Balahia inyo di maso itu di ate dandang sagua cukuik jo caki bilang pandai dek
lamo dandang bahia mak, di dalam lauik barulah tampak api bakijok-kijok puncak
barapuri banamo gunuang marapi, sinan sirangkak nan badangkang sarato buayo
putiah daguak di batua ampa putiah di ateh bukik siguntang-guntuang dimano
titiak palito di baliak telong nan batali dari mano turun niniak kito, iyo di
puncak gunung marapi. basentak turun kabawah tibo diguguak ampang sinan gundi
nan baselo sinan pulo bataratak sabalun bakorong dengan kampuang sabalun ba
koto jo nagari. maso badeta de paupiah, maso kamang juo kamanakan manjadi
banyak, di pabuek sawah jo ladang di buek adaik di korong undang di susun
tungkai ciek-ciek, di paku ka tiang panjang makanan urang tigo luhak, menolak
luhak nan tigo, nan tuo luhak tanah data, nan tangah luhak agam nan bungsu
luhak limo puluah lalu karantau ka pasisie alam surambi sadaran gunung pasaman,
sajajaran sago jo singgalang saputaran talang jo karinci dari si
rangkak nan badang keras hingga buayo putiah daguak, sampai kapintu rajo hilia
durian ditapuak rajo, sipisak pisau anyuik sialang barantak basi induak aia
babaliak mudiak sampai ka ombak nan badabua, sailiran batang sikilang hinggo
lauik nan sabibia. Rao ko mapa tungga sarabo gunung nan maha lintang pasisie
banda sapuluah hinggo taratak aie itam sampai ka tanjuang samalidu, pucuak
jambi sambilan lurah kok di kambang salaweh alam jikok di balun sa balun kuku
tantang nangko basudah kalam tambo sakiro itu dahulu.
Lungkek gala amak diraji sitaba dibaliek pakan. Kalau salah nobat io ambo ka
bana samo diamalkan.
manyo sutan parpatieh sambah tibo pado sutan. Pitalah pihak di kami
sipangkalan di tampek hujan nan barasah paneh nan ba puhan nan menyusun maa
atok pakarajoan di rumah nangko. Kironyo ado sapatah nan ka tangah iyo nan
kabasabuik rundaiang sabuah nan katarabik diri ambo, iyolah. sungguh pun nan
ka tarabik di badan diri ambo. Bukanlah ciek-ciek karano akanyo pencong karano
kain, sorong lompatan di galanggang tapi ambo ko pai lai jo rundiangan nan
hingga ko mufakek apolah nan manjadi buah pasambahan nan kaba tibokan kabakeh
sutan ya itu adok ka badan diri kami sipanggkalan dek sarik bakisa di nan
sampik suko batenggang di nan tido mako ba gantang panantian kami disiko.
mungkin ka basuo sumbang jo salah sasek jo gawa kok tibo indak tabasokan datang
indak ba mukokan. bak basuo tampan jo taratik kurenah nan patuik ka latak
dihulu tailiekan kami di pabisan di parantiangkan mohon dimintak banyak-banyak
ka rilaan sutan gadang sakian sambah pado sutan.
---------------------------------
Get your own web address for just $1.99/1st yr. We'll help. Yahoo! Small
Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
