Assalaamu'alaikum wa rahmatullahi wa barakaatuhu Tarimo kasih pak Saaf (turuik laua sajo pulolah ambo maimbau 'pak' Saaf lai), nan alah mamfasilitasi rapek ari Jumaaik malam nan lapeh. Rapek nan sangaik banyak gunono ambo raso, untuak manunjuak-an ka padulian awak jo ranah Minang, tanah nan di cinto. Samo-samo mandoa awak mudah-mudahan dapek juo awak babuek sasuatu untuak kabaiak-an nagari awak tu jo organisasi-organisasi sarupo nan sadang awak bantuak ko.
Untuak konsumsi dunsanak sapalanta nan adang adok, bialah nak ambo curaikan pulo saketek apo sajo nan jadi pamikiran ambo, untuak sato datang di rapek kapatang. Sarupo nan ambo sampaian dalam rapek, bialah nak ambo ulang juo baliak, bahaso manuruik pandangan ambo nagari awak nan sabana rancak, nan bukan dek awak mangapik daun kunyik mamuji-muji surang, pasti ka tatap jadi daya tariak di masyarakaik dunia. Indak dimbau bana urang insya Allah ka datang juo. Apo lai kalau kadatangan urang-urang tu di organisir sacaro elok, sacaro terarah, mudah-mudahan labiah banyak pulo lai urang nan datang. dan ado manfaaik untuak nagari awak tu. Namun di baliak itu, nan mancameh di ambo adolah kok urang lalu biko nan ka maasak jalan, kok tamu biko nan kamambuek alek di nagari awak jo caro nan katuju di mareka. Iko banalah nan paralu di segeh jauah-jauah sabalun no. Iko bana nan paralu di paga saelok mungkin. Dan paga ko paguno kalua jo kadalam. Ka dalam, ado parubahan-parubahan nan paralu sangaik dikarajoan. Sarupo mampaeloki moralitas anak kamanakan awak, nak ado kacenderungan ka salah langkah. Kalua, supayo jaleh sajaleh-jalehno di tamu nan datang, bahaso nagari awak Minangkabau adolah nagari nan batata krama, nagari nan baparaturan, nagari nan baradaik. Supayo urang nan datang bisa maharagoi sarato mahoromati aturan nan alah ado di nagari awak tu. Tangan nan paliang batanago untuak mambuek paraturan ko tantulah pamarintah daerah. Dan organisasi nan sadang awak tagak-an ko, nan sabalunno alah ado organisasi nan alah muloi bajalan, nan alah mambuek jambatan dalam hubungan jo pamarintah daerah di nagari awak, awak harok-an mudah-mudahan organisasi awako bisa jadi paagiah angin sajuak ka bapak-bapak nan mamimpin nagari awak jo usulan-usulan nan masuak aka sarato bisa dipatangguang jawabkan. Itu sajolah sabagai ka tambah katarangan dari laporan pandangan mato pak Saaf. Wassalamu'alaikum, Lembang Alam --- Saafroedin BAHAR <[EMAIL PROTECTED]> wrote: > Waalaikumsalam w.w. Ananda Dt Marah Bangso, > > Tarimo kasih ateh tanggapan Ananda taradok > 'reportase' ambo. Mungkin bisa jadi referensi untuak > minta karajo ka LKBN Antara sasudah ambo lengser > dari Komnas bulan Agustus nanti, he he. > > Wassalam, > Saafroedin Bahar. St. Lembang Alam ____________________________________________________________________________________ Any questions? Get answers on any topic at www.Answers.yahoo.com. Try it now. Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
