Wassalamualaikum w.w. Ananda Hanifah, Ambo mangarati Ananda Hanifah, memang dalam bulan puaso ko kagiatan Ibu-ibu maningkek banyak, balain jo kagiatan Apak-apak nan mungkin biaso-biaso sajo, atau malah kurang, he he. :-)) Nan penting Ananda alah sato mamikiakan karajo gadang ko, karano tu ambo indak kecewa bagai doh. Iko kan karajo nan indak ka sakali jadi. Mungkin rancak kalau ambo buek dulu Karangko Acuannyo, bukan hanyo untuak panalitian dan pangkajian ABS SBK di Ranah dan Rantau di dalam nagari kito sajo, tapi nan juo dapek dipakai untuak nan di lua nagari di ma ado urang awak, sarupo di Malaysia. Dunsanak Idris Talu nan bamukim di Malaysia alah basadio. Wakatu basuo jo Menteri Kesenian, Kebudayaan, dan Pewarisan Malaysia Datuk Seri Utama Dr Rais Yatim di Kuala Lumpur -- baliau urang Maninjau nan sangaik cinto ka Minangkabau -- sacaro informal alah ambo 'jua' juo gagasan maadokan karajo samo panalitian dan pangkajian ko. Baliau indak langsuang satuju, tapi juo indak baliau manulak langsuang. Aratinyo masih tabuka paluang maadokan tindak lanjuiknyo. Untuak itu sajo kito paralu batarimo kasih ka baliau. Manuruik Dunsanak Prof Dr Asmaniar Idris, untuak mangumpuakan data mungkin kito paralu malakukan sacaro 'sampling' sajo, khususnyo untuak nan di Rantau. Nan mamudahkan kito adolah hampia sadonyo urang awak nan marantau tingga di kota-kota. Jarang sakali urang awak marantau masuak desa jadi patani. Untuak nan di Ranah yo paralu bana diadokan pangumpulan data di tingkek nagari, karano di nagari lah adaik itu masih sangaik intens dihayati dan diamalkan, apolagi adaik kan takaik arek jo soal sako dan pusako, nan sabagian gadang basangkutan jo soal warisan dan tanah pusako. Saparati nan dapek Ananda baco dalam wacana di palanta ko. pak Chaidir alah satuju manggarakkan rekan-rekan baliau di UMMY untuak maadokan panalitian dan pangkajian di Ranah. Jadi lambek laun kito akan punyo data konkrit nan basifat komprehensif tantang aspek kalimbagoan dan pangamalan ABS SBK itu. Barangkali ambo urang nan paliang basyukur taradok adonyo langkah konkrit ko, supayo urang awak jan basiarak soal nan sangaik abstrak dan sangaik konseptual ko. Sampai di siko dahulu Ananda. Salamaik bapuaso. Salam ambo untuak saluruah kaluarga Ananda. Wassalam, Saafroedin Bahar.
----- Original Message ---- From: hanifah daman <[EMAIL PROTECTED]> To: [email protected] Sent: Monday, September 25, 2006 9:46:28 PM Subject: [EMAIL PROTECTED] Mohon maaf pak Saaf Ass Wr Wb bapak Saafroedin Bahar yth --- ambo karek di siko -- Sasudah hanifah ranuangkan dan hanifah ukua kamampuan dan wakatu nan tasadio, dan sabagaino, mohon maaf pak saaf, hanifah indak sanggup mamanuahi permintaan pak Saaf. Hanifah berharap bapak memaklumi kondisi / kegiatan hanifah ya sebagai dosen, ya ibu rumah tangga yang saat ini punya kesibukkan dua kali lipat dari yang biasa. Tadi di kampus sempat hanifah badiskusi jo kawan nan ahli statistik, kato no kalau maolah data pakai SPSS sih indak jadi masalah mambuek instrumen panalitian (angket) untuak nan awak indak mangarati itu indak mudah. Hanifahpun indak bisa malibatkan mahasiswa untuak sato bapikia karano mereka bukan urang Minang, bukan pulo mahasiswa dengan bidang minat budaya. Itusen dulu dari hanifah, sakali lagi hanifah mohon dimaafkan karano bikin kecewa bapak. Wass Hanifah Damanhuri -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
