Assalamualaikum warahmatullahi wabarakatuh,
Dek angku Lembang lah mangatangahkan contoh nan adak dakek di Ampek Angkek,
kok buliah ambo maimbau Angku Elthaf nan sadang duduak di suduik nan
mandanga elok-elok topik ko. Baa tu Angku Elthaf, alah koh tibo masonyo
mangatangahkan contoh nan dakek sunduik-basunduik tipak di awak? Kok alah,
barangkali lasuah juo dikatangahkan di Lapau sabagai oral history nan dapek
kito kunyah-kunyah basamo.
Salam,
--MakNgah
1646 [EMAIL PROTECTED] ABS BSK Re: Kawin se Suku Marak -hukum adat
From: Muhammad Dafiq Saib
Date: Fri, Sep 15 2006 7:05 pm
Email: Muhammad Dafiq Saib <[EMAIL PROTECTED]>
Assalaamu'alaikum wa rahmatullaahi wa barakaatuhu
Ado ustad di kampuang kami, nan dituokan dek karano
iyo alah agak tuo pulo umua baliau (80tahun), acok juo
namo baliau tasabuik dek nyiak Sunguik / mak Ngah,
yoitu ustad Nazir Nurdin. Baliauko guru / ustad
masyarakaik di pasakitaran Ampek Angkek, Tilatang
Kamang, Bukiktinggi.
Sakitar sabulan labiah nan lapeh, kami rapek-rapek
ketek di kampuang, dalam rangko mambuek sabuah yayasan
pandidikan nan ka kami tagak-an di kampuang Koto Tuo
Balai Gurah Ampek Angkek Canduang. Dalam rapek itu,
baliau mangecek-an bahaso alhamdulillah, di 'nagari
awak' ko lah baru tagak nan sabana Adaik Basandi
Syarak - Syarak Basandi Kitabullah. Rupono mukasuik
baliau adolah dalam pamahaman ABS - BSK dalam hal
panikahan (kawin sasuku). Karano sarupo ambo kamukoan
sabalunko, iyo indak ado saketek juo masalahno do
urang kawin sasuku ko di nagari kami. Dari data-data
nan basuo sampai kini, cukuik banyak inyiak-inyiak
kami nan kawin jo tetangga sabalah rumah, samo suku
baliau, hanyo sajo bukan sapayuang.
Dan indaklah kami punyo masalah adaik di nagari, indak
daulu indak juo kini.
Timbua tanyo, kok iyo sa'progresif' tu bana urang di
nagari Balai Gurah tu 'sapanjang adaik' lai ado nan
mangarajoan kawin dalam kakarabatan sapayuang? Alun
ado basuo lai doh.
Ado kawan ambo batanyo untuak hal nan tarakhir ko.
Antah mukasuikno nak mamanciang-manciang bagai
antahlah. Kok nyampang basuo nan sarupo itu di anak
kamanakan angku, dima ka tagak angku? tanyono.
Ambo jawek, ambo ka tagak di syarak. Kalau buliah jano
syarak, ka ambo pabiyaan. Jadi posisi ambo dalam hal
sarupo itu, indak ka mamfasilitasi ataupun
maanjua-anjuakan supayo di antaro kamanakan saliang
katuju mangatujui, tapi kok tumbuah, ambo indak barani
malarang.
Wassalamu'alaikum,
Lembang Alam
St. Lembang Alam
No virus found in this outgoing message.
Checked by AVG Free Edition.
Version: 7.1.405 / Virus Database: 268.12.4/449 - Release Date: 9/15/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
