Ass Wr Wb pak Saafroedin Bahar yth
Pak saaf, tarimokasi ateh jawaban bapak nan panjang lebar, dan baragi sirah.
Ndak tabayang bara lamo bapak mangetik jawekno. Bara buku nan bapak bolak
baliak du?. Hanifah salut
yah wajarlah bapak bisa manang dan mampu basaiang
jo jawa karano umumno bantuak sumangaik bapak gonlah sumangaik rang jawa. Baa
kok kami taicia, disampiang sombong, iyo dek pamaleh bagai
. .
Dalam sejarah suku bangso Jawa nan alah bausia labiah dari 2000 tahun tu
tiok urang tahu dima tampeknyo dalam kasatuan masyarakat nan tastruktur baik
ko, walau agak feodal, dan saluruahnyo tu dilestarikan dalam pewayangan, nan
biso kito pandang sabagai pandidikan nan efektif untuak masyarakat badarai.
Ooo mantun kirono. Memang pak, kalau hanifah caliak-caliak kawan dari jawa
gon, kalau mereka sabagai bawahan, mereka indak pernah mangkritik atasan apoli
di forum, walaupun mereka tau atasan kalua jalur. Merekapun siap menyapo
atasan duluan.
Kalau atasan bukan rang Jawa, lalu sabagai bukti indak suko mereka mamiliah
indak sato hadir dalam rapek. Kalau ado nan mangkritik kawan nan dari jawa,
kawan jawa nan lain pasti mambela.
Kalau rang Sumatra atau rang Minang khusus no, iyo mungkin dek tapangaruah jo
ajaran
nilai-nilai sosial adat Minangkabau nan maajakan 'duduak samo randah tagak
samo tinggi' indak sasuai jo tatanan sosial Jawa nan terpusat jo feodalistik
tu.
Kami rang Minang kalau di forum, apo nan taraso dan nan takana umumno
balapehkan sen katiko di rapek noh, ndak paduli, atasan rang Minang atau bukan.
Kalau manyapo atasanpun bacaliaklu, kalau atasan sombong, awak labiah sombong,
kalau atasan ramah, baru namuah duluan manyapo. Kalau ado kawan dari Minang nan
tagaliciak, awak duluan nan basorak. Kalau ado rang Minang nan maju kaateh,
kadang-kadang bapadiakan sen maju surang.
Kiro-kiro itulah katarangannyo manga urang Jawa indak sarik mambuek
jejaringnyo dan manga urang awak yo bagai jalan di tampek sajo salamo ko.Apo
bisa kito peloki ? Pasti bisa. Salasaikanlah soal ABS SBK ko sacaro mandasar
dan rumuskanlah sacaro janiah sahinggo bisa jadi rujukan dasar dalam iduik kito
urang Minang. Salabiahnyo Ananda bulak baliaklah wacana tantang ABS SBK dalam
bulan-bulan tarakhir kito.
Hanifah doakan samoga soal ABS SBK capek salasai denmgan tuntas. Hanifah
sendiri mohon dimaafkan pak, kayakno indak bisa sato mangupasno, salain indak
bailmu juo indak punyo wakatu. Minggu depan alah aktif di kelas baliak. Sabulan
gon perai di kelas. Hanifah basyukur salamo libur di kelas, hanifah bisa
badiskusi jo bapak, banyak ilmu nan dapek di hanifah. Mokasi banyak yo pak.
Talabiah takurang mohon maaf
Wass
Hanifah Damanhuri
---------------------------------
Get your own web address for just $1.99/1st yr. We'll help. Yahoo! Small
Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
