Assalamu'alaikum wr wb:
Wahe bangsa lon Atjèh that sayang
pakon bangsa lon ka gadoh nama
Taging bangsa gob hudep mulia
Djinoë bangsa lon pakon lam papa
Masa dilèë kon bangsa lon tjeudah
Masa peurintah Iskandar Muda
Yoh masa dilèë rakan meutuah
Bangsa lon meugah seuluroh donya
Pahlawan pih lee njang gagah gagah
Lom meutamah alèm ulama
Nanggroë pih makmu dumpuë pih mudah
Teuka ziarah seuluroh bangsa
Radja lam nanggroë ade meuleumpah
so soë njang salah geuhukom sigra
Hana geupileh tinggi ngon reundah
Meunjo njang salah geuhukom sigra
Pakon djeuët djinoë wahe bangsa lon
Hana teumuron pusaka lama
Pusaka djameun abeh meu ron-ron
Kuta ngon duson adat han lena
Watèë Izrail geutarek djawong
Agam ngon Inong meuteumèë rasa
Makluk Allah asai meudjawong
Han djeuët han keunong ôh trök bak masa
Leupah that saket geutarek djawong
Han puë ta tanjong wahe saudara
Dak meuseuë kamèng geupluëk yoh hudep
Leubeh lom saket djawong geuhila
Beu that di donya gata that tjarong
ôh geutjok djawong han djeuët tabela
Badan ka teu eh lipeh ban bak ngom
Leupoh ngon umong kagop po djeumba
Dum na saudara teuka djak kundjong
Wali ngon karong dan wareh lingka
Alet ië mata sampoh ië hidong
Tanda beurkabong berduka tjita
Didalam babah ulat meu keupong
Didalam hidong limpeuën ngon kala
Dibinèh uruëk djawong dji ranggong
Allah hai untong tuboh tjeulaka
Sadarlah diri ingat keu untong
Yoh goh geu usong dalam keu reunda
Tinggai seumua harta meugeudong
Gata geu usong lam uruëk geuba
Èt noë keuh dilèë haba dari lon
djan njona watèë ka djeuët tasambong
Lon lakèë meu'ah dosa bak kawom
kadang tjit naroh lon kheu keugata
Minal Aidin Walfaizin, Mohon meu'ah lahe ngon baten
Seulamat uroë Raya Puasa thôn njoë 1429 H/2008 M
Do'a Keselamatan
"Ya Tuhan, janganlah Engka siksa kami karena lupa atau bersalah. Ya Tuhan,
janganlah Engkau bebankan kepada kami beban yang berat sebagaimana telah Engkau
bebankan kepada orang-orang sebelum kami. Ya Tuhan, janganlah Engkau pikulkan
kepada kami apa yang tidak sanggup kami memikulnya. Beri maaflah kami,
ampunilah kami, dan rahmatilah kami. Engkaulah Penolong kami, maka tolonglah
kami dalam mengalahkan orang-orang kafir." (QS. Al-Baqarah: 286).
Wassalamu'alaikum wr wb.
Tengku Mohd Riji.Tengku Abdullah.
_________________________________________________________
Alt i ett. Få Yahoo! Mail med adressekartotek, kalender og
notisblokk. http://no.mail.yahoo.com
