kalau di Ambo Da..bukanlah adaik dan sytemnyo nan salah..namun person / urang2 nan maraso alah punyo kewenangan untuak maagiah gala itu..kok gala kehormatan memang ado namun nan lah sudah2 indak tapek waktu jo kondisinyo untuak maagiah gala itu..gala kehormatan adolah baleh jaso bukan untuak mamanciang jaso...jaleh bana beda nyo tuh..Di pihak LKAAM walaupun memang manarimo mandat dari nagari seharusnyo kan mampartimbangkan masak2 dulu apokah memang sudah pantas gala kehormatan itu diberikan..sebagai urang nan mangarti adat dan bapendidikan seharusnyo pejabaik LKAAM itu malakukan SOP nan jaleh..kan lah diatur dalam Adat itu..kalau memang Pejabat LKAAM indak mangarti jo aturan adaik..baranti selah jadi Pejabaik LKAAM tuh atau kalau paralu bubarkan selah..karano salamo ko LKAAM manuruik ambo hanyolah jabatan politis dan indak mangakar kabakeh nagari apolai Kaum...Ambo cukuik kenal Jo Bapak Kamardi Rais..dan sakampuang pulo namun memang kecewa karano keputusan limbago nan dipimpinnyo tuh...
kalau memang urang nan kadiagiah gala itu wajar alias bajaso ka Minangkabau silahkan diagiah gala kehormatan...tapi kok indak bantuak nan sudah sudah hanyo karano beliau menteri atau presiden..yo indak doh..sabagai anak nagari dan generasi mudo Minangkabau ambo iyo sangaik manyasakan dan ndak akan pernah menyetujui pemberian sangsako sebagai sarana untuak menjilat kaki kekuasaan demi kepentingan pribadi atau golongan... ikolah nan manyebabkan Adaik dipandang sabalah mato..bukan karano jelek adaiknyo namun karano adaik itu lah dianggap sebagai komoditi bukannyo di jalankan elok elok malah di jua dan digunokan salamak paruik...kok nan tuo2 ndak mampu lai manjalankan adaik dan aturan nan lah disepakti inyiak2 kito tuh...baranti selah bialah kami nan mudo manjalankan.. salam --- In [EMAIL PROTECTED], "M. Syahreza" <[EMAIL PROTECTED]> wrote: > > Benny, kito nan mudo ko sampai kapan pun ndak akan pernah didanga kato kito dalam adat oleh pemuka adat yang maraso paliang beradat sekali pun. Sarupo jo basorak di lambah, nan ado hanyo sipongang. Apo lagi kito yang di rantau, sarupo jo abu di ateh tunggua. Yang urang ranah tahu hanyo urang di rantau adolah urang kayo jo bapitih, tapi urang di ranah ndak akan pernah nio tahu baa proses untuak dapek pitih tu. Jadi labiah rancak kito mati ndak beradat daripado mati ndak sebagai muslim. Budaya adat yang salah tu dibiakan sajolah, karano malawan adat di nagari asal adat tu samo jo kito bunuah diri. Paliang adat tu tahan 1 ~ 2 generasi, nanti akan memutasi diri bantuak virus dan mereformasi diri dari dalam..hanyo manunggu waktu sajo beberapa generasi akan datang...karano nan bana tu takana di bulakang...Cukuiklah kito mambantu yang di ranah sejauh yang kito mampu, untuak keputusan urang di ranah ndak usah kito komentari. > -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
