"Gl'automat da historias" sa ferma a Trun, a Glion ed a Cuira Ils 13 d'avrigl 2012 viagia la raquintadra d'istorgias Justina Derungs da Trun, a Glion e vinavant a Cuira. Ella porta cun sai "gl'automat da historias" - ina maschina creada aposta per raquintar istorgias. Raquintada vegn in'istorgia commoventa dad amicizia, tradiment, fidaivladad e da la forza da la fantasia, in'istorgia poetica per uffants ed uffants creschids.
Cun viagiar d'in lieu a l'auter passa la raquintadra d'istorgias tras trais munds linguistics differents. Ella parta da la vischnanca rumantscha da Trun e passa a Glion, in subcenter regiunal tipicamain biling, e vinavant a Cuira ch'è in melting pot da differents idioms. "Gl'automat da historias" è la segunda occurrenza da la stagiun da primavaira da cultuRa+, in program da la Lia Rumantscha. Cun: Justina Derungs (gieu e producziun); Curdin Janett (musica); Madlaina Janett ed Alessia Conidi (purtrets); Hugo Zumbühl (tribuna). Durada ca. 35. min. L'entrada è libra. www.liarumantsch.ch<http://www.liarumantsch.ch> Venderdi, ils 13 avrigl 2012 Trun Darvella, Gallaria Gioni Defuns, 16.00 h Glion, Aula Chasa da scola, 17.30 h Cuira, Chasa Rumantscha, 19.30 h
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
