Waalaikumsalam w.w. Ananda Hanifah, Ambo sabana-bana indak yakin bahaso kamiskinan urang Minang adolah rencana urang Kristen supayo urang Minang masuak Kristen. Kalau kito miskin, nan salah jaleh adolah kito sandiri. Jan lupo ka paringatan Allah swt dalam Al Quran, bahaso Allah swt indak ka maubah nasib suatu kaum kalau indak kaum tu surang nan maubahnyo. Jadi soalnyo adolah baa caro kito dapek maubah nasib sacaro basamo-samo, mandayagunokan saluruah potensi sumber daya manusia dan sumber daya alam sacaro tarancana dan bakalanjutan malalui sistem pamerentahan dan sistem kamasyarakatan nan ado. Bulan Januari 2006 dulu di Bukiktinggi pak Gubernur kito adalah maadokan tatap muka untuak manyusun RPJM (Rencana Pembangunan Jnagk Manangah) baliau. Kabatulan ambo sato dalam salah satu sidang komisinyo dan manyampaikan pandapek a la kadarnyo. Ambo alun tahu apo naskah RPJM tu alah salasai diedit dan diedarkan sasudah paramuan tu. paliang tidak dalam RPJM tu alah ado samacam 'cetak biru' rencana untuak limo tahun barikuiknyo. Manuruik pandapek ambo rangkaian partanyaan Ananda tu bukan baburuak sangko, tatapi pertanyaan nan wajar dari surang intelektual nan bapaduli ka kampuang halamannyo. Kalau buliah ambo sarankan, karano Ananda punyo latar balakang matematika, cubolah manganalisa angko-angko statistik Human Development Index (HDI) Daerah Sumatera Barat tu [ditabikkan Bappenas-UNDP-BPS, bisa dimintak atau dibaco di kantua Bappeda setempat] dan bandiangkan jo daerah lain. Labiah rancak lai kalau Ananda maadokan panalitian surang dari angko-angko statistik nan ado. Ambo sandiri ado manulih wawasan pribadi tantang Minangkabau, sakadar calak-calak ganti asah. Kalau Ananda baminat, tolong agiahkan ambo alamat Ananda, nanti ambo kirimkan buku nan ambo tulih jo Ir Mohammad Zulfan Tadjoeddin MA (2004) tantang Etnik Minangkabau, nan bajudul 'Masih Ada Harapan: Posisi Sebuah Etnik Minoritas dalam Kehidupan Berbangsa dan Bernegara". Perai. Sampai di siko dulu. Wassalam, Saafroedin Bahar
----- Original Message ---- From: hanifah daman <[EMAIL PROTECTED]> To: palanta@minang.rantaunet.org Sent: Thursday, August 31, 2006 6:47:08 PM Subject: [EMAIL PROTECTED] Dampak Kamiskinan Ass Wr Wb bapak Saafroedin Bahar yth Pak Saaf Ado juo baru nan ka hanifah tanyoan ka bapak mudah-mudahan bapak indak keberatan manjawekno. Anu pak, tantang dampak kamiskinan. Kan ado nan bacarito gara-gara miskin dan katiko miskin indak ado urang islam nan paduli doh, lalu nan paduli malah pendeta trus mambuek urang marubah kayakinanno dari islam jadi Kristen. Kato kawan hanifah si batak dulu iyo mantunlo.. kami indak memaksa mereka masuk Kristen, tapi mereka saja yang mau masuk Kristen karena kami peduli pada mereka . ( iko carito tantang warga Bengkulu nan masuak Kristen) Nan ka hanifah tanyokan ka bapak adolah: Apo kamiskinan nan malando rang Minang sacaro manyaluruh adolah strategi nan dilancarkan urang Kristen sahinggo rang ranang minang bisa jadi Kristen? Kan urang Minang kabanyakkan badagang. Di abrak abrik sen pasa tampek rang Minang badagang dengan alasan bamacam macam, abislah rang Minang. Kayakno kan mantun nan tajadi, tamasuak di pasa Bengkulu. Hanifah tunggu jawaban bapak, Oh ya pak, apo tamasuak baburuak sangko atau babahayo kalau awak bapikia sarupo tanyo hanifah dun ? Sabalunno hanifah ucapkan tarimo kasi banyak ateh paratian bapak Wass Hanifah Damanhuri --------------------------------- Stay in the know. Pulse on the new Yahoo.com. Check it out. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================