Assalamualaikum w.w. para dunsanak sa palanta,
Lai buliah ambo manyalo dalam soal MPKAS dan MAPPAS ko ? Sacaro positif,
kaduonyo marupokan wujud dinamika dan pakambangan terbaru dari raso cinto kito
urang Rantau ka kampuang halaman. Langkah iko jaleh positif dan prospektif,
apolagi dapek sambutan dari BA 1. Momentum nan alah ado paralu kito jago
baiak-baiak.
Jadi apo masalahnyo? Nan nampak diambo, masalahnyo adolah masalah panataan
organisasi dan pambagian karajo di antaro kito para pegiat (=aktivis) dalam
manangani karajo gadang ko. Ado macam-macam alternatif nan dapek kito piliah:
antaro lain: 1) Indak usah dibuek MAPPAS, cukuik MPKAS sajo nan dikambangkan.
Iko rancak, tapi MPKAS tapaso manangani macam-macam masalah nan indak langsuang
takaik jo kereta api, sadangkan manganai kereta api itu sendiri cukuik banyak
nan paralu disegehkan. Padohal ado dunsanak-dunsanak kito nan alah siap
manangani aspek pariwisatanyo itu sandiri sacaro khusus. Barek bana baban MPKAS
beko kalau manangani kasadonyo; 2) Dibuek MAPPAS jo panguruih sandiri, tapi
sacaro struktural takaik jo MPKAS; iko elok juo, karano dinamika baru
ditampuang, dan MPKAS nan alah ado tatap jalan, hanyo mungkin paralu diadokan
pambagian karajo antaro para dunsanak nan alah aktif dalam MPKAS kini. Namun
alternatif ko mungkin manimbuakan masalah psikologis, karano
bisa-bisa taraso MPKAS pacah. 3) Dibuek MAPPAS jo panguruih tasandiri,
tarutamo dari para dunsanak nan alun aktif di MPKAS, tapi tatap dipimpin dek
pak Chaidir salaku urang tuo kito sahinggo sinkronisasi jo koordinasi bisa
tatap dilakukan. Nan iko rasonyo labiah elok, karano MPKAS tatap utuh,
sadangkan MAPPAS bisa manangani aspek pariwisatanyo sandiri sacaro panuah; 4)
MAPPAS dibuek tasandiri di sampiang MPKAS, sambia maambiak personil MPKAS. Iko
jaleh indak rancak, saparati nan diingekkan dek dunsanak Ir Kurnia Chalik.
Kalau ambo pikia-pikia, nampaknyo alternatif 3) bisa manampuang dinamika kito
urang Rantau. Manganai ambo sandiri, jo sanang hati ambo bia manjadi wakia
katua urusan pariwisata, di bawah Pak Chaidir nan alah ambo anggap kakak ambo.
Apolagi ambo kan 'katurunan kareta api', jadi haruih tatap juo di MPKAS. Modus
iko rasonyo sasuai jo papatah: 'rambuik indak putuih, tapuang indak taserak'.
Ado tampek untuak kito sadonyo, indak ado nan tatingga: Ambo yakin bana, indak
ado kusuik nan indak ka salasai.
Baa pandapek para dunsanak kasadonyo ?
Wassalam,
Saafroedin Bahar
---------------------------------
Now that's room service! Choose from over 150,000 hotels
in 45,000 destinations on Yahoo! Travel to find your fit.
Sukseskan Pulang Basamo se Dunia, Juni 2008.
-----------------------------------------------------------------
Website: http://www.rantaunet.org
============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Email dengan attachment, tidak dianjurkan.
- Posting email, DITOLAK atau DIMODERASI oleh system, jika:
1. Email ukuran besar dari >500KB.
2. Email dikirim untuk banyak penerima.
--------------------------------------------------------------
* Berhenti (unsubscribe), berhenti sementara (nomail) dan konfigurasi
keanggotaan, silahkan ke: http://rantaunet.org/palanta-setting
* Membaca dan Posting email lewat web, bisa melalui mirror mailing list di:
http://groups.yahoo.com/group/RantauNet/messages
http://groups.google.com/group/RantauNet?gvc=2
dengan mendaftarkan juga email anda disini dan kedua mirror diatas.
============================================================
