Allegra Vus tuts
Invit a la preschentaziun dal cudisch «La plema d’argien»
Pe
En collaboraziun cul scolast dil
gimnasi dalla claustra da Mustér, signur Alberto Palaia, e sia classa havein
nus instradau il project d’edir in cudisch
cun texts da giuvenils.
Las scolaras ed ils scolars dalla classa da matura romontscha 2012 e lur
scolast han rimnau
ina respectabla collecziun da lavurs, screttas duront ils davos onns. Els han
fatg interessantas emprovas da scriver,
scret poesias libras, raquintaziuns, historias cuortas ed ein sefatschentai cun
texts da gener satiric. Lur schatgs
litterars valan la peina da vegnir publicai en in cudisch e presentai alla
publicitad. Igl intent da quei project ei da
motivar ils giuvenils da scriver romontsch.
Cun grond plascher astgein nus communicar a Vus, che l’ediziun dil cudisch
dalla classa da matura 2012 ei reussida. Quei ei stau pusseivel surtut grazia
agl engaschament particular da scolaras,
scolars e scolast ed il generus sustegn finazial da numerus donaturs, ton
persunas privats e fatschentas sco era
vischnauncas politicas sursilvanas.
L’ediziun da quei cudisch romontsch cun texts da giuvenils ei senz’auter da
muntada
per la promoziun dil romontsch scret actual. Perquei essan nus ordvart
satisfatgs, ch’igl ei gartegiau da dar ina
plattafuorma allas giuvnas auturas ed als giuvens auturs da publicar lur texts.
Nus selegrein fetg d’astgar envidar
Vus alla presentaziun dil cudisch «La plema d’argien» che ha liug,
mardis ils 24 d’avrel 2012, allas uras 19.00, ell’
aula dil gimnasi da Mustér.
Nus selegrein fetg da festivar da cuminonza la ventschida da quell’ovra ch’ei
il fretg d’
ina lavur da cuminonza reussida.
Cordialmein envidan Vus
Bartolome Tscharner Alberto Palaia
Organisaziun
Scolast dil gimnasi dalla claustra da Mustér
Veia Sur Ual 4 [email protected]
7460
Savognin
[email protected]
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
