PILKADA NJAN PEASAN DJAWA
Assalamualaikum.
Ukeu mandum Bansa Atjeh.
Njan hai teungku mandum
Njang teungoh gabuek ngon Pilkada
Pilkada njan peasan djawa
Peasan pubinasa ngon peuhina bansa
Peasan peudejut droe keu bue djawa
Njang tjalon droe keu waki djawa
Sok badjei jum lhei peut djuta
Njak takheun gagah di teungku apa
Njak saban gagah lagei radja djawa
Djeh rakjat lam nanggroe
Bek an djisok badjei njang jum siribei reupia
Meubu tjot uroe hana mupat mita
Pue na djipike atra njan lek waki djawa njan?
Wahai Bansa Atjeh mandum. Uroe njoe ka takalon lek geutanjoe mandum, djeh
golongan njang teungoh gabuek ngon Pilkada get that djiharap droe djih djeut
keu waki djawa di Nanggroe Atjeh. Njan ban meutumei pangkat djeut keu waki
djawa di Atjeh, njan djipeukaja ladju droe djih ngon kroni djih. Maruah Bansa
Atjeh hana le djikira. Meunjoe tameutjeukot baih pumardeka nanggroe tjit ka
hana le djipakoe. Ladom njang lawet njoe peugah droe panglima GAM, peumimpen
Gam, ureung kha lam GAM, kabeh djeut keu lamiet djawa. Kadjak seumah djawa njak
meutume pangkat, meutumei beulandja saboh taih sapo, meutumei padjoh mangat,
meutumei djak meuen-meuen lam kapai teureubang, meutumei djak duek lam saboh
kanto ngon tuan djih djawa njan.
Pue sabab djitem djak peuhina droe djih djidjak seumah ngon djidjak seutot
djawa? Sabab kadjeut djiboh keunira ladju, meunjoe djih teupileh djeut keu waki
djawa di Nanggroe Atjeh, njan pue njang djikeuneuk meuheut troh tjita-tjita
djih. Njan siat-at meutume ek kapai teureubang keudeh djak seumah tuan djih u
pulau djawa. Meutumei duek lam kanto raja, meutumei tinggai lam reumoh geudong,
meutumei peukaja aneuk tjutjoe djih dum. Matjam-matjam peukara lazat djitumei
rasa lam hudep djih.
Jum njawong Bansa Atjeh njang ka sjahid lam prang, hina that ka bak lamiet
djawa njan dum. Hana le djiingat ngon djikira njawong Bansa Atjeh njang ka
sjahid njan dum. Pue njang djeut djipeugala lek mandum peungkhianat Bansa Atjeh
njan, djipeugala ladju. Djipubloe ladju maruah Bansa Atjeh, djipeuhina ladju
Bansa Atjeh. Kadjimeurakan ladju ngon djawa laklem njan. Kadjidjak seumah djawa
laklem njan seubagoe tuan djih.
Njan djinoe teungoh takalon pakriban gabuek di lamiet njan dum djak meukat ie
saka bak babah djih. Djak rata sagoe gampong di Atjeh djak peungeut Bansa Atjeh
jue pileh droe keu waki djawa laklem di Atjeh. Njan di lamiet djawa njan djak
meuseunang-seunang ek moto lam Nanggroe Atjeh djak kompanje. Ek moto
mangat-mangat. Pijoh rata badjak bu padjoh peulandjoh mangat-mangat. Padjoh
Sate Matang, djep ie boh wartel teuboh susu, padjoh boh pukat teutjhok, djep
boh manok siteungoh matang, djak djep kupi bak reustoran meuhai rame-rame. Keu
nasib Bansa Atjeh meurhieh-rhieh lam nanggroe hana djipakoe meubatjut pih.
Njan banlheuh teupileh lamiet djawa njan djeut keu waki djawa di Atjeh, njan
Bansa Atjeh djikalon ngon siblah mata djih. Di lamiet njan djimeurakan keudeh
sare-sare kaja ngon sare na pangkat djih ngon djawa laklem. Di Bansa Atjeh lam
nanggroe meuie mata bak kalon waki djawa njan mandum hudep bak meurampok atra
rakjat lam nanggroe. Nasib Bansa Atjeh lam nanggroe hana meuubah-ubah,
meulengleng ie mata sabe. Njang djak tarek betjak njan sampoe oh tuha tarek
betjak hana meuglah keubu pih. Njang djak tarek pukat, njan meusiluweu hana
meugantoe. Njang djak u blang, njan tjeumeukam ukei-ukei bak djak mu’uei lam
leuhop. Aneuk miet meu sikula SD han ek geupeutamat geukira beulandja. Djeh
hana ngon bloe badje, hana ngon bloe buku, hana ngon bloe taih. Nasib hudep
rakjat lam nanggroe hana meutamah get dari siuroe keu siuroe.
