http://www.freeacheh.info/
Tgk Hasan di Tiro Cs, 1976, di Gunong Atjèh
Kamoë Atjèh hana meudjak mita-mita paké deungon bansa Djawa meunjoë awaknjan
djiduëk di Nanggroë droëdjih; meunjo awaknjan hana djidjak djadjah kamoë dan
djidjak meulagak lagèë Tuan dalam nanggroë dan rumoh kamoë! Foto: ASNA
Bansa Djawa njan na saboh bansa aséng keu kamoë bansa Atjèh
Kamoë hana hubôngan seudjarah, hana hubôngan politék, hana hubôngan budaja,
hana hubôngan èkonomi, dan hana hubungan bumoë deungon awak njan. Watèë hasé
peunaklôkkan dan peundjadjahan Beulanda teutap djipeulahra bandum, dan lheuëh
njan djibri lagèë pusaka keu bansa Djawa - lagèë meunankeuh njang ka djipeulaku
- maka akibatdjih handjeuëthan akan teudong peundjadjahan Djawa bak teumpat
djidong peundjadjahan Beulanda, teutapi peundjadjahan njan, bôh ulèh bansa
Beulanda Èrupa njang meukilét putéh atawa ulèh bansa Asia Djawa njang meukilét
mirah, hana mungkén geuteurimong ulèh bansa Atjèh.
Sipa-i asèë teungoh djidrôh bgs Atjèh
Dalam masa 30 Thôn njang akhé njoë, ka meukalon ulèh kamoë bansa Atjèh,
pakriban tanoh pusaka éndatu kamoë ka djirampok, djipeurusak dan djipeureuloh
uléh sipeundjadjah Djawa. harta pusaka bansa kamoë ka djih tjuë; buët hareukat
bansa kamoë ka djih peureuloh; peundidéhkan aneuk kamoë ka djih peusisat;
ureuëng-ureuëng bakoë kamoë ka djih lét nibak nanggroë; bansa kamoë ka dji-ikat
deungon ranté keuzaléman, djipeugasiën dan hana djipadôli: hudép bansa kamoë ka
rhôt rata-rata 34 thôn; pakriban njoë meunjoë tabandéng deungon ukôran dônja
njang 80 thôn!
"Meunjoë peundjadjahan Beulanda hana beutôi dan salah, maka peundjadjahan Djawa
njang trang-trang djipeudong ateuëh neuduëk peundjadjahan Beulanda njan pih
salah tjit. Dalam hukôm Internasional ka geukheun: ex injuria jus non oritur.
Hana keu'adélan meu-asai nibak keudjahatan, hana buëtbeuna djeuët meudong
ateuëh buët salah!" Bahthatpih meunan, bansa Djawa njan mantong tjit
tjuba-tjuba peudong peundjadjahan djih ateuëh kamoë Atjèh, Sumatra, pada hai
bandum nanggroë peundjadjah Èrupa - lagèë Beulanda, Peurantjéh, Inggréh,
Spanjol, dan Portugéh -ka han ék lé keumah peubuët buët njan dalam abat njoë.
Teukutép nibak surat peunjata Atjèh Meurdéhka njang geutèkèn lé Tgk Hasan
Muhammad di Tiro
dan KON nibak surat Peunjata Atjèh Otonomi njang djitèkèn lé awak laén!
"SURAT TUPE yang muncul di tubuh GAM saat ini BUKANLAH PEUNUTOIH WAIi, tetapi
Surat Tupe yang ditandatangani (atau tidak) oleh Malek Mahmud"
---------------------------------
Access over 1 million songs - Yahoo! Music Unlimited.
