Tolong dibaca aturan di footer dibawah --------------------------------------
Assalamu'alaikum wr.wb. Ondeh mandeh...kok baru kini pulo mako heboh urang dek pakaro ko...padohal dari dulu alah banyak/acok tajadi di Padang, tapi dulu Niniak Mamak di ranah labiah banyak antok-antok se...kato rang Jawa Adem Ayem wae...antah dek kailangan kuku antah takuik dek kamanakan yang makin bagak.... Kok latar belakang masalah homoseksual merebak di kota Padang ko banyak sabab musabab nyo diantaronyo dari lingkungan, pergaulan, media informasi dan dari keluarga...malah kalau ambo manilai labiah gadang pangaruah dari keluarga....bara banyak laki-laki Minang yang suko kawin batambuah tapi anak bini nyo nan sabalumnyo ditelantarkan?? Bara banyak pasangan di Minang yang bacarai karano sabalumnyo "Nikah Dipaso/Tapaso" jo pasangannyo dek karano ego urang tuo di ranah untuak alasan klasik "Mambahagiakan Orang Tuo/Mambaleh jaso Urang Tuo"?? Jadi penyimpangan yang banyak tajadi di Padang kini ko adolah efek domino dari kekurangarifan/kekakuan/keegoan urang-urang tuo akan perubahan zaman dan indak bafungsinyo Niniak Mamak, Alim Ulamo jo Cadiak Pandai dalam nagari sebagai Teladan...(Banyak kini niniak mamak nan jadi apak rutiang atau paga makan tanaman. Kini baru banyak nan basorak kian kamari mandanga sarato mancaliak panyimpangan yang kini alah banyak tajadi tu...Tapi dunsanak-dunsanak di ranah alun juo tanggap jo perubahan ko. Ciek yang alun mambumi di ranah tu..bahwasonyo anak dilahiakan untuak zamannyo (anak) dan bukan untuak zaman urang tuo...Yang Urang tuo paralu karajokan adolah manyiapkan generasinyo supayo siap mental jo spritual sarato siap ilmu untuak mahadoki perubahan zaman dan kemungkinan taburuak dari efek negatif perubahan zaman ko. Bukan mamasokan kahandak hati ka anak-anaknyo dengan manggunokan alasan klasik "anak durhako ndak nio manyanangkan hati urang gaek". Jadi tutuiklah carito-carito yang suko mambanggakan etnis Minang di maso lalu wakatu kini ko...karano yang sadang dijalani adolah maso kini jo maso nan akan datang, nan sarek jo perubahan...kalau ndak siap jo perubahan tu efeknyo banyak penyimpangan negatif...Untuak pelaku homoseksual tu kebanyakan karano putuih aso...misalnyo kecewa/frustasi/gagal dalam mambina hubungan dengan lawan jenis, kurang pedulinyo urang tuo di ranah dengan perkembangan sarato pergaulan anaknyo, nan utamo dek ajaran agamo indak masuak ka utaknyo....panyabab masalah ajaran agamo ko indak masuak bisa jadi kesalahan samo mubaligh, karano dalam panyampaian indak bisa dipahami samo jamaahnyo..bisa jadi memang jamaahnyo nan kian kamari pangananyo wakatu mubaligh maagiah da'wah, antahlah...banyak sababnyo... Nan pasti pelaku homoseksual ko bukan umaik nabi kito Muahammad SAW, karano inyo ndak namuah nikah kawin untuak malanjuikan keturunannyo..... wassalam Nan rindu jo perubahan ka nan elok di ranah bundo Reza Sikumbang <30 thn -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
