Benedetto Vigne & Ediziun Apart
preschentan
haikulala
interpretaziuns musicalas dal
diari giapunais
da Benedetto Vigne
2 da favrer 2017 a Turitg, Bogen F
Post-vernissascha turitgaisa, gievgia ils 2 da favrer 2017, en il
Bogen F (Viaduktstrasse 97), a las 20:30 h. Entrada CHF 10.-.
Preschentaziun musicala cun contribuziuns dad Astrid Alexandre,
Corin Curschellas, Gion Fry & Noé Robert, Pascal Gamboni, Giganto
& Mattiu, Martina Linn, Paulin Nuotclà, Snook & Rezia Ladina Peer,
Ursina e Bibi Vaplan.
En il decurs dals ultims set onns ha l’autur e schurnalist
Benedetto Vigne scrit ina rotscha haikus per rumantsch, sa
tegnend però mo per part vi dal cuntegn concentrà e suggestiv
da las miniaturas originalas giapunaisas. Ses haikus han baud
rut las cunvegnas tradiziunalas, integrond impressiuns
quotidianas e patratgs subjectivs, banalitads casualas u
proverbis mez emblidads, restond però adina liads a la furma
prescritta da tschintg-set-tschintg silbas. Il «diari giapunais» da
Vigne è uschia daventà in cudeschet detg experimental, enritgì
da las illustraziuns genuinas da Pia Valär. Il tom sa vegnir
retratg tar Ediziun Apart (https://www.fry-partner.ch/ediziun-apart/),
u tar la Lia Rumantscha. Pretsch: 21.50 francs.
Partenari da medias: RTR
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
