"UUPA njan, hana leubèh djroh daripada UU NAD thôn 2001, dan UU
Daerah Istimewa Atjèh dilèë. Self-government njang dipeugah lé awaknjan lagèë
peumeurintah di Hongkong atawa Bougenville nakeuh angèn sjuruga njang ka
dipeuteungeut ureuëng Atjèh dalam lumpoë"
"UUPA njan, hana leubèh djroh daripada UU NAD thon 2001, dan UU Daerah
Istimewa Atjèh dilèë. Self-government njang dipeugah lé awaknjan lagèë
peumerintah di Hongkong atawa Bougenville nakeuh angèn sjuruga njang ka
dipeuteungeut ureuëng Atjèh dalam leumpoë !"
---------------------------------
Free Acheh News Network(FANN)
Online
*Indonesia has no right to govern Aceh! The notion of Indonesia is absurd! The
Javanese "barbaric and uncivilized." "No message. They're all the same.
Uneducated fools."
Tgk Hasan di Tiro Peundjeulasan Teuntang
Partai Lokal di Atjèh
Eddy. L. Suheri
Video bak You Tobe (part-1
Video bak You Tobe (part-2 )
"Tugaih dan keuwadjiban parte lokal. Njang keuphon, meu-amai deungon Pancasila
dan Undang-Undang Dasar Negara kolonial; keudua, patôh bak atôran hukôm2 laén,
lagèë peuraturan peumeurintah atawa keuputôsan presiden; dan keulhèë, peukong
Negara Kesatuan Republik Indonesia. Njoëkeuh keuwadjiban pokok anggèëta2 parté
lokal euntreuk watèë ka teupiléh. Peukara njang meusangkôt ngon Atjèh, njan
djeuët keu lumbôi dua"
Bismillahirrahmanir rahim. Assalamualaikum Wr. Wb
Alhamdulillahir Rabbil Alamin. Washshalatu wassalamula ala asyrafil ambiya I
wal mursalin, wa ala alihi wa sahbihi ajmain.
Amma badu. Pudjoë ngon sjukô keu Po-teuh Allah njang mantong geubri mata
uroe, angen dan meuribee rahmat ukeu ummat manusia bansigom donja, dan njang
mantong geubri udep ngon seumangat ukeu bansa Atjeh bak geupeudjuang tjita2
endatu.Seulaweut ngon saleum ukeu junjongan alam, Nabi geutanjoe Muhammad S.A.W
Bansa Atjeh njang kamoe peumulia.
Lagèë njang ka saban-saban geutanjoë pham, bahwa peurdjuangan Atjeh Merdehka
dan nanggroe seunambong mantong meugrak.Kamoe njang meudong dalam baresan
Komite Peukeumah Atjeh Merdehka Demokratik, got pih di dalam atawa di lua
nanggroe, teungoh ta peusiap agenda dan ta suson rantjana untuk ta peugrak
keulai peurdjuangan mulia njoe sampoe seuleusoe. Uleh saweub buet ukeu mantong
panjang, maka geutanjoe peureulee beuteugoh that bak ta peudjak buet; peureule
beurajeuk saba; beu tateupeu peu njang teungoh djipeubuet uléh musoh geutanjoe
dan beu ta-pham muslihat awaknjan seureuta peureulee ta peusiap langkah
geutanjoe ukeuë, bak ta hadap peukateuën musôh.
Buet peurdjuangan njoe hana ubah djih lagèë ureuëng meu-en tjato: tiep2 ta
grak langkah pajah ta pike peuët boh langkah ukeu. Meunjo kon meunan,
peurdjuangan njoe akan meu-ulang lage njang ka-ka, akibat dari awai peubuet
dudoe pike.
Bansa Atjeh njang kamoe gaseh!
Djinoë siat, peukara parté lokal di nanggroë teungoh su-uëm that. Le that ka
ta kalon haba2 peukara parté lokal njang djituléh bak koran2 Atjéh dan
Indonesia. Dan ukeuë akan le lom kegiatan2 njang meuhubông deungon hai njoë,
teumasôk kampanje djak peungeut rakjat.
Dalam peukaranjan, kamoe dari Komite, pih le that meu-teurimong sueue2 dari
nanggroe teuntang parte lokal. Alhamdulillah, bak keuseumpatan njang djroh
njoë, kamoë keuneuk marit langsông deungon bansa di nanggroë untôk kamoe
peutrang peukara parte lokalnjan sidjeulaih mungkén. Supaja sjedara2 kamoe di
nanggroe beukeumah geu-pham, peu sibeutoijih parte lokalnjan, pakiban hukom
njang ato atranjan, peu harapan njang djibri, dan peu njang na meu untong bagi
geutanjoe bansa Atjeh?
