Ass Wr Wb bapak Saafroedin Bahar dan bapak Chaidir Latief yth
Sabalunno hanifah mangucapkan selamat menunaikan ibadah puasa, mohon maaf
lahir batin atas semua tulisan hanifah nan indak berkenan. Semoga Allah
menerima semua amal ibadah kita hendaknya. Amin.
Bapak Saaf dan bapak Chaidir Latief
Hanifah maraso tasanjuang karano tulisan bapak ba CC kan ka hanifah. Dalam
hati timbua tanyo tanyo, baa kok hanifah dapek kahormatan tersebut dari bapak
?. Padahal indak ciek juo nan sabana tantu di hanifah. Akan labiah tapek kalau
ba CC kan ka Dr.H.K.Suheimi. Kalau bapak batigo badiskusi hmmm pasti seru
Pak Saaf
Tantang dikotomi antaro pandukuan adaik jo pandukuang agamo, manuruik hanifah
tantu urang manjawek badasarkan pangalaman dan pangatahuanno masiang-masiang.
Dikampuang hanifah, iyo indak ado urang kawin sasuko doh (antahlah kini).
Sajak ketek alah batanamkan kalau sasuku berarti badunsanak, indak buliah kawin
sasuku, walaupun dalam agamo perkawinan tersebut dibuliahkan. Kalau ado nan
malanggar tantu balaku hukum adat. Dek karano indak ado tajadi salamo hanifah
di kampuang, hanifah indak tau baa hukum adat untuak nan malanggar adat.
Manganai warisan
hanifah indak tau banyak, sabab.. harto pusako nan jadi
milik mama hanifah, pakai surek saluruhno, malah kini alah basertifikat.
Sabalun basertifikat, walaupun ado surek kepemilikan, iyo acok harato
tersebut jadi sengketa. Sajak ado sertifikat, indak ado lai nan
mancingkaraui, kamipun maraso lega dirantau, karano yakin indak mungkin harato
nan ado sertifikatno akan diambil aliah dek dunsanak sasuku nan dikampuang.
Pak Chaidir
Tantang tulisan bapak, Baa kok urang lain bisa barubah awak indak. Baa kok
awak makin tapuruak
Manuruik hanifah karano urang lain (jawa dan batak):
namuah baraja ka urang lain nan labiah tau, indak malu maakui kaunggulan
urang lain.
kalau nan santiang atau punyo jabatan atau kayo dll, suko mamparatikan dan
mangayomi nan lamah.
maliek sasuatu umumno jangka panjang, bukan jangka pendek sajo, bukan pulo
lokal, tapi global.
Itu sen dari hanifah, talabiah takurang mohon maaf.
Wass
Hanifah Damanhuri
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
