Assalaamu 'alaikum. Dunsanak sakalian,
Ambo salalu baminat membicarokan masalah moral remaja Islam ko. Di Malaysia juo masalah ko lah makin parah termasuk narkotika sintetik/antihistamine (?) yang terbaru yang bukan sajo mamusnahkan hiduik mereka masing-masing malah membuatkan mereka kejam dan melakukan jenayah dengan berani. Lah rami yang mati dan koma atau cedera parah katiko dirampok atau batangka dsb, ibu bapa sendiripun dibunuh dengan kejam. Balik ke masalah moral, yang herannyo, manga awak tacangang yang iko tajadi. Bukankah awak sebagai yang labiah tuo juo nampak unsur- unsur itu masuak malalui TV, radio dsb. Bukankah sadonyo yang barat itu ditunjuakkan sabagai elok dan seronok, cantik dan menarik. Pada awak yang labiah tuo mungkin awak anggap hiburan sajo, tapi bagi yang mudo-mudo, tantulah mereka akan maikuiknyo sebab lahbiaso bana mancaliaknyo. Mungkin itu juo berkaitan debat mengenai adat dan agamo ko, awak indak serius manyatokan Islam itu satu, itulah asas hidup awak. Kalau ado duo yang batantangan, makasuiknyo mungkin boleh ditarimo mano-mano, jadi apo salahnyo maikuik barat juo, mako tajadilah maksiat dengan berjilbab, mungkin. Contohnyo, dipertontonkan dalam TV, manyanyi bajilbab indak ado salahnyo. Drama manunjuakkan carito agamo, lengkap bajilbab, jadi berlakun filempun indak salah juo. Nanti boleh dapek banyak pitih. Beraksi pegang-pegang dan percampuran bebas lelaki perempuan juo lah biaso, malah waktu di sekolah dianjurkan supayo anak-anak pandai bersosial dan tidak malu-malu. Kiniko urang pemalu tak mandapek tampek, yang bagusnyo adolah yang berani bercakap dan beraksi di khalayak ramai. Bukankah kito juo yang suko mancaliak anak-anak ketek manyanyi-nyanyi dan manari, sampai inyopun suko pulo bilo lah gadang. Waktu remaja, 'peer pressure' (tekanan dari kawan?) begitu kuat dan walaupun dia bukan dibesarkan begitu, kawan-kawannya yang mendedahkannya dan memaksanya supaya ikut, kalau tidak tak ada kawan dan tak 'cool'. Di barat jugo lah disabuik baa pengaruh TV tu amat besar kepada anak- anak. Kita manjauah dari disko dsb, tapi awak baok disko tu ka rumah malalui TV. Awak malarang pakaian mendedah-dedah tapi tiok hari mancaliaknyo di TV. Ambo urang biaso sajo, indak tahu baa ka manyalasaian masalah ko, tapi ambo raso kalau Islam yang sabananyo yang awak pagang sebagai dasar, apo yg mereka caliak di ma sajo akan difikirkan dari aspek agamo, jadi labiah mudah mereka faham dan insha Allah tidak mengikut yang tidak betul. Kalau buliah, indak usah baTV. Ado banyak caro untuk baraja, tapi TV bukanlah alat pengajaran yang baik. Lebih banyak buruak dari baiknyo. Sekian sahaja, semoga dapat menjana penyelesaian masalah. Wassalaam, mardia (43) www.bakerette-cafe.com --- In [EMAIL PROTECTED], "proto_melayu" <[EMAIL PROTECTED]> wrote: > > Assalamualaikum > > Tampaknyo Uni Rahima ko masih alun paham satantang adat Minang ko > lai...tarutamo tantang harta pusako..saran ambo tolonglah dipelajari > dulu elok elok dan baru dipelajari dan diadu jo syarak..pelajari > dulu apo itu harta pusako asal muasalnyo..dan apo itu tambilang ameh > dan asal muasalnyo..kalau nio baraja elok japri sajo Mak Datuak > Endang..anyo pasti labiah paham... > > mengenai kawin sasuku nan indak bakasalasainan ko elok kito inok > manuangkan dulu..nan jodoh ko adolah mutlak Alloh SWt nan > manantukan..apokah itu dari urang sakampuang, atau sasuku indak > dapek dek kito maatur atur doh..kalau memang manuruik ahli agamo/ > ustad/ustadzah hal iko adolah malangga agamo mako utang mereka > pulolah manyampaikan ka masyarakaik..karano masyarakaiklah nan > marasokan langsuang dan masyarakaik juo lah nan kamamutuihkan..tapi > jan pulo riak riak dalam adaik ko dikambiang hitamkan sebagai faktor > kemunduran Minangkabau..talalu jauah bapikia tuh..cubolah etong bara > persen masalah iko nan dialami oleh masyarakat MInangkabau kalau > labiah dari 50 % mungkin iyo batua... > > sabananyo nan labiah mamprihatinkan adolah budaya barat nan alah > manggilo di kampuang kito..cubo katiko pulang kampuang naiak bus > kota ka arah pasa pasti pakak talingo deknyoh, turun di pasaraya > caliaklah pakaian anak mudo (gadih) nan satangah tilanjang beda jo > jaman dulu nan pakai baju kuruang, sore sore pai pulo lah ka tapi > lauik (taplau) banyak nan mudo2 bapacaran disinan (anehnyo banyak > nan bajilbab). taruih ka bukik lampu dan caliak pulo lah banyak > motor nan parkir di tapi bukik tuh tapi urang nyo ndak tantu kama > antahlah masuak lauik antah baguluang di samak2 tuh..kok lai sempat > pulo pailah ka daerah ulak karang cubo batanyo jo urang sinan bara > banyak kos2an nan campua dan kontrakan mahasiswa nan isinyo jantan > padusi...iko nan seharusnyo kito perhatikan dibandiang maabihkan > energi mambahas kawin sasuku nan sabananyo indak talalu mampangaruhi > pola hidup dan pola pikia masyarakaik...cubolah di buek poling ketek > ketek disatiok nagari ambo yakin hasianyo sangenek nan > mampasalahkan ..karano memang jodoh ko urusan Tuhan..sakareh apopun > adaik ka malarang nan jodoh ko ka jalan juo.. > > iko nan saharusnyo kito perhatikan basamo2 apo caro nan efektif > membendung budaya barat nan jaleh2 batantangan jo ajaran Agamo > Islam..free sex alah menggejala dan sangat memprihatinkan dibandiang > masalah kawin sasuku koh..jan bekoh samuik di ujuang lautan tampak > nan gajah dimuko kito indak tampak...tukak lah maruak di kaki nan > baurus jirawek dimuko juo... > > ambo raso baitu, panek ambo > > wassalam > tolong sampaikan ka Uni Rahima > -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