Njang djeut keu waki-waki djawa di Atjeh, kameuteuntei ek moto mangat-mangat,
tinggai lam reumoh geudong, peulandjoh lazat ngon nikmat, pakaian
meudjuta-djuta, sipatu meukilat-kilat, binoe gabuek bak aresan, aneuk mandum
djitumei djak sikula manjang-manjang sampoe u lua nanggroe. Djak peumeuaen
aneuk miet djak padjoh mangat-mangat keudeh bak “café” njoe bak “café” djeh.
Hai Bansa Atjeh njang mantong na hate untok seumike keu Bansa droe teuh.
Geutanjoe bek rhoh lam kaom laklem njan njang teungoh gabuek ngon Pilkada njan.
Geutanjoe wadjep tapeudjioh droe teuh dari kumpolan laklem njan. Njan kaom
laklem njang teungoh gabuek ngon Pilkada njan, ibarat asei teungoh
djimeukap-kap ddjimeureubot tuleung njang teungoh djitiek lek asei djawa. Maka
djih hana hireun teuh takalon asei njang djimeukap-kap djimupake bak
djimeuseunoh-seunoh keu tuleung.
Geutanjoe Bansa Atjeh njang mantong na hate untok tapike keu nasib Bansa
Atjeh man saboh nanggroe. Bek tadjak meusukaria tadjak sok badjei njang meujum
lhei peut djuta. Hudap geutanjoe wadjeb seudeurhana. Tasok badjei asai kateutop
aurat teuh lagei geupeurintah lek Allah Taala. Tatjok peng leubeh njan meunjoe
na, tabantu sjeudara teuh di nanggroe njang mantong meurhieh-rhieh hana meuho
meukeubu beungoh pih.
Geutanjoe Bansa Atjeh njang mantong tadjaga maruah Nanggroe ngon maruah Bansa
Atjeh, bek tadjak publoe ngon tapeugala Nanggroe Atjeh meutuah njan keu kaphe
djawa laklem njan. Beusabe taingat lek geutanjoe pakriban laklem kaphe djawa
djipoh ngon djielanja bansa geutanjoe. Nanggroe Atjeh meutuah njan pusaka
endatu teuh njang kageuwasiet bak geutanjoe. Pue pasai tadjak publoe ngon
tadjak peugala keu kaphe djawa laklem njan.
Njang teungoh gabuek lam Pilkaada djak peudjeut droe keu waki djawa di Atjeh
bah djipeulaku ladju pue njang galak djih. Digeutanjoe bek teupeungaroh deungon
“ie saka” atawa propaganda lamiet njan dum. Njan lamiet njan teumasok musoh
geutanjoe sjit Bansa Atjeh, sabab di lamiet njan kadjidjak meurakan ngon kaphe
djawa laklem djidjakseurah droe djih ngon nanggroe geutanjoe di mijub kuasa
kaphe djawa laklem njan. Geutanjoe bek roh lam kawan lamiet njan njang teungoh
peugala Nanggroe Atjeh keu kaphe djawa laklem njan. Njang tjalon droe keu
gubernur ngon waki gubernur djawa di Atjeh njan mandum mumakna djih njan mandum
nakeuh lamiet djawa njang teungoh pungo keu pangkat dan djitem peugala maaruah
Bansa Atjeh ngon jum njang tjukop that hina.
Peutroh mandum bak tjeudara geutanjoe supaja bek djak peurhoh droe lam peasan
djawa Pilkada njan. Peudjioh droe dari peasan njang, sabab peasan djawa Pilkada
njan nakeuh peasan njang hina Bansa Atjeh njang kabeh sjahid lam peurdjuangan
bak geuprang kaphe djawa laklem.
Njoe keuh peusan ulon tuan keu mandum sjeudara Bansa Atjeh njang hana mabok
ngon donja bak djak peugadei maruah Bansa Atjeh. Tjita-tjita geutanjoe taprang
kaphe djawa laklem njan untok tapumardeka Nanggroe Atjeh dari kuasa peundjadjah
kaphe djawa laklem njan bek sagai tatinggai. Kaphe djawa njan wadjeb taprang
dan tasamak dari bumoe Atjeh meutuah. Njan keuh peusan endatu geutanjoe njang
sabe geujue prang sibarang kaom kaom peundjadjah njang laklem njang djiteuka u
nanggroe geutanjoe untok djidjak kuasa dan djidjak pimpeem geutanjoe meungikot
keuheundak kaphe peundjadjah laklem njan.
