Meu kru seumangat rakan meutuah
Bacut loen pugah keu gam mandiri
Keu pereute gam jeut ta kheun jeulah
Nan ka di ubah dari yang asli
Di ubah lambang bendera mirah
Tan na le leumah buleun yang suci
Bintang bak teungoeh pih ka di pinah
Nan ka di ubah keugam mandiri
Meunan beurahim yang kaji pugah
Atret si langkah bek tagloeng gaki
Asai ngoen jawa kongsi bek bicah
Han jeut meu bantah dengoen si pai
Jinou awak gam ka salah ka prah
Ka lupah pugah goh otonomi
Ka tamat keu drou aceh meutuah
Tanyou ka bebas dari si pai
Peu meuheut pugoet tanyou ka bebaih
Tan payah pugah keudeh u jawi
Nyan haba jameun loen ulang kisah
Watei goh lupah teken helsinki
Oh otonomi u aceh ka sah
Bandum di ubah peu ka lheuh janji
Bak bagi hase minyeuk deungoun gah
Lee that meu ubah dan lee komisi
Tae tiep urou tentra di tamah
Gle le kaj i cah keu transmigrasi
Bandum awak gam nyan han jeut bantah
Pangkat di rupah gaji han ji bri
Si krak ku panji nyan han di tem sah
Payah meungalah gam ngoen si pai
Dep nan di tipei rakan meu tuah
Gam teuhah babah payah kap bibi
Peu lom gam jinou le that ka bicah
Sebab hana pah cara meu bagi
Yang raya musu le that di tamah
Yang seungap lumpah sapeu tan ji bri
Sabe keu drou meu rupah rupah
Di tiek peng bicah uleh si pai
Jawa proek jarou seunang meu lumpah
Gam le ka rubah na bukah gusi
Le that awak gam jinou ka susah
Le payah kubah moto yang tari
Bah that pih dijak sabe lam was was
Na yang tueng balah hana di turi
Peu lom laweut nyou rakyat ka marah
Ka jitueng balah oh sep di saba
Ji poh awak gam sampe meu darah
Lheuh nyan di kubah lam apui raya
Di aceh teungoh lagei nyan mugah
Limoeng drou rubah gam ka binasa
Oh lheuh di tek tek di cacah cacah
Tanda nyan kasah rakyat tueng bila
U aceh laen pajan keuh leumah
Rakan meu tuah bedoeh tueng bela
Nyan peureute gam han jeut ta kubah
Biek haram jadah biek publou bangsacsa
---------------------------------
Never miss a thing. Make Yahoo your homepage.
