Alo mPok Atun nyang bahenol, Sejak taon 2000 lalu aye cina culun peang sering beeng nulis surat ke Mpok, mulaen dari ngadu mengapa Endonesia gini gituh, aye juga gak lupa nginget-in mPok supaya kagak kepincut ama cowok semodel si JeDing nyang demen ngegombal. Tiga taon aye rutin nulis surat ke Mpok ampe mPok ngibrit ninggalin Endonesia buat jadi te ka we di kerajaan jiran sonoh, dulu mah aye demen ngadu sampe bisa nulis surat kitaran seminggu sekali, lama-lama aye ternyata bosen juga ngadu ini itu ke mPok, sampe di taon 2004 aye palingan ngadu sekali doangan, ntu juga aye nulis surat buat ngadu sama ngasih ingpo kalo aye lagi belajar kampanye buat si monyong putih, maklum dan si monyong putih gitu-gitu udah jadi sodara deket aye.
Sekarang di taon 2005 aye mau rajin nulis surat lagi dah ke mPok Atun, cuman aye kagak jangji muluk-muluk nulis suratnya, soalnya nyang demen jangji udah di sodok duluan ama nyang kuasa di kerajaan Endonesia ini, ampe bikin jangji seratus ari segala macem, jadi mirip mPok Atun kalo bunting terus bikin acara tujuh bulanan. Aye mah kagak demen jangji kosong melongpong kayak kepompong ditinggal si ulet terbang. Eh mPok, di kampung Petar ini sekarang ada dua orang perempuan nyang kayaknya mirip mPok Atun dah, cuman nyang atu udah ngaku pantatnya tepos, sedang nyang atu lagi belon ketahuan pantatnya tepos apa be isi, nyang jelas sih ntu namanya mirip saling samaan, cuman beda buntutnya doangan, nyang atu namanya nYak Martha Loe Mampir sedang nyang atu lagi entah Non entah Nenek entah Nyak Martha Jan Piter Soen, nyang jelas seh kedua nya ntu samaan ama mPok Atun demen godeg-in pantat buat nendang cowok iseng ama jail, cuman aye belon ngeliat nge jepret cowok iseng pake tali beha nya doang. Eh kebayang gak seh pantat tepos ngegodeg-in cowok jail mentalnya berapa jauh ?, kayaknya bukan nya ntu cowok nyang mental malah-malah bisa dia sendiri nyang mental ngkali yah. Ada juga komedian pake gaya dari kerajaannya ratu Elizabeth, cuman nama komediannya doangan kayak pelem sinetron nyang udah mulaen bosenin si bajay Baduri, soalnya kebayang ini mBah bisa bikin lawakan dengan muka sambil serius kayak propesor linglung, pas di tanya ama muridnya baru ngakak ngasih tau bahwa barusan ntu cuman lawakan, aye ajah ampe ampir semaput baca lawakan nyang kayak serius banget. Eh mPok sekarang ini kampung Petar punya tetangga kampung lagi, maklum dah daerah transmigrasi masih banyak nyang kopong, jadi ajah nambah terus kampung-kampung baru, sebenarnya seh kagak baru-baru amat, seudah ada kampung Apaan Kabarnya, terus ada nyang ktimpuk trantib jadi ajah nyari kampung laen, supaya kagak sakit ati terus ajah dia kasih nama kampung Apanan Kabar Underground, nyang warganya kebanyakan paling demen hobby nyilem, bagian nongol tetep ajah nyari duit di kampung laen, sekalian jual tampang kesonoh kesinih. Eh mPok udah denger belon mengenai sas sus kenapa gula harganya bisa pindah ?, aye punya modal langsung ngilang begitu ajah, gara-gara ntu harga gula pindah harga, mending kalo sedikit, nah ini bisa ngebayar gaji ampe beberapa orang. Cerita-cerita nyang aye denger seh dimulaen ama ketemunya gula selundupan, terus ketangkep ( namanya ketangkep jadi pasti dong selundupan, kalo gak ketangkep mah gula resmi namanya ), terus ntu gula di lelang, nah disini ntu hasil lelangannya lucu banget, bukan nyang ngasih harga paling tinggi nyang menang, malah nyang ngasih harga nyang paling murah nyang menang, jadi ajah ntu gula selundupan nyang kudunya di lelangan dipatok harga tiga rebu empat ratusan, jadi turun bero ke dua rebuan, sue nya bagian ngejual malah jadi angot diatas empat rebu, pokoknya aye jadi rugi jutaan perak dah sebulannya, coba kalo dipasang-in togel jadi berapa juta-juta tuh.. Ceritanya gak abis sampe situ ajah, terus ada nyang protes keras, seudah musyawarah mupakat ama kelompok raja ntu hasil lelang dibatal-in, dan harganya langsung dinaek-in sepuluh perak dari harga paling tinggi sewaktu lelang pertama dijaban-in, hebat pan kerajaan kita ini... Eh mPok pigimana dengan gawe-an di kerajaan Jiran sonoh ?, belon pernah kena tempeleng ngkoh sipit pan ?, pokoke mPok Atun mah aye percaya dah bisa ngatas-in para bos cowok nyang suka cengengesan kagak puguh, apalagi nyang suka galak padahal niatnya laen, sekali kedut tali beha pada baret dah ntu nyang galak, emangnya kudu beneran cambuk nyang bisa bikin baret, tali beha pan lebih kicit, dan nyang kicit-kicit ntu pasti lebih nyakit-in, kayak hitler, cabe rawit, pelor mimis, iya kagak mPok ?. Eniwe udahan dulu dah mPok, aye mau mulaen bobo lagi, maklum bobo aye kepotong ama gerayangan gacoan aye...jangan ngiri yah mPok. Salam cup cup muah dari jauh, gak lupa salam-in ke Babeh ama Nyak yah..anteng-anteng dah nyangkul disonoh, ntar-ntar aye kasih lagi laopran nyang laennya. bay bay lop sur. ps. Aye jadi rada kagok bikin surat ke mPok Atun ama nyak Becky, soale nYak Beckynya kena di cere-in euy. Ssttt si JeDing kayaknya lagi kumat lagi tuh, kudu di tahlil in ngkali yah. [Non-text portions of this message have been removed] ------------------------ Yahoo! Groups Sponsor --------------------~--> Has someone you know been affected by illness or disease? Network for Good is THE place to support health awareness efforts! http://us.click.yahoo.com/rkgkPB/UOnJAA/Zx0JAA/uTGrlB/TM --------------------------------------------------------------------~-> Post message: [EMAIL PROTECTED] Subscribe : [EMAIL PROTECTED] Unsubscribe : [EMAIL PROTECTED] List owner : [EMAIL PROTECTED] Homepage : http://proletar.8m.com/ Yahoo! Groups Links <*> To visit your group on the web, go to: http://groups.yahoo.com/group/proletar/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
