S'annunziar anc fin la fin dal mais!!!
NOTG LITTERARA ALS DIS DA LITTERATURA 2007 A DOMAT Sonda, ils 10 da november 2007, la saira da las 20.00 fin la damaun a las 06.00 po in e scadin preleger ses texts rumantschs en il rom da l’emprima “Notg litterara”. Has fatg ina poesia, translatà in text, scrit ina istorgia ni vuls preleger ina passascha ord tes cudesch preferì? Lura t’annunzia fin la fin da matg tar il Radio Rumantsch. Per l’emprima giada en l’istorgia dals Dis da litteratura vegn organisada ina notg litterara senza cunfins. Il program preveda ultra da las prelecziuns era intermezzis musicals, in’istorgia da cuntinuaziun erotica e surpraisas culinaricas. Quai program nocturn vegn emess directamain dal Radio Rumantsch. - Igl è pussaivel d’inoltrar plirs texts rumantschs - Ils texts na d’astgan betg esser pli lungs che 10 minutas - Igl è pussaivel da preleger: agens texts, texts translatads, passaschas ord cudeschs - Las prelecziuns han lieu tranter las 20.00 e las 06.00. Ils organisaturs fixeschan l’ura da prelecziun - Ils texts ston vegnir inoltrads fin ils 31 da matg 2007 al: Radio Rumantsch, Via da Masans 2, p.m. Erwin Ardüser, 7002 Cuira _______________________________________________ Damai che POSTA RUMANTSCHA è ina rait averta per tuts, na ston las opiniuns dals auturs betg correspunder a la posiziun da la GiuRu! Per scriver a tut ils commembers da la glista scriva a: [email protected] www.posta.giuru.ch
