Website: http://www.rantaunet.org ==========================================
Assalamualaikum WW Sanak Ridha, Batuah, Mulia, Ajo Duta dan sanak sapalanta. Dek wacana demokrasi nan diangkek dek sanak mulia, mako ambo ingin pulo sato sakaki. Manuruik pamikiran di MPKS - MAPPAS tentang wisata adalah (tolong koreksi kalau ambo salah): "Sebab ekonomi ranah sadang barek, gadang pasak dari tiang, mako sektor ekonomi harus diransang untuk bajalan labiah capek. Untuak marangsang sektor ekonomiko, mako salah satu nan bisa diandalkan adolah sektor wisata. Salah satu icon sektor wisata adolah ustano basa pagaruyuang. Mujua indak bisa bisa diraiah, malang indak bisa ditulak. Alah malang tipak di sektor wisata, tabaka salah satu icon wisata, ustano basa Paga Ruyung. Dek salah satu icon wisata nan adoko tabaka, disaat awak sato sakaki maangkek sektor wisata, iyo takajuik awak, ado raso kahilangan saat kini. Apo lai ado program Ajo Duta nan ka maajak urang nan bapanghasilan dollar di nagari Mak Sam, untuak maaliahkan skedul wisatano ka ranah Minangkabau, mako Ajo takajuik pulo. Ajo mainginkan Ustano nan tabakako dibangun baliak sabalun urang Pulang Basamo dibulan Juli 2008. Mako ado ide untuak mangumpuakan sabagian rasaki awak, bara sanang ati sajo untuak dana pembangunan kembali ustano basako. Jikok wisata ranah bisa maju, indak saketek pitih nan dibulanjokan di ranah. Pitihko diharokan manjadi stimulan perkembangan ekonomi, sahinggo ekonomi ranah dapek manjuju. Sabok satiok pitih nan dibulanjokan akan mambuek multiplaier effek kabulakangno. Misa si Turis datang, manyeo taxi Rp. 100,000. Kudian pitih tun dibalikan dek supir taxi untuak bensin, makan, baia uang sikola anak dll. Kudian nan punyo usaho bensin, makan, sikolako, malanjuikan mangguno bagian pitih nan dari supir taksiko untuak mambali kaparaluanno. Baitulah sataruihno pitih tu beredar. Makin tinggi peredaranno mako disabuik itu multiplaier efek. Ikolah nan dinamokan ekonomi bajalan. Dek satiok transaksi akan menghasilkan margin alias untuang. Dan dipihak pemerintah adolo bagianno yaitu pajak penjualan disetiap transaksi. Seandaino, pitih nan dibulanjokan turih atau sanak nan pulang kampuang tu satiok urang Rp. 2,000,000 dan urang turih dan nan pulang kampuang adolah 2,000,000 urang, kan indak ketek pitih nan dibulanjokan dikampuang doh. Bara multiplaier efekno tuh. Tantu roda ekonomi akan labiah elok jalanno. Jikok, dikecekan, dari pado pulang basamo, kirim sajolah pitih biaya untuak pulang tu kakami untuak pembangunan kampuang, lai kanamuah rasono? Kan labiah rancak diprioritaskan mambantu urang nan busuang lapa, mambantu anak sikola nan indak tabaia uang sikolano, lai ka bisa ndak? Sarancakno iyo manjalankan ekonomi nan paralu, sahinggo peredaran pitih itu tinggi di ranah, jo tinggino peredaran pitih tu, mako hiduik agak lungga, kalau iduik agak lungga, mako busuang lapa tu agak bakurang, urang gaek nan indak talok mambaia uang sikola anakno bakurang dst. Jadi tujuanno bisa samo, Cuma jalanno nan balain. Nan manggerakan wisata dikampuangko adolah mambari panciang, nan mamikiakan mambantu beasiswa dan mambantu nan busaung lapa iko mambari ikan, sahinggo langsuang dimakan dek nan lapa. Tapi efek jangka panjangno tantu nan mamabarkan panciangko. Kudian ingin ambo masuak ka biliak atau pemikiran prioritas. Kalau prioritasko, awak bisa mangecek kalau awak dalah ciek wadah. Atau kasano, awak mampunyoi pitih sapuro, mako baru dapek pengalokasianno jo prioritas. Tapi kalau awak ka maminta sumbangan untuak mambangun ustano, apo harus baranti dek ado anak sikola nan indak tabaia pitihno. Indak kan. Apo lai jikok dikecekan awak nan paralu kini adolah bantuan untuak beasiswa dan sumbangan untuak busuang lapa, mako indak usahlah Ajo Duta jo kawan-kawan pulang basamo, kirim sajolah pitihno kakampuang. Apo iko bisa mamacahkan masalah. Apo lai kanamuah urang tu mambari sumbangan langsuang untuak beasiswa dan busuang lapa? Jadi dek awakko kan duduak basamo, awakko lai banyak, asa gerakanno mamajukan ekonomi ranah alah rancaktu. Masiang-masiang awak manjalankan sesuai kemampuan dan kesanggupan serta ketersediaan waktu alah rancaktu. Ambo raso rugi gadang awak jikok, di stop urang be kreasi, dek nan nampak diawak dan nan prioritas diawak adolah iko, mako