24avels Dis da litteratura a Domat dals 7-9 da november 2014
>>PREMI TERM BEL<<
Scrivas gugent ed has gust da preleger tes text publicamain als Dis da litteratura? Quest onn ha puspè lieu la concurrenza da scriver Premi Term Bel. E sche ti vegns nominà per ir a Domat survegns da niev perfin in premi per tia nominaziun!
Il text sto esser per rumantsch, en prosa, nunpublitgà e d'ina lunghezza maximala da trais paginas (ca. 9000 segns). Durant ils Dis da litteratura vegnan ils texts ch'èn vegnids nominads dad ina emprima giuria prelegids dals auturs ed auturas. Silsuenter discutescha ina segunda giuria publicamain ils texts.
Il Premi Term Bel è sponsurisà da la vischnanca burgaisa da Domat. El è dotà cun 1000.- francs per il victur da la giuria, cun 500.- francs per il favurit dal public e cun 500.- francs per mintga nominà!
Inoltrescha tes text fin ils 4 d'avust 2014 (bul postal) per posta a:
Dis da litteratura
Sereina Nay
Milchgasse 40
5000 Aarau
u per mail a: [email protected]
Nus ans legrain sin tes text!
Il comité d'organisaziun
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
