Recibín isto do asesor informático de zona do meu instituto: ««« Quizais xa coñecedes que no mes de abril rematou o soporte de Microsoft ao sistema operativo Windows XP. Por iso, estase levando a cabo nos centros educativos unha migración a GNU-Linux. No mes de xullo e agosto é unha boa ocasión para realizar esta tarefa, xa que os equipos de mantemento non teñen tantas incidencias dos centros, e contamos cunha maior flexibilidade. Pero tamén poden facer tarefas de mantemento noutros sistemas operativos como o Microsoft Windows 7 ou calquera distribución GNU-Linux.
Para iso, só teñen que enviar un correo electrónico á UAC (u...@edu.xunta.es), solicitando o mantemento e a migración a GNU-Linux, se fora o caso. Deben de sinalar o número de equipos aproximado no cal se quere facer o mantemento, mencionando a marca e o modelo. Tamén sería de interese que os equipos de mantemento coñeceran os modelos de impresora que dispón o centro (non é imprescindibel). »»» Pregunteille se me podía pasar unha maqueta para probala e esta é a resposta: ««« (...)non deixa de ser a distribución Minimo de Galpon (minino.galpon.org). E qué iso do Minino?. Pois é un Debian 7 Wheezy, ao cal lle poñen o escritorio ldxe, con interface de usuarios lightdm, un xestor de ficheiros moi lixeiriño como o pcmanfm, etc. Ademais non instala por defecto servizos como o samba ou o ssh. É dicir, é un Debian7 moi lixeiro, pero sen perder as características de Debian que a todos nos namoran, e podendo instalar os servizos que queiramos (polo menos en principio). Falei cos compañeiros de microinformática e dinme que é un Minino Artabros 2.0 ao cal lle instalan bastantes aplicacións, centrándose fundamentalmente naquelas de contido didáctico, e substitúen o iceweasel por firefox, para que lles resulte máis coñecido o navegador a primeira vista. »»» Parabéns, polo tanto! Xosé _______________________________________________ Proxecto mailing list Proxecto@trasno.net http://listas.trasno.net/listinfo/proxecto