indak rancak mangaca itu. Bisa-bisa duo-duono indak jalan beko. Urang nan ka pulang basamo, sabagian gadang adolah Cuma maaliahkan tujuan wisatano ka ranah tacinto, dan disampiang itu mereka merasa alah sato manstimulan pertumbuhan ekonomi, jo mambulanjokan sebagian porat dolar mereka di ranah. Kalau iko disiosiokan kok iyo rugi awak. Jikok merekako pueh, sanang, berkesan indah, mako mereka akan mangecekan rancak dan indahno, paliang indak ka duo atau tigo kawan mereka. Mako akan berkembanglah wisata ranah. Kalau mereka iko mangecekan nan indak elok, mako habislah bisnis wisatako. Supayo mereka mangecekan nan elok, indah dan berkesan, banyak nan harus awak karajokan, dek itulah tergugah untuak membentun MAPPAS. Ajo Duta bapikia, salah satu nan ka mambuek berkesan kanti-kanti baliau nan diajak ka ranah, sabagian gadang alun pernah mainjakan kaki di ranah, adolah ustano Paga Ruyuang. Maaf jikok ado kato nan indak talatak ditompaikno, maklum baru jago lalok, maaf jikok tasingguang kanaiak, talantak katurun, maklum awak sadang baintegrasi. Wabillahi taufiq walhidayah. Wassalamulaikum WW Darul M St. Parapatiah 54 _____ From: [EMAIL PROTECTED] [mailto:[EMAIL PROTECTED] On Behalf Of dutamardin umar Sent: Thursday, March 01, 2007 12:34 AM To: Membangun Minangkabau nan Bergengsi Subject: Re: [EMAIL PROTECTED] PARIWISATA SUMBAR BERDUKA --> Galangsolidaritasdan bantuan... alaikumsalam nakan Arief., Sapakaik ambo tu. Jadi tetap kito badoncek sampai talungguak 10M, kemudian dibagikan kapada kegiatan sosial dll. Lai akan salasai persoalan awak nan multi komplek dengan uang 10M itu? Salam dari subarang Ajoduta/-60/usa Rangkayo Mulia <[EMAIL PROTECTED]> wrote: Website: http://www.rantaunet.org ========================================== Assalamu'alaikum W W Tagali gali pulo ambo untuak menanggapi permasalahan mambantu tagak no baliak USTANA BASA PAGARUYUANG nangko. Namun sabalun itu mohon maaf pulo jikok ado nan kurang berkenan jo postingan ko. Tak hendak berpolemik, tapi hanya sekadar urun rembug. Toh kita demokratis bukan?? Satu sisi, ambo dak bermasalah dengan ado no keinginan banyak urang untuak mambukak dompet untuak mambantu pembangunan kembali USTANO BASA PAGARUYUANG. Itu mungkin bentuk kepedulian terhadap hilangnya kebanggaan peninggalan bersejarah. Namun apakah itu alah manjadi PRIORITAS BANA?? Banyak hal nan harus jadi pertimbangan untuak menghabiskan dana yang katanya tak kurang dari Rp 10 M, untuk pembangunan USTANO BASA tersebut. 1. Toh USTANO BASA pun adalah REPLIKA dari nan ASLI....., berarti nilai sejarah nyo pun tak seindah nan asli.. 2. Sekitar 500 meter dari USTANO BASA tersebut juo ado istana lain, nan banamo USTANO si LINDUANG BULAN. Ini malah ASLI walau nilai sejarah nya tak sebesar USTANO BASA. Kalau lah hanya kemegahan USTANO, rasanya USTANO si LINDUANG BULAN tak kalah megah juga. 3. Rasanya terlalu naif bagi urang Minang nan bukan feodal tapi mengkultuskan sebuah bangunan dengan dalih untuk pelestarian budaya atau juga untuk menarik WISATAWAN. Apalagi kemudian kita meng agung-agung kan ABS SBK...... Sapandapek ambo jo 3 urang kawan ambo.. benny, bung ridha juo dunsana amrizal tuanku batuah. 4. Masih banyak alasan lain............, Ado nan labiah paralu untuak di prioritaskan kalau memang masih ingin PEDULI. Entah itu masah PENDIDIKAN (beasiswa), kesehatan ( SUMBAR ADALAH SALAH SATU PENDERITA TERBANYAK BUSUNG LAPAR) atau juo membantu masalah PEREKONOMIAN (banyak usahawan kecil sumbar yang terpuruk). Atau masalah terkikisnya moral dan juga semangkin hilangnya kepedulian terhadap ABS SBK??? Sangat banyak..................., kalau memang mau peduli............ Itu dulu kiranya............... Memang diperlukan prioritas dan harus FOKUS untuk sebuah kepedulian....., tapi memang masing2 orang punya hak untuk memprioritaskan itu Sekali lagi........ Postingan ini tak hendak membuat banyak orang yang sudah berniat menyumbang ISTANA MEGAH jadi mengurungkan niat. Hanya sekadar berbagi kepedulian juga Billahi Taufiq wal Hidayah... Wassalam W W Rangkayo Mulia 37 thn
Sukseskan Pulang Basamo se Dunia, Juni 2008. ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >300KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-config * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
