> Anfang der weitergeleiteten Nachricht: > > Von: <[email protected]> > Betreff: Mailchimp Template Test - "BEGEGNUNGEN 2019 – Newsletter R #04" > Datum: 20. Juni 2019 um 12:37:34 MESZ > An: <[email protected]> > Antwort an: <[email protected]> > > Aktuelle Veranstaltung von Art-Public Chur > E-mail im Browser anschauen <x-msg://46/*|ARCHIVE|*> > > Preziadas amias e preziads amis da l'Uniun Art Public Cuira > > Suenter in'entschatta fulminanta dal project INSCUNTERS – art en il spazi > public – il 1. da zercladur, spetga Vus dumengia proxima, ils 23 da > zercladur, danovamain in suentermezdi varià sin il Rosenhügel a Cuira. > > A las 13.00 cumenzan las visitas guidadas en rumantsch, tudestg e talian. > Experts da la scena d'art explitgeschan en detagl las intervenziuns > artisticas e lur interdependenzas. > > A partir da las 14.00 animescha la musica da la chapella Grünberg da sautar > sut il tigl! Silla Battaglia (orgelet a maun), Alfred Egli (orgelet a maun), > Madleine Glauser (bass) e Ralf Niederdorfer (clarinetta, saxofon, sopran) > sunan per quest'occasiun musica populara. > > A las 15.00 entaissa l'artist Remo Albert Alig a moda carismatica e > passiunada e da maniera patafisic-alchemistica l'enclegientscha dal lieu cun > sasez e cun sias duas installaziuns «Via Dolorosa» e «Goldener Zweig». La > visita guidada en furma d'ina performance linguistica daventa uschia part da > las ovras d'art. > > A las 16.00 s'inscuntran per in discurs en il pavigliun dals premis l'artista > Daniela Droz da Losanna, enconuschenta per sias fotografias abstractas, > l'artist e perscrutader Not Vital, che viagescha tranter Peking, Rio de > Janeiro e Sent, e la perscrutadra artistica da la natira Carmen Müller da > Meran. Co reageschan ils geners d'art – la fotografia, l'archi-sculptura e la > cultura da curtins – en e cun la natira? Il discurs moderescha la curatura da > l'exposiziun Misia Bernasconi. > > Per finir preschenta la kammerphilharmonie grischun a las 17.00 musica > spiertus-melanconica, surnatirala e schrega che enzuglia las sculpturas ed > installaziuns sin il Rosenhügel ed intganta il public. Il concert ambulant da > sculptura a sculptura sa basa sin in'idea dad Urs Senn (viola/cuntrabass), > Reto Senn (instruments a flad) ed Eckart Fritz (percussiun). > > Not Vital – «Den Himmel über Chur soweit es geht geniessen», 2019 – > Holzkonstruktion und Farbe, 830 × 120 × 740 cm – Bild © Ralph Feiner > As annunziai sin: begegnungen-2019.ch/programm > <https://begegnungen-2019.ch/programm> e parti Vossas impressiuns da questa > renaschientscha dal Rosenhügel sin Facebook > <https://www.facebook.com/artpublicchur/> ed Instagram > <https://www.instagram.com/art_public_chur/> cun ils hashtags > #artpublic_cuira ed #inscunters2019. > > Il parc As stat a disposiziun sco lieu da repaus e da studi. > > A bainbaud, auf bald, a presto! > > Vossa > Uniun Art Public Cuira cun il curatori > > Copyright © 2019 ART-PUBLIC Chur, All rights reserved. > > Sie erhalten diesen Newsletter, weil wir davon ausgehen, dass Sie diese > Informationen interessieren. Es ist nicht in unserer Absicht, Sie mit > unerwünschten e-mails zu belästigen. Falls Sie diesen Newsletter nicht mehr > erhalten möchten, können Sie sich hier Abmelden <x-msg://46/*|UNSUB|*>. > > > ART-PUBLIC Chur > Hirschbühlweg 20 > CH-7000 Chur > <https://www.facebook.com/artpublicchur> > <https://www.instagram.com/artpublic_chur/> > <http://www.begegnungen-2019.ch/>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
