Rindu Ambo, Labiah kurang 6 tahun yg lalu Sakitar bulan Oktober 1998 Surang sahabat manelpon ambo di tangah malam, Apo pasal ? Tanyato sahabat ko sangaik butuh dana segar karano Kakak perempuannyo akan melahirkan Cesare dan mereka Kakurangan biaya.
" nal, ambo indak tahu lai pinjam kama, ambo sangaik butuh bisuak pagi, tolonglah mabo…" "Insya Allah, bisuak pagi japuik ka kantua ambo…" jawek ambo mayakinkan sahabat koh. Baa kok bagitu yakin ambo manjaweknyo, padohal pitih ambo Surang indak cukuik ? Iko caritonyo… Di kantua ambo lamo, kami sepakat untuak mangalola Sebuah usaho simpan pinjam yang dananyo berasal dari Gaji kami masiang-masiang yang di potong. Potongannyo Indak banyak, paliang ampia samo jo potongan jamsostek. Tapi dek rutin tiok bulan, mako hanyo dalam babarapo tahun, Kami alah mamacik dana segar (dalam bantuak simpanan di bank) Sebesar labiah kurang 50 juta rupiah. Bayangkan, dana kami Itu bana-bana "ready to use" untuak satiok anggota yang Paralu mandasak pitih. Sakiang banyaknyo dana yang nganggur, Akhianyo kami buka usaho. Sagalo kaparaluan rumah tangga Anggota perbulannyo kami yang sadiokan. Mako, satiok bulan Kami pun mamborong di makro, mulai dari gulo pasia, sampai Barbagai macam susu. Tantu harago labiah murah, dan marginnyo Tiok akhia bulan kami bagikan pulo baliak ka anggota… Mako, buliah dikatokan, pado masa-masa itu, kami cukuik "makmur", karano sagalo kaparaluan alah tasadio, bahkan buliah utang dulu… di Rantaunet ko, jumlah awak jauah balipek-lipek dibandiang kawan-kawan ambo dulu (kami hanya 38 orang). Dalam angan-angan ambo, tantunyo dengan komitmen yang tinggi, awak bisa pulo mansinergikan kamampuan finansial awak masiang-masiang sahinggo indak paralu lai tiok ado musibah awak bukak kacio. Barangan-angan ambo, Jiko kudian awak punyo pulo kucio yang lumayan, tantu Bisa pulo awak babuek banyak untuak kampuang. Mulai Dari bantuan utk bencana, sampai mungkin bea siswa utk Anak-anak minang yang terlantar di kampuang, atau bilo Paralu awak buka sakolah terpadu utk anak-anak minang Dengan kurikulum Imtaq dan Imtek yang terpadu dan siap Pakai… Barangan-angan ambo, Kalau yayasan yang alah pernah ado di RN koh, disinergikan Baliak, dibuek komitmen, dijadikan profesional. Para anggota RN koh bukanlah sumbarang urang Cukuik lamo ambo di siko, dan ambo caliak RN koh adolah sebuah Naga yang masih tidur. Ado Usahawan di siko, ado Agamawan, ado Birokrat, Ekonom, Politisi, dlsbnyo. Marilah, awak buek Naga tuh jago, awak mulai dari kini saketek-saketek, salangkah demi salangkah, satanggo demi satanggo, insya Allah dengan komitmen tinggi dan niek tulus, akan ado hasilnyo. Bamimpi ambo, Sakian tahun kamuko, RN adolah sebuah kekuatan ekonomi Dan sosial yang ikuik diperhitungkan. Dengan jumlah anggota Dan kemampuan ekonomi yang luar biasa, RN ikuik terlibat Dalam sagalo usaho pemberdayaan urang minang di kampuang. Dari sakolah yang dibinanyo, tampil putra-putra minang Yang ilmuwan sakaligus religius. Dari anak-anak asuh yang dilindunginyo, muncul generasi- generasi baru yang siap dalam segala bidang. Sahinggo istilah lost generation yang dicamehkan urang banyak, indak tajadi di bumi Ranah Minang. Bamimpi ambo, Ups,… alah siang kironyo (apo iyo iko hanyo mimpi ?) Wassalaam, Ronald PS. Alah raminyo urang mudo yg bakumpua Di lap tenis tiok minggu, marupokan Hasil dari maota di RN juo. Rang mudo Pun alah punyo kacio sorang dengan Komitmen para anggotanyo, sahinggo Katiko ado bencana gampo, yang kami Paralukan hanyo anggukan kapalo tando Satuju dari anggota, dan mangalirlah Bantuan tuh. Insya Allah di RN awak Bisa pulo sarupo itu… ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________