LITTERATURA EN CHASA RUMANTSCHA <Umbrivas muentadas / Bewegte Schatten> da Lothar Deplazes 4 d'avrel 2014, 18.00, Cuera
Ils 4 d'avrel 2014 presentan igl autur Lothar Deplazes e l'editura Mevina Puorger en in dialog ed ina prelecziun la nova publicaziun <Umbrivas muentadas / Bewegte Schatten>. Madlaina Pestalozzi accumpogna els cun la gigia. Il historicher Lothar Deplazes ei enconuschents sco librettist dallas empremas operas romontschas sco denter auter 'Il cerchel magic' ni 'Tredeschin', ovras dil cumponist Gion Antoni Derungs. Nus enconuschein Lothar Deplazes denton era sco scriptur da prosa e da poesias. Il poet Lothar Deplazes ei siu agen translatur, el scriva sez las versiuns tudestgas da sias ovras. Il mund poetic da sia ovra lirica presenta a nus vias e sendas d'in vast patertgar, exprimida en maletgs da fuorma erudita, ironica e humoristica, fina e sensibla: "Pren ad uras / quei che ti vuls buca schar murir / en tes plaids / Ei daventa tia praula / da quei che ei per tei" - Ins sto pia haver fidonza ella forza ed era ella magia dil plaid che semida en maletgs vivs. Quels maletgs ella poesia da Lothar Deplazes san esser praula, regurdientscha, speronza, resumaziun ni maxima: Enqual puccau / ei pura legria // Enqual ricla / ei puccau". Chasa Rumantscha, Via dalla Plessur 47, Cuera Ils 4 d'avrel 2014, allas 18.00 Lothar Deplazes, prelecziun Madlaina Pestalozzi, accumpignament musical, gigia Mevina Puorger, moderaziun Entrada libra Alla fin dalla serada litterara dat ei in aperitiv. <Umbrivas muentadas / Bewegte Schatten>, editionmevinapuorger, Turitg 2013 san ins cumprar ella Lia Rumantscha ni en librarias cun cudischs romontschs. www.liarumantscha.ch<http://www.liarumantscha.ch> ____________________ Lia Rumantscha Gianna Olinda Cadonau www.liarumantscha.ch<http://www.liarumantscha.ch/> ____________________
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