Beutaingat sabe lek geutanjoe mandum Bansa Atjeh. Bahwasadjih njan Pilkada
njan nakeuh peasan djawa untuk djipeukeukai droe djih djikuasa nanggroe
geutanjoe Atjeh meutuah. Meunjoe geutanjoe Bansa Atjeh tadjak peuhina droe teuh
tadjak seurah droe teuh djipimpen lek kaphe djawa laklem njan atawa waki-waki
djawa djih lagei njang teungoh djipeulaku lam Pilkada njan, maka siumu donja
Bansa Atjeh meutuah akan hina dan hudep meurhieh-rhieh donja akherat.
Njan lamiet njan mandum njang teungoh tjalon droe lam Pilkada njan, bek an
djikeuneuk pimpem Bansa ngon Nanggroe Atjeh, meu droe keudroe ngon keuluarga
droe djih han ek djipimpen. Bek an djikeuneuk djak bangun Bansa ngon Nanggroe
Atjeh, droe keudroe djih di lamiet njan han ek djibangun. Njan udep lamiet njan
mandum lawet njoe gadoh djak deumahoh bak kaphe djawa laknat. Hudep lamiet njan
lawet njoe djak geumadei bak djawa laklem njan pue njang kalheuh djirampok lek
djawa laklem njan dari Nanggroe Atjeh. Meunjoe hana beutoi njang lon tuan
peugah njoe, tji jue beuot djaroe dari kumpulan lamiet njang teungoh tjalon
droe keu waki djawa di Atjeh lam Pilkada njan. Tji jue peutunjok pue buet djih
lawet njoe? Tji jue peugah pue njang kalheuh djibangun keu Bansa ngon Nanggroe
Atjeh lawet njoe? Tji jue peugah bak Bansa Atjeh ube na raja reumoh geudong
njang kadjiduek lawet njoe lek lamiet njan dum? Pat djimita peng djipeugot
rumoh geudong ngon djiek moto lagak njan lawet njoe?
Khusus keu si Irwandi Yusuf, Muhammad Nazar, lon tuan peugah bak awak njoe
dua bahawa Bansa Atjeh geudjak muprang ngon kaphe djawa laklem lawet njoe kon
akhe djih djak koh beude ngon djak meureubot pangkat di mijub kuasa kaphe djawa
laklem njan. Meunjoe njan tudjuan akhe, Asy-Syahid Tgk. Abdullah Syafie, Tgk.
Ilyas Leubei, Tgk. Ishak Daud, Tgk. Dr. Zubir Mahmud, Tgk. Rahman Paloh, dan
meuribei Bansa Atjeh laen dum njang hana geudjak seurah njawong geuh lam
peurdjuangan sutji njoe.
Bak njang laen-laen hana peureule lon tuan peugah sapue. Lagei si Hasbi
Abdullah hana sapue pih lawet njoe djipeulaku. Malah djih keudroe keudeh u
pulau djawa sabe djak meuen-meuen. Malah djinoe teungoh djak meurunoe tjok S3
lom keudeh bak tuan djih di pulau djawa. Lagei si Ahmad (baca mamat) Human
Hamid njan tjit hana pue tadjak peugah le. Djih lawet njoe tjhit sapai djaroe
Ibrahim Hasan kleng tokang undang seudadu Kopassus djawa untok poh Bansa Atjeh.
Si Mamat njan hana sapue pih peukara njang djroh djipeulaku lawet njoe keu
Nanggroe ngon Bansa Atjeh. Njang laen-laen dum sjhit kanjata takalon, njan
mandum tjih djeut keu lamiet djawa djameun kon, pike keu pangkat ngon hareuta
keudroe dan meuudep ateuh peudeuritaan, darah ngon njawong Bansa Atjeh.
Insja Allah taikot djeudjak para sjuhada Atjeh njang ka sjahid untuk teutap
sabe taprang kaphe djawa lam bumoe Atjeh. Bek djak peuligan droe ngon peasan
djawa Pilkada njan. Bah keudeh njang galak djeut keu lamiet djawa njan njang
djak peuroh droe lam peasan djawa Pilkada njan.
Insja Allah deungon tapeudjuang Atjeh beumardeka dari peundjadjahan kaphe
djawa laklem njan, mandum Bansa Atjeh njang na lam bumoe Atjeh beugeteumei rasa
mandum nekmat keumeurdekaan njan. Kon untok djak peukaja saboh-saboh golongan
mantong. Ureung lam gampong klek-klok pih beugeuteumei rasa nekmat lagei Bansa
Atjeh njang tinggai lam banda-banda. Beugeot djalan bak geudjak, beuna moto
umum paleng kureung pue geuek, beuna lestrek ngon peutrang gampong, beuna ie
njang gleh untuk geupeuguna siuroe-uroe, aneuk miet beumeusaneut djidjak
sikula, beuna mata peuntjarian geudjak mita siuroe-uroe, beuna teumpat geudjak
meuubat watei saket, beuna teumpat tinggai njang meusaneut dan seusuai ngon
adjaran agama. Insja Allah.
