Photo rumoh kawom dhuafa di Achehnjoe peureulee tatampilkan supaja tingatteuh pakiban hudep menderita bansateuh tapi peunguasa hudep mewah ateueh derita kawom dhuafa. Ladom nalom njeng djak ek Haji padahai hajinjan hana Neukira le Allah meunje lingka geutanjoe manteng na ureueng udep sosah atawa sosah udep. Apabila lingka geutanjoe hanale ureueng gasien njeng lageenjan tingkat rumohgeuh, baro Allah Neuridha geutanjoe taek Hadji. Laenhai watee djameun Rasulullah geu ek Hadji bahpih mantengle ureueng gasien, meuseubab Rasulullah dan sahabatneuh ek u Hadji hana pajah biaja sabantjit lagee tanjoe djak u meuseudjid uroe Djeumeuah. Djadi meunje napeng untok djak u Hadji bagi bansa Acheh uroenjoe, haq geudjok pengnjan bandum keu kawom dhuafa njan sabantjit ka lheueh geu ek u Hadji. Lagee geupeugah le tgk Darwis Djiniep uroenjan, meunan ureueng Acheh njeng meuideology Islam geupahami sueue Hadji. Hainjoe memang handjideunge le ureueng njeng hana meuideology Islam, meusabab di ureuengnjan hanja tjit titel H teubajang-bajang lam uleegeuh dan geukira ek ampon bandum desja. Padahai Hadjinjan pajah tameureunoe ideologydjih pakriban hakikatdjih, ken hanja manasiek manteng. Njan sabantjit lagee ureueng shalat, pulapingkui manteng hana geuteupeue makna njeng geumarit ngen lidahgeuh. Neupeugah le Rasulullah bahwa hana meuiman sibarangkasoe njeng eh lamkeuadaan pruet troe seumentara na sidroe manteng ureueng njeng eh lam keuadaan pruet deuek. Djadiu ngen idiologikeuh ek tapeuphom bahwa meusidroe ureung Acheh hana Neuteurimeng Hadji gobnjan, paken. Seubabdjih ken sidroe manteng teutangga gasien mukuwien tapi meuleupahthatdjai. Njankeuh seubab bansa Acheh musti peubibeueh kawom dhuafa dilee dari beuleunggu njeng meunimpa kudok/kudok ureuengnjan. Andai Acheh - Sumatra ek tapeumaedeka hana meusidroepih bansa Acheh njeng gasien meuseubab lethat hareuta Neukeubah le Allah lampruet bumoe Acheh. Djadi keusimpulandjih agama geutanjoe gohlom beutei hingga teukeusan get awak non Isklam ngen geutanjoe. Padahai njan bandum ken ureueng Islam tapi munafek. keutjuali ditthat njeng ken munafek. Njankeuh seubab Acheh pajahthat mardeka. Ureueng Islam njeng beutei agamageuh, han idjo aneuk mata watee geukalen hareuta donja. Beuneuingat bahwa puntja karu nakeuh ambisius peumimpin, materialis dan han ek theun rajuan wanita, hingga geuteumpoh djalan njeng hana ridha Allah.