Jôh gohlom geutanjoë bahaih peukara Parté Lokal, peureulèë kamoë ulang batjut
peuë njang kamoë peugah njang ka ulikôt, bahwa peu mantong hase dari saboh
peurdjanjian njang hana beutoi (MoU Helsinki) akan meu-udjong bak
peukara-peukara laen njang hana beutoi tjit, lagee UUPA njang ka diputa-putie
uleh peundjajah, dan meunan tjit deungon hukom atawa aturan parte lokal njang
awaknjan reuka.
Dalam deklarasi Atjeh Merdehka, njang mulia Wali nanggroe, DR. Teungku Hasan
Muhammad di Tiro, ka geukheun: Ex injuria jus non oritur. Right cannot
originate from wrong! (Njang maknajih: Buet njang beutoi handjeut meu asai dari
buet njang salah). Meunjo kheun geutanjoë: Ube ok irang ube blang irôt, sineuk
patah aneuk djang, saboh kawan djiteubiët eungkôt. Peue lom MoU Helsinki njan
tjit saboh keusalahan rajeuk that, djadi ka teuntèë mantong akibat dari
buëtnjan handjeuëthan meupaloë that.
Dalam buku Manifesto Politik njang kamoe peutubiet sithon u likot, sinan
meutuleh UUPA njan, hana leubeh djroh daripada UU NAD thon 2001, dan UU Daerah
Istimewa Atjeh dilee. Self-government njang dipeugah le awaknjan lagee
peumerintah di Hongkong atawa Bougenville nakeuh angen sjuruga njang ka
dipeuteungeut ureung Atjeh dalam leumpoe. Bak hakikatjih, UUPA njan hana
seubandeng deungon undang-undang atawa system otonomi njang diteurimong uleh
Bansa Moro, njang na hak untuk ato nanggroe, dan peumeurintahjih leubeh luah di
Mindanao. Njoë gohlom tapeu- bandéng deungon sistem parte lokal njang na di
nanggroe madju, atawa di teumpat2 laen njang na djipeudjak keuadélan.
Lagèë ka geutanjoë teupeuë, bahwa tudjuan nibak parte lokal njan seubotoijih
untuk jak pileh anggota DPRD I ngon tingkat II, djak usui tjalon Gubernur,
bupati atawa walikuta. Njan hana meubida, dari hak DPRD joh goh lahe UUPA.
Seudangkan njang tjok peunutoh mandum nakeuh Jakarta, njang dalam hai njoe
peunjong dikheun parte nasional, lagèë PAN, GOLKAR, P3 leubeh rajeuk kuasa,
saweub awaknjan na waki droëdjih di Jakarta. Djadi keunelheuëh, di parte lokal
njan pajah keuridja sama ngon parte nasional watee awaknjan peurele peusampoe
usulandjih dan peugot peungarôh politék di tingkat Pusat. Djadi peuë tjit makna
parté lokal di Atjèh?
Njang keudua, anggèëta2 dewan dari parté lokal, meunurôt UUPA hana wewenang
sapeuë keutjuali na hak untôk teumanjong (interplasi) , hak untôk bri peundapat
(konsultasi) dan na hak untôk usôi dalam saboh2 peukara. Awaknjan hana hak
untôk peugot saboh undang2 untôk Atjèh, tjuma nan mantong anggèëta legislatif/
tapi hana djibri hak legal meubatjut.
Njang keulhèë, parté lokal njan kon saboh hai barô keu Indon. Dalam pemilu
thôn 1955 ka na meuplôh-plôh parté lokal di Indonesia, njang fungsi djih leubèh
kureuëng saban tjit lagèë parté2 lokal njang na dan akan lahé di Atjèh. Djadi
peuë tjit njang ka gabuëk that? Njang na tjit habéh teunaga, gadoh akai dan
meupaké saré keudroë-droë, bak meuseunoh peungarôh rakjat.
Dalam padum2 boh pasai lam UU Pemeurintah Kolonial di Atjeh (UUPA), ka
meuseubôt, antara laen: Asas parte politik lokal handjeut meuteuntang deungan
Pancasila dan Undang-Undang Dasar RI. Artidjih, hana meusaboh parte lokal njang
keumah bôh narit referendum, peu lom djak meutjeukot peukara meurdehka
dalam program awaknjan.
Lheuhnjan peureulee ta teupeue tjit tugaih dan keuwadjiban parte lokal. Njang
keuphon, meu-amai deungon Pancasila dan Undang-Undang Dasar Negara kolonial;
keudua, patôh bak atôran hukôm2 laén, lagèë peuraturan peumeurintah atawa
keuputôsan presiden; dan keulhèë, peukong Negara Kesatuan Republik Indonesia.