Njan lamiet njan njang teungoh peugabuek droe lam peasan Pilkada djawa njan
hana djipike keu Bansa Atjeh lagei njan. Djipike pakriban djipeuseunang droe
djih ngon keuluarga droe djih mantong.
Djadi djinoe Bansa Atjeh mandum bek le sampoe djipubangai djipeungeut lek
kaphe djawa laklem njan ngon dadjeu-dadjeu atawa lamiet djawa njang djak
meuudep ateuh peundeuritaan, darah, ngon njawong Bansa Atjeh untuk keuseunangan
ngon pangkat pribadi droe djih kaphe djawa laklem njan ngon lamiet-lamiet djih.
Njan takalon di kaom kaphe djawa laklem njan ngon lamiet djih mandum hudep
meuseunang-seunang ateuh peudeuritaan Bansa Atjeh. Hana djipakoe mubatjut pih
keuseungsaraan Bansa Atjeh mansaboh nanggroe Atjeh. Kaphe djawa laklem njan
ngon lamiet-lamiet djih, gadoh djimeusukaria djipadjoh gadji raja-raja ngon
djimeuhudep seunang sare keudroe-droe djih.
Meunan sjit mandum pihak atawa peurusahaan njang djak kuet keukajaan Nanggroe
Atjeh kadjeut talet keudeh mandum. Meunjoe pihak atawa peurusahaan njan hana
djime keuuntongan keu Nanggroe ngon Bansa Atjeh. Abeh dum djidjak tjah uteun
Nanggroe Atjeh, abeh dum djidjak kuet minjeuk ngon gah Nanggroe Atjeh, abeh dum
djidjak kuet matjam hase laen di Nanggroe Atjeh. Meunjoe dari hase njan hana
meuuntong keu Nanggroe ngon Bansa Atjeh, njan pihak ngon peurusahaan njan dum
kadjeut tapitjrok keudeh dari bumoe Atjeh. Hase njan mandum beudeuh keu mandum
masjarakat lam nanggroe. Bek djidjak kuet gah di nanggroe geutanjoe, di rakjat
Atjeh maguen ngon tukok. Beudeuh hase Atjeh njan dalam beuntok djalan, ie njang
gleh keu masjarakat, sikula ngon biasiswa untuk aneuk-aneuk miet djak sikula
lam nanggroe ngon di lua nanggroe, rumoh saket keu masjarakat lam kuta ngon lam
gampong beusare, dan mandum peukara njang meunjangkot deungon keubutohan
masjarakat Atjeh si uroe-uroe. Meunjoe hana hase
deuh lagei njan, njan mandum pihak njang djak kuet keukajaan Nanggroe kadjeut
tapitjrok mandum ateuh bumoe Atjeh.
Njang peugah droe tjarong-tjarong di Unsyiah, di Unimal, di IAIN dan mandum
peuguruan tinggi di Nanggroe Atjeh, bek gadoh djak seumah kaphe djawa keudeh u
pulau djawa. Djawa dadjeu njan hana leubeh tjarong dari geutanjoe Bansa Atjeh.
Njan djawa laklem njan djeut djidjak sikula manjang sabab djidjak meurampok u
nanggroe geutanjoe. Ladom asai ka meungon ngon kaphe djawa laklem njan, didjih
pih kaleubeh dadjeu dari kaphe djawa njan.
Oh noe dilei dan wassalam.
TJALON LAM PILKADA NJAN MANDUM NAKEUH WAKI DJAWA UNTUK TEUTAP DJIDJADJAH
NANGGROE NGON BANSA ATJEH. NAN DJIH PIH “PILKADA” ATAWA “PEMILIHAN KEUPALA
DAERAH”. NJAN MUMAKNA NANGGROE ATJEH NA DI MIJUB KUASA KAPHE PEUNDJADJAH DJAWA
DAN DJIANGGAP NANGGROE ATJEH BAHAGIAN DARI NANGGROE KAPHE DJAWA LAKLEM NJAN.
PUE PASAI DAN PADJAN GEUTANJOE BANSA ATJEH TADJAK SEURAH NANGGROE TEUH KEU
KAPHE DJAWA LAKLEM NJAN?
---------------------------------
Sekarang dengan penyimpanan 1GB
http://id.mail.yahoo.com/
