Waalaikumsalam w.w, Ananda Hanifah, Ambo juo mancaliak banyak bana urang awak ko nan pamaleh. Antah dek karano kurang gizi, atau indak basumangaik, atau karano indak ado motivasi dan tujuan dalam iduiknyo, atau dek alah nyaman dijamin dek arato pusako, antahlah. Hal itu paralu kito salidiki bana-bana. Nan jaleh alhamdulillah ambo indak tamasuak kategori tu doh. Manganai patanyoan Ananda, " Mungkin ndak jo konsep ABSSBK nan bapak impikan mampu marobah sikap dari karajo surang jadi karajo basamo? dari pamaleh jadi suko bakarajo kareh? ". Ambo yakin sakali, karano kalau 'value system' alah janiah dan struktur sosial alah taintegrasi, apo nan indak ka bisa kito karajokan ? 'Value system' manantukan apo nan kito anggap baik, luhur, dan harus dicapai, sadangkan struktur sosial marupokan mekanisme untuk mawujudkan 'value system' itu. Di urang awak iko bana nan indak jaleh, sadonyo serba kabua, abih di pamainan kato-kato sajo, sarik bana nan mangatokan iyo malakukan iyo. Banyak nan suko manggaliciak. Tantang karajo kareh ? Kan agamo awak juo nan maaja karajo kareh : 'carilah duniamu seakan-akan engkau akan hidup selama-lamanya, dan carilah akhiratmu seakan-akan engkau akan mati esok pagi' dan ciek lai: 'kefakiran [=kemiskinan] akan mendekatkan orang kepada kekafiran'. Ambo raso banyak lai nan saroman tu. Jadi, kalau urang suko maleh-maleh, inyo sabananyo indak atau alun Islami dalam kulikaiknyo walau ibadahnyo sabana santiang. Iko juo nan digugat dek budayawan A.A. Navis dalam novel 'Robohnya Surau Kami'. Ananda bacolah novel klasik tantang Minangkabau tu. Hebat. Itu antaro lain nan mandorong ambo maajak sagalo dunsanak untuak manjaniahkan ABS SBK ko, bukan hanyo pado tataran nilai, tapi juo pado tataran limbangonyo. Ambo basyukur, walau basiingsuik, kini kan alah mulai manggarik. Tingga mamaliharo momentumnya.
Sampai di siko dulu, Ananda. Wassalam, Saafroedin bahar (70 th kurang). ----- Original Message ---- From: hanifah daman <[EMAIL PROTECTED]> To: Saafroedin BAHAR <[EMAIL PROTECTED]>; palanta minang <[email protected]> Cc: Warni - DARWIS <[EMAIL PROTECTED]>; hanifah daman <[EMAIL PROTECTED]>; Rahima <[EMAIL PROTECTED]>; chaidir <[EMAIL PROTECTED]>; Idris Talu <[EMAIL PROTECTED]>; Prof. Dr. Asmaniar IDRIS <[EMAIL PROTECTED]>; darul - MAKMUR <[EMAIL PROTECTED]>; Mohammad Zulfan TADJOEDDIN <[EMAIL PROTECTED]> Sent: Thursday, September 28, 2006 11:54:53 AM Subject: Re: Visualisasi komposisi hipotetik pengaruh adat dan syarak dalam budaya Minangkabau menurut domisili pendukungnya Ass Wr Wb bapak Saafroedin Bahar yth Aduh kalimpanan mato hanifah mambaco tulisan bapak nan hanifah birui di bawah gon, apoli nan bamerah gan he he he. (nan Ananda agiah warono tu ambo karek, daripaso ambo kanai bangih dek dunsanak nan lain, SB). Kalau basuo atau maota jo doktor iyo alah biaso noh, tapi maota eh badiskusi jo BrigJend Walau alah Pur ... wah saumua umua baru kini baru. Alhamdulillah.. elok no nasib taraso eh. Pak Saaf Manuruik hanifah, disampiang indak punyo jejaring , nan mambuek awak taicia dari urang lain (jawa) adolah indak namuah karajo kareh. Kalah ulet dari kawan nan dari jawa. Sudahlah mereka kompak, ulet, santiang pulo lai, trus santun kalau mereka di posisi bawah. Kalau indak santiang mako nan santiang malinduangi. Mungkin ndak jo konsep ABSSBK nan bapak impikan mampu marobah sikap dari karajo surang jadi karajo basamo? dari pamaleh jadi suko bakarajo kareh? Itu sen dulu tanyo hanifah, talabiah takurang mohon maaf Wass Hanifah Damanhuri -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
