«Gian Girun» vegn a Cuira. Ils 8 e 9 da zercladur giastescha «Gian Girun» en la Postremise a Cuira.
Avant ch'il toc da saut «Gian Girun» arriva en sia patria litterar en l'Engiadina han lieu duas represchentaziuns a Cuira. Sut il pseudonim Gian Girun ha Ursina Clavuot-Geer oriunda da Zuoz publitgà differentas novellas ils onns 1930. Trais generaziuns pli tard transfurma Seraina Sidler-Tall, la sutbiadia da Ursina Clavuot, la novella «Maria e sieu chucal» en il saut «Gian Girun». A maun dal text raquinta il toc da l'equiliber tranter la cuntentientscha en tutta modestadad e la tentaziun dal gudogn materialistic, ina tematica actuala er anc ozendi. Ina cumposiziun per saut, gìun, texts legids per rumantsch e tudestg ed installaziuns animadas sin tribuna. [cid:[email protected]] Seraina Sidler-Tall (saut) Marc Jenny (musica) Sara Francesca Hermann (prelecziun) Katharina Wieser (installaziun) Stefanie Herzberg (dramaturgia) Suzana Meyer (costums) stranger in company (producziun) venderdi, 8 da zercladur 2012 sonda, 9 da zercladur 2012 a las 20.00 Postremise, Cuira CHF 25.- / CHF 30.- fautur(a)s Reservaziun da bigliets: [email protected]<mailto:[email protected]> 076 447 33 80 ina coproducziun da cultuRa+ www.liarumantscha.ch<http://www.liarumantscha.ch> «Que d'eira üna bella damaun da settember, ed il tschêl nun eira mê sto uschè blov s-chür. La not eira gnieu üna brüs-china alva süsom las muntagnas, e que d'eira ün queder grandius. Scha signura Deta avess gieu mez minut temp per uzer ils ögls da las chavagnas plainas roba da laver, chi eira immez chadafö, avess'la schmancho per ün mumaint sieus pissers.» ord "Las Novellas da Gian Girun, Maria e sieu chucal" 1938 La novella originala ed ina translaziun tudestga èn publitgadas online<http://www.liarumantscha.ch/sites/home/news.html?news:view=details_video&id=287&lang2=rm>.
<<inline: image002.jpg>>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
