[logo per la seria web cun rispli e palpiri] D'accord, serias-web datti gia bleras. Ma propi coolas, innovativas e rumantschas? Gea - ensemen cun tai/vus! Pertge ina seria-web rumantscha? Nus vulain porscher a noss public in format che tschiffa, commova e fascinescha. Tge tschertgain nus? Noss public en mira è creschì si cun il web. Nossa seria duai perquai sa distinguer d'autras serias. Nus tschertgain istorgias che pudessan esser realisticas, che provocheschan e commovan. Tgi tschertgain nus? I na dependa insumma betg, sche vus essas ina firma da producziun etablida, u sche vus essas simplamain activs dapi onns sin Youtube u Instagram, sche vus discurris rumantsch u betg, sche vus essas giuvens u vegls. Vus duvrais sulettamain in'idea persvadenta! Nus tschertgain vossas ideas per che quella seria-web possia vegnir realisada: ideas, scenaris, scripts, concepts en detagl, etc. per producir en atgna reschia ubain en stretga collavuraziun cun RTR. Dapli dal project e davart las cundiziuns chattais qua: https://www.rtr.ch/novitads/rtrintern/t-annunzia-rtr-tschertga-tia-seria-web-ficziunala Tar dumondas stat il maina project Flavio Deflorin ([email protected]<mailto:[email protected]>) gugent disposiziun. Chars salids, voss team da RTR
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
