Assalamualaikum wr.wb Mamak-mamak di palanta yang ambo hormati Mambaco carito kawin sasuku ko, dengan konsekwensi hukum adat yang di dapek dek pelakunyo cukuik mambuek ambo gamang. Apokah iyo harus baitu. Mungkinkah iko sabananyo hanyolah kebiasaan adat masiang2 nagari. Sabagai contoh, indak usah jauah2 bana. Ambo basuku sikumbang, urang rumah ambo juo basuku sikumbang. Nan urang gaek padusi ambo basuku Sikumbang di kanagarian Bukik Batabuah, samantaro urang gaek padusi urang rumah ambo basuku Sikumbang di kanagarian Pasia. Samo samo di IV Angkek Canduang kaduonyo. Nan kini alah di pacah jo kec. IV Angkek jo kec. Canduang. Kalau bako ambo di kanagarian Batu Taba, IV Angkek juo baru. Sabalun baralek, tantu ambo batanyo dulu ka mamak jo bako ambo, bahaso ambo jo calon urang rumah ambo ko samo2 urang SIkumbang. Nan kecek baliau urang2 tuo di Bukik Batabuah jo Batu Taba indak masalah doh salamo Sikumbangnyo indak sapayuang. Kan nagarinyo alah balain tu, baitu kecek baliau baliau ko.
Nan urang rumah ambo tantu alah mangecek pulo jo mamak mamak nyo di Pasia. Kasimpulannyo samo.Salain itu kabatulan mamak-mamak urang rumah ambo ko, di Pasia sebagian besar adolah pemuka agamo di nagari Pasia ko. Baitu pulo mamak ambo jo bako ambo, kebetulan pulo adolah pemuka agamo di nagarinyo masiang-masiang. Makonyo iyo bajadilah kami samo samo urang SIkumbang. Nan satau ambo indak ado yang namonyo mambaia dando atau kanai hukum adat ko doh. Kok bakecekan mamak2 ambo jo mamak urang rumah ambo indak mangarati jo adat indak mungkin doh. Baliau2 ko urang yang mangarati sangaik jo adaik. Jadi kesimpulannyo iyo tagantuang jo masiang2 nagari. Ado nan mambuliahan sapanjang indak sapayuang? (apokah istilah iko batua? ), ado pulo nagari nan indak mambuliahan. Sagitu sajo dari ambo. Wassalam Hengky Sikumbang St. Bandaro >-----Original Message----- >From: [EMAIL PROTECTED] [mailto:palanta- >[EMAIL PROTECTED] On Behalf Of Datuk Endang >Sent: 14 September 2006 21:48 >To: [email protected] >Cc: [EMAIL PROTECTED] >Subject: Re: [EMAIL PROTECTED] Kawin se Suku Marak -hukum adat > >Dunsanak Tasril ysh, > Sedikit jawaban terhadap pertanyaan berikut : > -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