Njoëkeuh keuwadjiban pokok anggèëta2 parté lokal euntreuk watèë ka teupiléh.
Peukara njang meusangkôt ngon Atjèh, njan djeuët keu lumbôi dua. Njoë pajah
pham beugot that!
Di sampeng nibaknjan, hak eksekutif ngon legislative Atjeh njang teuseubot
bak Pasai 8 UUPA, meutuleh bahwa Peumerintah Kolonial na hak untuk peudjak buet
karap dalam bandum peukara dan urusan masjarakat, teumasok dalam suai agama.
Djadi peu njang dipeugah ta peurintah-keudroe (self government), hana saboh
gareh njang teugaih di sinan, dan deuh meudjampu lawok deungon kuasa Jakarta.
Meunantjit na peukara2 njang djeuët djipeuputoh uleh Jakarta keudroe, séb dji
konsultasi deungon Peumerintah Atjeh mantong. Pada hai arti konsultasi njan
le that matjam, njang djeut ta boh maknadjih meubagoe. Dan njang leubeh paloe
lom, arti konsultasinjoe djipeuteuntei uleh Peuraturan Presiden (PP).
Djinoë, watèë ka tapham peuë makna parté lokalnjan, peu djeut ta peugot le
geutanjoe njang mantong seutia keu perdjuangan Atjeh Merdehka?
Bagi geutanjoe, peumilu lokal thon 2009 saban tjit deungon harapan2 njang ka
ta deungo dalam pemilihan di Atjeh thon u likot, bak watee djipileh gubernur,
bupati dan walikuta seureuta waki2 njan bandum. Njang di sinan, njang na
meugantoe tjuma ureung2jih mantong, seudangkan sistem djih teutap saban dan
hana meubida. Uléh sabab njan, kamoë lakèë bak bandum bansa kamoë di nanggroë
supaja bèk djak peurôh droë / bak buët njang hana meupeuë-sapeuë njan. Njang
peureulèë geutanjoë piké djinoë nakeuh pakiban tjara tapeusaboh droë-teuh untôk
tapeukeumaih saboh keukuatan untôk tapeupisah droë teuh deungon Kolonial
Indonesia, jôhgoh lom bumoë Atjéhnjan djiplah, dan djibagi-bagi dalam padum2
boh propinsi uléh RI dan antèk2djih di Atjèh. Meukon meunan, masa ukeuë aneuk
tjutjo geutanjoë akan djirasa akibat dari buët dan tindakan geutanjoë uroë
njoë.
Wabillahit taufiq wal hidajah wassalamualaikum warahmatullah wabarakatuh
Assalamualikum Warahmatullahi wabarakatuh,
=========================
Kumite Peukeumah Atjèh Meurdéhka Demokratik (Komite Persiapan Aceh Merdeka
Demokratik/Preparatory Committee of the Free Acheh Democratic) E-mail: [EMAIL
PROTECTED] .info www.freeacheh. info
---------------------------------
Deungo peuë (puë) Tgk Hasan di Tiro peugah:
01
Peuë peunjakét bansa atjèh 02
Dalam peukara peuë njang musti tamaté 03
Awak njang paléng bahaja di Nanggroe Atjèh 04
Mandum awaknjan geupeunan Pengkhianat (Lhoh) 05
Sjahid Tgk Idris Ahmad - Hikajat Seuamangat Iman 06
Ba Algojo2 Jawa (RI) u Mahkamah International 07
Urg Atjèh le njang ka gadoh karakterdjih ! 08
Pakon hana soe peugot AM jôhgohlom lôn peugot ! 09
Pham beugot seudjarah Atjèh 10
Njang paléng rugoë keu geutanjoë atjèh 11
Ulôn 1000 go leubèh got maté nibak didjadjah lé RI 12
Bèk kadjak deungo haba djawa !
---------------------------------
"Tugaih dan keuwadjiban parte lokal. Njang keuphon, meu-amai deungon
Pancasila dan Undang-Undang Dasar Negara kolonial; keudua, patôh bak atôran
hukôm2 laén, lagèë peuraturan peumeurintah atawa keuputôsan presiden; dan
keulhèë, peukong Negara Kesatuan Republik Indonesia. Njoëkeuh keuwadjiban pokok
anggèëta2 parté lokal euntreuk watèë ka teupiléh. Peukara njang meusangkôt ngon
Atjèh, njan djeuët keu lumbôi dua
---------------------------------
Be a better friend, newshound, and know-it-all with Yahoo! Mobile. Try it now.
