Tolong dibaca aturan di footer dibawah
--------------------------------------
Ass Wr Wb mamak Kani di tanah Ringgik
Onde mak oi, yolah mungkin dek keteklai lah dialun galombang katanah
Ringgik, Nagari sandiri indak tau baraso adolo nan banamo Sungai Buluah.
almaklumlah dikampuang masotu Rang Gaek indak panah bao bajalan,manuruik
pangana ambo Dunia nan salingkuang bukuktusen, taun 73 barulah mancubo
naiak oto maso libur sikola dibao dek Uni ambo ka Tangkerang Riau
masotu sinanpun alun Kota lai,tingga diparak karet.
Lahlapeh katanah Ringgikko barulah awak tau Dunia laweh, yolah..
talanjua lah bacarito awak, dima kampuang asa? lah bara lamo di Bangkulutu?
bilo agaknya kamancigok ka tanah Ringgik?
Kampuang asa hanifah iyo di Sungai Tanang itulah.
Di Sungai Tanang dun ado tabek gadang kayak danau buatan
Di hari Minggu rami dikunjuangi urang nan nio ba biduak biduak. Pernah juo
tabek gadang dun dijadikan tampek mamanciang ikan urang sa Sumbar.
Kalau lai takana di mamak jalan ka Bukittinggi
iko no lokasi Sungain Tanang
tuha
Dari Maninjau mamak naiak kelok 44 tibo di Ambun Pagi, sudah tu mamak lewat
Lawang, Matua, Sungai Landia, Balingka, Koto Tuo, Pakan Sinayan
.
Sabalun Padang Lua mamak akan maliwati jambatan Durian. Sabalun jambatan
Durian ado simpang di sabalah kida.. itu simpang Sungai Tanang. Sasudah
jambatan di sabalah suok ado simpang
itu simpang Parabek.. Tibo di Padang Lua
kalau mamak nak ka Bukiktinggi mamak belok kida, kalau nak ka Padang mamak
belok suok. Sasudah sakilo dari simpang tigo di Padang Lua dun arah ka Padang
mako mamak akan maliwati Sungai Buluah. Dari Simpang Sungai Tanang bisa juo
tembus ka Sungai Buluah.
Sungai Tanang dun sangaik indak mamak
nagari terindah nan pernah hanifah
tamui. Kami maagiah gala Sorga dikaki Singgalang . Sacaro umum untuak
kacamatan Banuhampu nan talatak diantaro gunuang Marapi jo Singgalang di agiah
gala dek mamak Mufni di Banuanet jo namo Banua Darusssalam.
Tahun 73 dun hanifah masih SD. Di SD Sungai Tanang di jaman kami dulu salalu
ado program jalan-jalan (raun sabalik) di akhir tahun. Ruteno tabagi duo,
bapagantion satiok tahun. Rute 1 kalau indak salah : Sungai Tanang,
Payokumbuah, Lintau, Sawah Lunto, Silungkang, Solok, Danau Singkarak
baliak
pulang.
Rute 2 : Sungai Tanang, Maninjau, Tiku, Pariaman, Padang
baliak pulang.
Jadi walau indak ado TIPI maso itu, kami alah mengenal tampek-tampek nan TOP
di Sumbar.
Katiko SMP Hanifah aktif pulo di pramuka. Banyak daerah nan kami jalajahi,
dan kami jadikan tampek bakemah, diantarono nagari Bayua Maninjau dan Padang
Tarab Payokumbuah.
Kenangan nan indak bisa hanifah lupoan wakatu bakemah di Maninjau adolah
katiko maranangi danau Maninjau. Kami nan barasa dari Sungai Tanang dek maraso
jagoan baranang bacubo pulo baranang di Danau Maninjau. Wuihh
balain bana raso
aiano..
Taraso barek dan taraso abih tanago kami untuak baranang katapian baliak.
Tibo di tapi kami nan baranang bapandang pandangan.. kacamehan dan heran.. kok
mantun rasono baranang di danau.
Dasar ABG
dek panasaran.. kami caliak ado biduak nalayan di tapi danau. Kami
salang lalu kami babiduak ka danau. Alangkah takajuikno kami maliek dasar
danau
mulo-mulo masih nampak dasarno
lalu indak nampak lai, nan manandokan
danau tersewbut pasti dalam
wuih ngeeeerrriiiii.
Hanifah di Bengkulu alah sajak tahun 1986, yah ndak taraso alah 20 tahun sen.
Manganai tanah Ringgik
. antahlah antah bilo katacigok ka sinan. Antah kok
namuah mamak mangirimkan tiket PP untuak minimal 2 urang (hanifah jo uda) he he
he
Wass
Hanifah Damanhuri
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >100KB.
2. Email dengan attachment.
3. Email dikirim untuk banyak penerima.
================================================
