai disapo urang juo angku Datuak kalau di kampuang walau indak banyak nan apa gala baliau sacaro utuah, namun di kantua baliau di Padang labiah banyak urang manganal baliau jo pak Bahar, namo baliau nan alah tapakai sajak sabalun baliau diangkek jadi pangulu. Padohal alah rabah bana kabau sikua panagak-an gala pusako tu. Adaik dilakek-an juo katiko paralu. Bapantang awak indak ka mamakai baju gadang, langkok jo deta jo sisampiang, sarato karih tasisik di ari awak baralek baradaik. Tapi ari baralek baradaikko indak kalabiah pado sahari duo. Tiok anak kamanakan awak pai babinyi dilewakan juo galano untuak di imbauan di medan nan bapaneh, dilabuah nan golong, di pasa nan rami. Gala tu baitu juo. Sutan Lembang Alam, Sutan Saidi Alamsyah, Sutan Panduko Rajo. Kamanakan cako, nan gadang di rantau, nan babahaso Minang sin indak pandai, tasanyum-sanyum sajo mangamek. Katiko mintuo nan iyo pulo agak pagarah, maimbau jo gala nan alah dilewakan cako di gaduang tampek resepsi, Sutan Palito Alam, indak kunjuang manyauikno, indak tauno nan itu galano. Dek gala alah kailangan pasa ko mungkin, nak supayo baliak maruahno baliak, dicubo mang go public kan gala. Diterai (iko asa katono try) maagiahan ka urang lain. Dima bulo kasalahno. Dek gala sakadar gala sajo indak kalakek bagai doh. Pabilo pulo urang ka manyampaian sambah ka Amien Rais Bergelar Tuanku Penghulu Alam Nan Sati. Paliang-paliang kini, sapakan sasudah baralek, urang nan maagiah jo urang nan diagiah gala alah samo-samo lupo jo galatu. Tingga awak nan heboh sudah itu. Wassalamu'alaikum wr.wb., Lembang Alam St. Lembang Alam __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= Zorion_Anas se,mm,ckm,cidd,cf http://minangmaimbau.blogspot.com http://zorionanas.blogspot.com [EMAIL PROTECTED], [EMAIL PROTECTED], [EMAIL PROTECTED], [EMAIL PROTECTED] Cel. No. : 0816.85.79.39 --------------------------------- Get your email and more, right on the new Yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
