Kumite Peukeumah Atjeh Merdehka Demokratik
(Preparatory Committee of The Free Acheh Democratic)
New York, United States, tel/fax +1 718 3378843
Stockholm, Scandinavia tel + 46 73 69 87 522
E-mail: [EMAIL PROTECTED] .info
Website: http://www.freeache h.info
Maklumat Ukeuë Bansa Atjèh
Assalamualaikum Wr. Wb.
Padum-padum watèë njang ka u likot geutanjoë ka lheuëh ta sambôt uroë
keumeunangan geutanjoë bandum bak ta lawan hawa nafsu seulama sibuleuën punoh.
Seumoga nafsu njang ta lawan dalam buleuën puasa adak djeuët beu meusambông bak
buleuën-buleuën laén tjit. Seuhingga nafsu njang hana djroh lagèë peubuët buët
korupsi, teumipèë rakjat, teukabô dan seumeupoh diluwa hukôm beu-ék leukang
dari bumoë Atjèh.
Dalam peuluweuëng njoë, Kumite peureulèë meu brithèë bak sjèdara kamoë bandum
teuntang padum-padum boh peukara njang teungoh teudjadi di Nanggroë geutanjoë,
njang djinoë siat teungoh lam djaroë peundjadjah Indonesia. Peukara njoë nakeuh
peunténg untôk neuteupeuë, saweuëb rakjat Atjèh peureulèë geuteupeuë keuadaan
geuh, peureulèë geuseudia droë, dan peureulèë geukawai sjèdara saboh bansa
seureuta tanoh éndatu bèk sampoë djipeureulé lé pendudukan Indonesia atawa uléh
sjèdara droë-teuh njang ka meusjubahat deungon musôh.
Keudjadian dan masalah njang paléng rajek djinoë siat nakeuh peukara 500
djuta pèng Dollar Amerika beunantu dônja keu kurubeuën tsunami. Tsunami
reconstruction funds worth $US500 million are being lost to fraud and
corruption because of the failure by the United Nations to implement its own
anti-fraud measures (Pèng untôk peugot keulai(nanggroë Atjèh) akibat musibah
tsunami njang le djih 500 djuta Amerika teungoh gadoh ladju akibat korupsi dan
buët-buët teumipèë laén deungon meusadja. Njoë nakeuh meunurôt lapôran
surathaba Sydney Herald Morning dari Australia bak uroëbuleuën 6 Oktober 2007.
Pèng dônja njang djidjôk keu Rakjat Atjèh ngon pulo Nias nakeuh bak djaroë
musôh dan rakan-rakan sjubahat awaknjan untuk djipadjôh keudroë djih, kon untôk
djipeugot nanggroë njang ka reulé buët tsunami. Saweuëbnjan, geutanjoë wadjéb
tapeutheun hak droë-teuh, saweuëb agama geutanjoë geujuë bandum ureuëng untôk
peudjuang njang hak dan prang buët djeuheut atawa buët njang bateuë.
Korupsi di Atjèh nakeuh buët tjeumeutjuë atawa meurampok hareuta ureuëng ramè
dalam djumlah njang luwa biasa le, njang seubeutôi djih leubèh djeuheut nibak
peurampok-peurampok njang lawét njoë ka kajém ta deungo di Atjèh. Dan beu ta
teupeuë lé geutanjoë bahwa korupsi ka djeuët keu tjunto-teuladan, saboh hai
njang biasa, keu generasi ukeuë untôk djidjak meurampok dan tjeumeutjuë saweuëb
ka djikalon peurampok meudasi atawa korupsi hana soë teugah dan bibeuëh
hukôm. Uléh sababnjan, beudoh sjèdara kamoë ban saboh bumoë Atjèh untôk ta
peutheun nanggroë nibak bala, deungon ta prang korupsi dan buët-buët djeuheut
laén.
Komite nakeuh untôk perdjuangan geutanjoë u alam meurdéhka, teutapi kamoë
peureulèë bansa meuh beu sidjahtra, dan beu teulindông dalam hukôm jôh goh trôk
bak tudjuan teuh.
Masalah Njang Kedua nakeuh dari asoë seulidék International Crisis
Group (ICG) di Brussels, Belgia, padum-padum watèë njang ka u likôt. Asoë
seulidék njan nakeuh peu-ingat geutanjoë bandum bahwa Atjèh gohlom bibeuëh
nibak peukara puliték dan ekonomi, meutapi Atjèh njan djipeugah lagèë saboh
bhôm watèë, dan karu atawa konflik akan teuka lom. ICG djikheun lom dalam
lapôran njan bahwa salah saboh puntja djih nakeuh akibat dari tingkah laku
sisiteungoh beukaih GAM njang djinoe kadjeuët keu peudjabat peumeurintah
Indonesia, dan beukaih teuntra (KPA). Ureung Atjèh, kheun ICG, lagèë ka
geugantoë saboh keukuasaan dhalém deungon keukuasaan dhalém njang laén. Beukaih
teuntra teulibat dalam geuprah ureuëng, meurampok dan koh kajèë deungon hana
idin, bahthat pih kon awaknjan mantong njang peulaku buët-buët karôt njan.
Bak dali njang ta kalon dari dua masalah njang ta seubot di ateuëh,
nakeuh bandum meu asai dari puntja njang hana beutôi. Pèng Dônja njang dum nan
le akan habéh bak djaroë ureuëng luwa njang tinggai di Atjèh atawa buët biëk
Atjèh keudroë njang hana meutanggông djaweuëb. Uléh saweubnjan sjèdara,
peurdjuangan njoë goh lom habéh, dan geutanjoë pajah beu seudia sabé.
Neupeuluwah Komite di Atjèh dan neusipreuëk haba ukeuë sjèdara-sjèdara
geutanjoë di gampông ban saboh Atjèh, njang peurdjuangan Atjèh Meurdéhka
demokratik mantong meugrak, dan akan ta peudjak leubèh tadjam lom meunjo
keukuatan geutanjoë ka meutamah.
Wassalam,
Udép Meurdéhka, Maté Mulia
---------------------------------
Be a better pen pal. Text or chat with friends inside Yahoo! Mail. See how.
[Non-text portions of this message have been removed]
Post message: [EMAIL PROTECTED]
Subscribe : [EMAIL PROTECTED]
Unsubscribe : [EMAIL PROTECTED]
List owner : [EMAIL PROTECTED]
Homepage : http://proletar.8m.com/
Yahoo! Groups Links
<*> To visit your group on the web, go to:
http://groups.yahoo.com/group/proletar/
<*> Your email settings:
Individual Email | Traditional
<*> To change settings online go to:
http://groups.yahoo.com/group/proletar/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
