Waalaikumsalam w.w. Ananda Hanifah, Maaf agak talambek manjawab pertanyaan Ananda. Sasudah sampai di rumah, ambo agak pilek jadi langsuang sajo lalok. Tantang PP 84 baiak kito pakai papatah niniak muyang kito nan manyatokan: 'kok kusuik di ujuang, baliaklah ka pangka". Manuruik Dunsanak wartawan Syafruddin Al nan mananyokan soal ko ka Mendagri, tanyato Mendagri juo heran baa mangko kareh bana sanggahan ka palaksanaan PP 84 tu, karano daulu ruponyo usul tu juo datang dari Pamarentah Daerah jo DPRD Agam dan Bukit Tinggi. Kasimpulan samantaro ambo adolah: atau 1) kini alah baganti para pangusulnyo jo urang-urang baru, nan indak satuju jo kaputusan nan lamo; 2) atau para pangusulnyo masih manjabat, tapi pangana alah barubah; 3) atau ado tekanan dari lua, katokanlah dari Parantau supayo nagari=bagari di Agam jan masuak ka Bukit Tinggi. Manuruik pandapek ambo, kalau alun ado kasapakatan, sabaiaknyo palaksanaan PP 84 tu ti ditunda sajo dulu, daripadoi basiarak taruih antaro awak samo awak. Kok ka mambangun juo, indak usah dicikaraukan bana apo akan dibangun di Kabupaten Agam atau di Kota Bukittinggi. Kan nan kamanikmati kamajuannyo adolah urang Agam dan Bukit Tinggi juo. Ma nagari nan alah siap mambukak diri masuak ka Bukit Tinggi, lanjuik. Ma nagari di kabuoaten Agam nan alun amuah lai, yo pabiakan sajolah. Manuruik kawan ambo Anshari Thayib, tantang masyarakat nan nyaman iduik surang dan indak amuah masuak ka daerah lain, apolagi ka kota, di Amerika nan maju tu sajo juo ado. Kok indak salah namonyo masyarakat Hamish, katurunan migran Jerman. Mungkin contoh iko indak tapek bana, tapi sakadar pabandiangan sajo.
Jadi atur sajolah baa nan ka elok. Basadio masuak ka Bukit Tinggi, lanjuik, Alun basadio lai, jan dipaso. Nan ka nan dicari adolah 'elok di awak katuju dek urang'. Baa juo, jan jadi Apak Tarongka. Lai satuju Ananda tu? Ambo kenal bana jo pak Mochtar Naim. Kami dulu basamo-samo manyalanggarokan Seminar Islam di Minangkabau di Padang (1968) dan Seminar Sejarah dan Kebudayaan Minangkabau di Batu Sangkar (1970). Tantang sikap baliau soal PP 84 ko tanyo sajolah elok-elok. Baliau tu urangnyo cukuik tabuka. Wassalam, Saafroedin Bahar ----- Original Message ---- From: hanifah daman <[EMAIL PROTECTED]> To: Saafroedin BAHAR <[EMAIL PROTECTED]>; [email protected] Sent: Saturday, September 2, 2006 8:38:53 AM Subject: PP84 ? Ass Wr Wb bapak Saafroedin Bahar yth Pak Saaf Baa carito tantang PP84? Bulan lalu ado nan maagiah info ka hanifah kalau PP84 mulai dilaksanakan bulan Agustus 2006 gon. Kok tadi malam rang Agam bakumpua kumpua manulak PP84 gon? Kami rang rantau jadi binguang jo barito nan batulak balakang gon. Nan ka hanifah tanyokan ka bapak kok bisa mantun perjalanan PP84 du? Kalau rang Agam datang rami2 ka JKTmambaok wali nagari nan diangkekno, apo bisa marubah kaputusan tantang PP84 nan baru jalan sabulan du pak? Oh ya pak, kapatang hanifah batanyo apo bapak kenal dekat dengan bapak Mukhtar Naim? Bagi rang Agam beliau mungkin pahlawan, tapi bagi warga Banuhampu nan ikut MUBES baliau adolah orang yang mengkhianati MUBES Banuahampu. Tidak tau kenapa beliau melakukan itu karena beliau tidak mau menjelaskan ke kami generasi muda Banuhampu yang sempat bertanya di milis banuhampu beberapa waktu yang lalu. Apalagi kami yang ikut milis itu banyak berada di rantau. Kalau saja dia terbuka seperti pak Saaf, alangkah indahnya. Hanifah tunggu jawaban bapak ya Wass Hanifah Damanhuri Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
