Kiro-kiro sataun lalu, kalo ambo indah salah yo bana heboh di milis ko aa tu nan di paotaan, yo masalah Rondang atau Rendang nan lah dipatenkan dek Urang Malaysia..yo lah tapakai pulo dek urang Malysia tu kecek dari Mak Bandaro Labiah "urang baru menyensengkan sarawa, nan kito lah disubarang" ambo baliak Mak "awak baru manyensengkan sarawa, nan urang lah sampai disubarang"
Itu sataun nan lalu..kok kini yo mungkin lah ado gebrakan dari pemerintahan awak bialah urang sampai di subarang dulu...tapi Inyo bajalan jo Pedati sajo...nan awak iyo parolu malocuk kudo..nak koncang lari bendi tu..kok lai ikik senek sasudah tu.. Baliak ka RONDANG...cako.. Salamo ambo marantau ka pulau Jao ko..yo lah ado kabiasaan urang rantau sarato urang jao. (batawi, sunda, jawa dll)...kalo Ari Rayo, yo parolu bona ada katupek...nak samporono makan katupek tu..iyo parolu diagiah palomaknyo...ado nan gulai ayam, ado semur dagiang...ado pulo Rondang....tapi ba ko baa kalo urang datang ka rumah urang Padang (Minang) iyo ditanyooan juo katupek nyo lai pakai rondang ndak...? Jadi rondang ko iyo parolu bona dek urang di ari rayo tu... Tahun lalu ado Ante ambo do Bekasi yo lah letoy di ari rayo...dek banyak urang nan mamintak tolong mambuekan rondang jo inyo.....banyak juo nan indak tabuekan.. Takona-kona pulo di ambo...iko iyo sabona kesempatan dek Si Rondang tampil ka permukaan.. bisa sarupo Kue Karanjang wakotu Imlek..indak ado kue karanjang, yo ado nan kurang Imlek tuh. Sabonanya banyak juo urang nan mambuek rondang di rantau goh...tapi...iyo jarang nan basuo sakamek dan salomak rondang nan dibuek di kampuang tuh.....kecek urang pulo....basuo jo bumbu (dodak) rondang aslinyo ajo..batambuah makan katupek tu.. Nan dimasak jo tungku nan disalasaian jo angek sabuik karambia.....sero bonaa.. Sabulan satangah lai..lah ka Ari rayo pulo baliak..moment rendang kaditanyoan urang lah datang pulo.. Kok lai lah ado..nan jadi panghubuang..dari rondang nan dibuek di kampuang..sampai rondang tu.. talatak badampiangan jo katupek di Ari Rayo nantik...mulai dari tukang pangue karambie parameh santan..pangacau rondang sampe nyo masak bona....sampai nan mamodali sarato nan manjajokan di rantau go...iyo banyak manfaatnya..dek urang kampuang..dek urang rantau dan citra Rendang itu sendiri. tapi tapikie-pikie pulo sia pulo lah nan kanamuah mamulai tu. regards fadilul / pyk / 35 th -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
