Charas amias e chars amis da la cultura, dal ballape e dal rumantsch
La uniun cultura ballape rumantsch (CBR) ha la finamira da promover la lingua
rumantscha e la chapientscha per ils Rumantschs cun dar la pussaivladad als
commembers da s'inscuntrar cun autras minoritads linguisticas e da sa mesirar
cun talas en ina concurrenza sportiva. Ella pussibilitescha als commembers da
sa participar en in turnus da 4 onns al turnier da ballape "Europeada" ch'è
collià cun in barat cultural da las minoritads linguisticas participadas a
quest turnier. Ultra da quai promova ella la chapientscha interrumantscha
tranter ils commembers.
Ussa tschertga l'uniun CBR in logo che duai represchentar adequatamain la
ruamntschia a la proxima Europeada. Nus tschertgain la simbolica da l'identitad
rumantscha. Perquai duvrain nus tes agid. Respunda per plaschair las suandantas
quatter dumondas e trametta tias respostas a [email protected].
Tgenina è la colur rumantscha?
Tgenin è il simbol rumantsch?
Tgenina è la mondura rumantscha?
Co vesa la bandiera rumantscha ora?
Grazia fitg per tes support!
Chars salids el num da l'uniun CBR
Flurin Bundi
_ _ _ _ _ _ _ _ _ _ _ _ _ _ _ _ _ _ _
Flurin Bundi
Via Vitg Dadens 55, 7152 Sagogn
Russenweg 29, 8008 Turitg
076/ 542 22 77
[email protected]
_______________________________________________
Simpel, bun, rumantsch e gratuit: la Posta Rumantscha.
Infurmaziuns sin www.posta.giuru.ch
