Stimadas damas, stimads signurs La Lia Rumantscha ha grond plaschair da far attent Vus a l'emissiun «Grischalog» (en tudestg) da Radio Grischa dumengia, ils 2 da november 2014. Il giast è il secretari general da la Lia Rumantscha (LR) Urs Cadruvi.
Il fatg che Radio Grischa envida Urs Cadruvi demussa l'interess da las ulteriuras cuminanzas linguisticas dal Grischun per persunas rumantschas. Urs Cadruvi enconuschan blers pervia da sia lavur e ses engaschi per la lingua rumantscha. Per ina giada na stattan dentant betg la lingua rumantscha, la politica u las scolas bilinguas en il center, mabain la persuna Urs Cadruvi. Tge traffitga l'um da 41 onns sch'el n'è betg occupà cun dumondas dal rumantsch? Il bab da trais uffants raquinta, tge che occupa el sper la lavur, co ch'el passenta ses temp liber e tge che stat spezialmain a cor ad el. Il secretari general da la Lia Rumantscha dad ina vart privata. Il «Grischalog» vegn emess dumengia, ils 2 da november 2014 a las 10.00 ed en ina repetiziun glindesdi, ils 3 da november 2014 a las 19.00. Cun amiaivels salids Lia Rumantscha _________________________ Lia Rumantscha Via da la Plessur 47 Chascha postala 7001 Cuira telefon +41 (0)81 258 32 22 telefax +41 (0)81 258 32 23 e-mail [email protected]<mailto:[email protected]> www.liarumantscha.ch<http://www.liarumantscha.ch/> _________________________
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
