Wa'laikum salam wr wb
Batua Bdr Labiah.
Ambo indak maikuti thread iko kasadono. Dek ado pulitisi-pulitisi,
langsuang ambo dilit sajo. Tanyato sadang bakuahampeh nan indak
ado hubungan jo pangka subject,......... lah maleo kiun kumari.
Lah.
Lah sampai kilek baliuang du. Elok diparantian thread iko.
Mudah-mudahan urang baru bisa maambiak kesejukan bagai didalam
kaluarga sandiri di Rn ko.
Dan juo jikok ado nan indak saiman, indak Muslim mohon tau diri,
supayo indak bagabuang disiko.
Bdr Labiah.
- Wakatu ambo pulkam 21-23 Dec patangko, singgah karumah
Ketua Bundo Kanduang Banuampu ( di Jambu Aie).
Sampai pulo ota ka BNP masuak kota.
- Ambo ado kodak jumbatan "Ngarai Rakik" diambiak adiak
8 Jan, dari oto. Nio ???? 300kb dlm jpg
- Pakaro Hasil Katantuan Adaik Banuampu nan diudarakan
duo minggu lalu, lai bisa dikabakan disiko summarino.
Apo sanksi jikok malanggano ??
Wass
Mak Bandaro
tetangga di Bogor
~~~~~~~~~~~~~~~~~~
Bandaro Labiah wrote:
>
> Assalamu'alaikum w.w.
>
> Mak Bandaro jo Sidang RN
>
> Lah dicaliak pado rupo, lah didanga pado bunyi, dibaco pulo nan
> tasurek, nampakno iyo indak ado gunono dipapanjang lai doh, baa dek
> baitu ? dipapanjang jadi batele-tele, malo-leo indak tantu arahno, lah
> jaleh bana kini ko, kok sakandang indak sabaun, maklum Sidang RN
> kasadono.
>
> kan lah nampak pulo diawak nan basamo, indak nan gata nan digauk,
> indak nan sakik kadiubek, mangko tambah maruyak jadino, elok dibuang
> katanah lankan, dihayukkan ka aia dareh..
>
> paralu pulo ambo sampaikan ciek, bahwasono urang nan "Mangaku" alun
> tantu lai samo jo nan diakuino, Saluang sajo nan manyampaikan.
>
> Kilek jo bayan nan lah nyato, tingga dikito manyalasaiakan
> Padiakan senlah.
>
>
> Bandaro Labiah
>
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
